ຂ່າວຫຼ້າສຸດ

ແອ​​ັສ​ປາຍ ຍົກເລີກ​ສັນຍາ​ຂາຍ​ລະເບີດ 400 ໜ່ວຍ​ໃຫ້​ແກ່​ອາ​ຣາ​ບີ ຊາ​ອຸ​ດິດ

248 06 ກ.ຍ. 2018 ຂ່າວຕ່າງປະເທດ
ແອ​​ັສ​ປາຍ ຍົກເລີກ​ສັນຍາ​ຂາຍ​ລະເບີດ 400 ໜ່ວຍ​ໃຫ້​ແກ່​ອາ​ຣາ​ບີ ຊາ​ອຸ​ດິດ

     ທາງ​ການ​ແອ​​ັສ​ປາຍ ແຈ້ງ​ໃຫ້​ຮູ້ເມື່ອ​ວັນ​ທີ 4 ກັນຍາ​ນີ້ ກ່ຽວ​ກັບ​ການ​ຍົກເລີກ​ສັນຍາ ວ່າ​ດ້ວຍ​ການ​ຂາຍ​ລະເບີດ​ພາ​ທາງ​ດ້ວຍ​ເລ​ເຊີ ຈຳນວນ 400 ໜ່ວຍ ໃຫ້​ແກ່​ອາ​ຣາ​ບີ ຊາ​ອຸ​ດິດ ທີ່​ໄດ້​ລົງ​ນາມ​ກັນ​ໄປ​ເມື່ອ​ປີ 2015.

    ສຳນັກ​ຂ່າວສານ AFP ຂອງ​ຝຣັ່ງ ອ້າງ​ຕາມ​ຄຳ​ເວົ້າ​ຂອງ​ໂຄສົກ​ກະຊວງ​ປ້ອງ​ກັນ​ປະເທດ ແອ​​ັສ​ປາຍ ຊຶ່ງ​ຢັ້ງຢືນ​ຜ່ານ​ວິທະຍຸ​ກະຈາຍສຽງ Cadena Ser ກ່ຽວ​ກັບ​ເລື່ອງ​ທີ່​ລັດຖະບານ​ຊຸດ​ໃໝ່ ຂອງ​ແອ​​ັສ​ປາຍ ມີ​ແຜນການ​ສົ່ງ​ເງິນ​ຄືນ​ກວ່າ 9 ລ້ານ​ເອີ​ໂຣ (ເທົ່າ​ກັບ​ເກືອບ 11 ລ້ານ​ໂດ​ລາ​ສະຫະລັດ) ທີ່​ອາ​ຣາ​ບີ ຊາ​ອຸ​ດິດ ໄດ້​ຊຳລະ​ໃຫ້​ແກ່​ສັນຍາ ທີ່​ໄດ້​ລົງ​ນາມ​ໃນ​ສະໄໝ​ຂອງ ລັດຖະບານ​ຊຸດ​ກ່ອນ.

    ຖະແຫຼງການ​ດັ່ງກ່າວ​ມີ​ອອກ​ມາ ຫຼັງ​ຈາກ​ທີ່​ພັນທະ​ພາບ​ຕໍ່ຕ້ານ​ກຸ່ມ​ມື​ປືນ​ຢູ່​ໃນ​ເຢ​ແມນ ອັນ​ມີ່​ອາ​ຣາ​ບີ ຊາ​ອຸ​ດິດ ເປັນ​ແກນ​ນຳ ໄດ້​ດຳເນີນ​ການ​ປະຕິບັດ​ການ​ໂຈມ​ຕີ​ທາງ​ອາກາດ ຢູ່​ໃນ​ເຢ​ແມນ ເມື່ອ​ເດືອນ​ສິງຫາ​ທີ່​ຜ່ານ​ມາ ເປັນ​ເຫດ​ໃຫ້​ສາມັນ​ຊົນ​ເສຍ​ຊີວິດ​ຫຼາຍ​ສິບ​ຄົນ ໃນ​ນັ້ນ​ມີ​ເດັກນ້ອຍ​ລວມ​ຢູ່​ນຳ 40 ຄົນ.

 

ຂ່າວທີ່ກ່ຽວຂ້ອງ