ມີ​ຜູ້​ເສຍ​ຊີວິດ ແລະ ຫາຍ​ສາບ​ສູນ 16 ຄົນ​ຈາກ​ຝົນຕົກ ນ້ຳນອງ​ຢູ່​ໃນ​ຫວຽດນາມ

239 05 ກ.ຍ. 2018 ຂ່າວຕ່າງປະເທດ
ມີ​ຜູ້​ເສຍ​ຊີວິດ ແລະ ຫາຍ​ສາບ​ສູນ 16 ຄົນ​ຈາກ​ຝົນຕົກ ນ້ຳນອງ​ຢູ່​ໃນ​ຫວຽດນາມ

    ຫ້ອງການ​ປະຈຳການ​ຂອງ​ຄະນະ​ຊີ້​ນຳ​ການ​ປ້ອງ​ກັນ ແລະ ຕ້ານ​ໄພ​ທຳ​ມະ​ຊາດ​ຂັ້ນ​ສູນ​ກາງ ຂອງ​ຫວຽດນາມ ແຈ້ງ​ໃຫ້​ຮູ້​ໂດຍ​ອ້າງ​ຕາມ​ການ​ລາຍ​ງານ​ດ່ວນ​ຈາກ​ແຂວງ ເຊີນ​ລາ ລ່າວ​ກາຍ ກາວ​ບັ່ງ ອຽນ​ບ້າຍ ແທງ​ຮ້ວ​​າ ເງ້​ອານ ຮວ່າ​ບິງ (ຕອນ​ເໜືອ​ພາກ​ກາງ ແລະ ພາກ​ເໜືອ​ຫວຽດນາມ) ວ່າຄວາມ​ເສຍ​ຫາຍ​ຈາກ​ສະພາບ​ຝົນຕົກ​ໜັກ ແລະ ນ້ຳນອງ ໄລ່​ມາ​ຮອດ​ວັນ​ທີ 2 ກັນຍາ​ນີ້ ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ 13 ຄົນ (ໃນ​ນັ້ນ​ຢູ່​ແຂວງ​ແທງ​ຮວ້າ ມີ 9 ຄົນ ໃນ​ຂະນະ​ທີ່​ແຂວງ ເຊີນ​ລາ ລ່າວ​ກາຍ ກາວ​ບັ່ງ ອຽນ​ບ້າຍ ເງ້​ອານ ແລະ​ຮວ່າ​ບິງ ມີ​ແຂວງ​ລະ 1 ຄົນ) ແລະ ຍັງ​ມີ​ຜູ້​ຫາຍ​ສາບ​ສູນ ອີກ 3 ຄົນ ຊຶ່ງ​ທັງ​ໝົດ​ແມ່ນ​ຢູ່​ໃນ​ແຂວງ​ແທງ​ຮວ້າ.

  ໃນ​ຂະນະ​ດຽວ​ກັນ ກໍ​ມີ​ເຮືອນ​ພັງ​ຖະ​ຫຼົ່ມ ຫຼື​ເສຍ​ຫາຍ​ກວ່າ 70% ຈຳນວນ 364 ຫຼັງ ຕ້ອງ​ໄດ້​ຍົກຍ້າຍ​ສຸກ​ເສີນ 754 ຫຼັງ; ເນື້ອທີ່​ນາ​ເຂົ້າ ແລະ​ພືດ ໄດ້​ຮັບ​ຄວາມ​ເສຍ​ຫາຍ 6.523 ເຮັກຕາ ແລະ ສັດລ້ຽງ​ປະເພດ​ໃຫຍ່ 512 ໂຕ ແລະ ສັດ​ປີ 56.367 ໂຕ ຕາຍ​ໄປ ຫຼື​ບໍ່​ກໍ​ຖືກ​ກະແສນ້ຳ ພັດ​ໄຫຼ​ໄປ.

ຂ່າວທີ່ກ່ຽວຂ້ອງ