ຂ່າວຫຼ້າສຸດ

ເງິນ​ເຟີ້​ຂອງ​ຕວກ​ກີ ພຸ່ງ​ສູງ​ຂຶ້ນ

96 06 ກ.ຍ. 2018 ຂ່າວຕ່າງປະເທດ
ເງິນ​ເຟີ້​ຂອງ​ຕວກ​ກີ ພຸ່ງ​ສູງ​ຂຶ້ນ

     ເມື່ອ​ວັນ​ທີ 3 ກັນຍາ​ນີ້ ທະນາຄານ​ກາງ​ຕວກ​ກີ (BoT) ໄດ້​ສົ່ງ​ສັນຍານ​ອອກ​ມາ​ວ່າ​ຈະ ດຳເນີນ​ການ​ເພື່ອ​ຕ້ານ​ກັບ “ຄວາມ​ສ່ຽງ​ທີ່​ມີ​ຫຼາຍ​ສົມຄວນ” ທີ່​ມີ​ຕໍ່​ຄວາມ​ໝັ້ນຄົງ​ດ້ານ​ລາຄາ.

    ນີ້​ຖື​ວ່າ​ເປັນ​ການເຄື່ອນໄຫວ​ທີ່​ບໍ່​ຄ່ອຍ​ມີ ເພື່ອ​ເຮັດ​ໃຫ້​ຕະຫຼາດ​ການ​ເງິນ​ມີ​ຄວາມ​ໝັ້ນຄົງ ຫຼັງ​ຈາກ ທີ່​ເງິນ​ເຟີ້​ພຸ່ງ​ສູງ​ຂຶ້ນ​ສູ່​ລະດັບ​ສູງ​ສຸດ​ໃນ​ຮອບ​ເກືອບ 15 ປີ ຜ່ານ​ມາ ຊຶ່ງ​ຕາມ​ແຜນການ​ແລ້ວ BoT ຈະ​ຈັດ​ປະຊຸມ​ໃນ​ວັນ​ທີ 13 ກັນຍາ​ນີ້.

    ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ເງິນ ລີ​ຣາ (ສະກຸນ​ເງິນ​ພາຍ​ໃນ​ຂອງ​ຕວກ​ກີ) ໄດ້​ຕົກ​ຄ່າ​ໄປ 40% ເມື່ອ​ທຽບໃສ່​ເງິນ​ໂດ​ລາ​ສະຫະລັດ ເຮັດ​ໃຫ້​ລາຄາ​ສິນຄ້າ​ພຸ່ງ​ສູງ​ຂຶ້ນ ພ້ອມ​ທັງ​ເປັນ​ການ ແຈ້ງ​ເຕືອນ ກ່ຽວ​ກັບ​ຜົນ​ກະທົບ​ທີ່​ມີ​ຕໍ່​ພື້ນຖານ​ເສດຖະກິດ.

    ສະເພາະ​ໃນ​ເດືອນ​ສິງຫາ​ທີ່​ຜ່ານ​ມາ ອັດຕາ​ສ່ວນ​ເງິນ​ເຟີ້​ຢູ່​ໃນ​ຕວກ​ກີ ໄດ້​ເພີ່ມ​ຂຶ້ນ 17,9% ເປັນ​ການ​ຫ່າງ​ໄກ​ຈາກ​ການ​ຄາດ​ຄະເນ​ທີ່​ມີ​ອອກ​ມາ​ກ່ອນ​ໜ້າ​ນັ້ນ ແລະ​ ກໍ​ເປັນ​ລະດັບ​ສູງ​ສຸດ​ນັບ​ແຕ່ ທ້າຍ​ປີ 2003 ເປັນຕົ້ນ​ມາ. ຈາກ​ສະພາບ​ການ​ຄື​ດັ່ງກ່າວ BoT ໃຫ້ການ​ຢືນຢັນ​ວ່າ ຈະ​ມີ​ບາດກ້າວ​ທີ່​ຈຳເປັນ ເພື່ອ​ຊ່ວຍເຫຼືອ​ໃຫ້​ແກ່​ຄວາມ​ໝັ້ນຄົງ​ທາງ​ດ້ານ​ລາຄາ.

 

ຂ່າວທີ່ກ່ຽວຂ້ອງ