ຂ່າວຫຼ້າສຸດ

ຜູ້ພິພາກສາໃນມຽນມາ ຕັດສິນຈຳຄຸກນັກຂ່າວຂອງຣອຍເຕີ 2 ຄົນ

240 05 ກ.ຍ. 2018 ຂ່າວຕ່າງປະເທດ
ຜູ້ພິພາກສາໃນມຽນມາ ຕັດສິນຈຳຄຸກນັກຂ່າວຂອງຣອຍເຕີ 2 ຄົນ

  ຂ່າວສານຣອຍເຕີ ລາຍງານວ່າ ຜູ້ພິພາກສາຄົນໜຶ່ງຂອງມຽນມາ ໄດ້ຕັດສິນເມື່າອວັນທີ 3 ກັນຍານີ້ ໃຫ້ຈຳຄຸກເປັນເວລາ 7 ປີ ຕໍ່ນັກຂ່າວ 2 ຄົນ ຂອງສຳນັກຂ່າວສານຣອບເຕີ (Reuters) ຍ້ອນວ່າພວກເຂົາລະເມີດກົດໝາຍວ່າດ້ວຍຄວາມລັບແຫ່ງລັດມຽນມາ.

    ຜູ້ພິພາກສາ ເຢ ແອລວິນ ຢູ່ໃນນະຄອນຢາງກຸງ ປະກາດວ່າ ນັກຂ່າວ 2 ຄົນ ຄື ວາ ລອນ (ອາຍຸ 32 ປີ) ກຽວ ໂຊເອ ອໍ (ອາຍຸ 28 ປີ) ໄດ້ລະເມີດຂໍ້ຄວາມ 3.1.c ຂອງກົດໝາຍວ່າດ້ວຍ ຄວາມລັບຢ່າງເປັນທາງການ ເມື່ອພວກເຂົາເກັບກຳ ແລະ ເກັບມ້ຽນ ເອກະສານປິດລັບຕ່າງໆ ແລະ ຖືກຕັດສິນຈຳຄຸກເປັນເວລາ 7 ປີ ໂດຍທີ່ເວລາຮັບໃຊ້ໂທດຂອງຜູ້ຖືກຫາທັງສອງຄົນ ແມ່ນໄລ່ແຕ່ ວັນທີ 12 ທັນວາ ປີ 2017 ເປັນຕົ້ນໄປ.

 

ຂ່າວທີ່ກ່ຽວຂ້ອງ