ວັນອາທິດ ທີ 16 ທັນວາ 2018 09:06:06
- ປະທານປະເທດ ຮຽກຮ້ອງຜູ້ຊົງຄຸນວຸດທິ ເປັນແບບຢ່າງນຳໜ້າ ເຕົ້າໂຮມຄວາມສາມັກຄີ
- ເລື່ອນຊັ້ນພົນເອກໃຫ້ທ່ານ ພົນໂທ ຈັນສະໝອນ ຈັນຍາລາດ
- ມອບ-ຮັບໜ້າທີ່ລັດຖະມົນຕີ ກະຊວງ ປກສ ຄົນໃໝ່
- ຊຸກຍູ້ເພີ່ມທະວີແກ້ໄຂບັນຫາຊາຍແດນລາວ-ໄທ
- ມູນຄ່າການຄ້າລະຫວ່າງ ລາວ-ຣັດເຊຍ ເພີ່ມຂຶ້ນຫຼາຍກວ່າ 60%
- ວາງສະແດງຮູບພາບ-ວັດຖຸ ຜົນງານມູນເຊື້ອປະຕິວັດ ຄົບຮອບ 70 ປີ
- ອົດສະຕຣາລີ ໃຫ້ທຶນຊ່ວຍເຫຼືອເກັບກູ້ລະເບີດ ຢູ່ເມືອງສະໜາມໄຊ
- ສປປ ລາວ ຈະເປັນເຈົ້າພາບຈັດກອງປະຊຸມລັດຖະມົນຕີຕ່າງປະເທດ ແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ຈັດຂຶ້ນທີ່ແຂວງຫຼວງພະບາງ
- ລາວ ສົ່ງນັກກີລາເຂົ້າຮ່ວມ ເພາະກາຍຊີງແຊັມໂລກ
- ກີລາ ມ ອາຊຽນ ໄຂຂຶ້ນເປັນທາງການ ລາວໄດ້ 2 ຫຼຽນຄຳ 4 ຫຼຽນເງິນ
ວັດອົງຕື້ ສົມທົບກາເບື້ອງດິນຂໍ ປະຕິສັງຂອນພະທາດອີງຮັງ
ວັນທີ 5 ກັນຍາ 2018 ທີ່ວັດອົງຕື້ມະຫາວິຫານ ນະຄອນຫຼວງວຽງຈັນ (ນວ) ຄະນະບູລະນະໂຄງການປະຕິສັງຂອນໂຄງຫຼັງຄາວັດອົງຕື້ມະຫາວິຫານ ໄດ້ມອບກາເບື້ອງດິນຂໍຈຳນວນ 102.000 ແຜ່ນ ໃຫ້ພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວ (ຖວທ) ແຂວງສະຫວັນນະເຂດ ເພື່ອນຳໄປປະກອບສ່ວນເຂົ້າໃນໂຄງການປະຕິສັງຂອນ ສ້າງກົມມະລຽນອ້ອມຮອບພະທາດອີງຮັງ ທີ່ຕັ້ງຢູ່ນະຄອນໄກສອນ ພົມວິຫານ ກ່າວມອບໂດຍພະອາຈານ ພວງປະເສີດ ພູນະວົງ ເຈົ້າອະທິການວັດອົງຕື້ມະຫາວິຫານ ແລະ ກ່າວຮັບໂດຍທ່ານ ຄຳສິດ ພົມມະຈັນ ຮອງຫົວໜ້າພະແນກ ຖວທ ແຂວງສະຫວັນນະເຂດ ທັງເປັນກອງເລຂາບູລະນະປະຕິສັງຂອນພະທາດອີງຮັງ ມີທ່ານ ສາລີ ນັນທະວົງ ຫົວໜ້າຂະແໜງວັດທະນາທຳ ພະແນກ ຖວທ ນວ ແລະ ພາກສ່ວນກ່ຽວຂ້ອງເຂົ້າຮ່ວມ.
ສຳລັບກາເບື້ອງດິນຂໍທີ່ນຳມາມອບໃຫ້ຄັ້ງນີ້ ເປັນກາເບື້ອງດິນຂໍເກົ່າທີ່ໄດ້ມາຈາກການຮື້ຖອນຫຼັງຄາສິມວັດອົງຕື້ມະຫາວິຫານ ເຖິງວ່າຈະເປັນກາເບື້ອງດິນຂໍເກົ່າ ແຕ່ກໍ່ຍັງມີຮູບຮ່າງດີ ແລະ ສາມາດນຳໄປໃຊ້ຕໍ່ໄດ້ ດັ່ງນັ້ນ ທາງພະແນກ ຖວທ ແຂວງສະຫວັນນະເຂດ ຈຶ່ງຮັບເອົາໄປໝູນໃຊ້ເຂົ້າໂຄງການປະຕິສັງຂອນພະທາດອີງຮັງ ເພື່ອໄປປ່ຽນຖ່າຍກາເບື້ອງດິນຂໍທີ່ເກົ່າແກ່ໃຊ້ການບໍ່ໄດ້ອອກ ທັງນີ້ກໍ່ເພື່ອເຮັດໃຫ້ພະທາດອີງຮັງມີຄວາມງົດງາມ ພາຍຫຼັງປະຕິສັງຂອນສຳເລັດ ເພື່ອເປັນການດຶງດູດນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າໄປທ່ຽວຊົມສະຖານທີ່ທ່ອງທ່ຽວວັດທະນະທຳແຫ່ງນີ້ນັບມື້ຫຼາຍຂຶ້ນ.
