ຂ່າວຫຼ້າສຸດ

ຈີນ​ຈະ​ລຶບ​ໜີ້​ໃຫ້​ແກ່​ບາງ​ປະເທດ​ທີ່​ດ້ອຍ​ພັດທະນາ ຢູ່​ໃນ​ທະວີບ​ອາ​ຟະ​ຣິກ​ກາ

324 05 ກ.ຍ. 2018 ຂ່າວຕ່າງປະເທດ
ຈີນ​ຈະ​ລຶບ​ໜີ້​ໃຫ້​ແກ່​ບາງ​ປະເທດ​ທີ່​ດ້ອຍ​ພັດທະນາ ຢູ່​ໃນ​ທະວີບ​ອາ​ຟະ​ຣິກ​ກາ

    ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ກ່າວ​ໄຂ​ກອງ​ປະຊຸມ​ສຸດ​ຍອດ ຂອງ​ເວທີ​ປຶກສາ​ຫາລື​ການ​ຮ່ວມ​ມື​ຈີນ-ອາ​ຟຣິ​ກາ (FOCAC) ຊຶ່ງ​ຈັດ​ຂຶ້ນ​ທີ່​ນະຄອນຫຼວງ​ປັກ​ກິງ (ຈີນ) ເມື່ອ​ວັນ​ທີ 3 ກັນຍາ​ນີ້​ວ່າ ຈີນ​ຈະ​ລຶບ​ໜີ້​ໃຫ້​ແກ່​ບາງ​ປະເທດ​ທີ່​ດ້ອຍ​ພັດທະນາ​ທີ່​ສຸດ ຢູ່​ໃນ​ທະວີບ​ອາ​ຟະ​ຣິກ​ກາ ແລະ​ ພ້ອມ​ທີ່​ຈະ ປະສານ​ສົມທົບ​ກັບ​ບັນດາ​ຄູ່​ຮ່ວມ​ສາກົນ ເພື່ອ​ໃຫ້​ຄວາມ​ຊ່ວຍເຫຼືອ​ອາ​ຟະ​ຣິກ​ກາ ເດີນ​ຕາມ​ທາງ ສັນຕິພາບ ແລະ​ພັດທະນາ.

    ປະທານ ສີ​ຈິ້ນ​ຜິງ ກ່າວ​ເນັ້ນ​ວ່າ ການ​ລຶບ​ໜີ້​ດັ່ງກ່າວ ແມ່ນ​ຈັດ​ໃຫ້​ແກ່​ບັນດາ​ປະເທດ ທີ່​ດ້ອຍ​ພັດທະນາ​ທີ່​ສຸດ ຢູ່​ໃນ​ທະວີບ​ອາ​ຟະ​ຣິກ​ກາ ບັນດາ​ປະເທດ​ທີ່​ຕິດ​ໜີ້​ກ່າຍກອງ ແລະ ​ທຸກ​ຍາກ ບັນດາ​ປະເທດ​ພວມ​ພັດທະນາ​ທີ່​ບໍ່​ມີ​ທາງ​ອອກ​ສູ່​ທະເລ ແລະ ​ເປັນ​ເກາະ​ຂະໜາດ​ນ້ອຍ ໂດຍ​ທີ່​ມີ​ການ ພົວພັນ​ການ​ທູດ​ກັບ​ຈີນ.

    ໃນ​ຂະນະ​ດຽວ​ກັນ ປະທານ ສີ​ຈິ້ນ​ຜິງ ກໍ​ປະກາດ​ວ່າ​ຈີນ​ຈະ​ເພີ່ມ​ການ​ຊ່ວຍເຫຼືອ ດ້ານ​ການ​ເງິນ​ລວມ​ເປັນ 60 ຕື້​ໂດ​ລາ​ສະຫະລັດ ໃຫ້​ແກ່​ອາ​ຟະ​ຣິກ​ກາ. ນອກຈາກ​ນັ້ນແລ້ວ ຈີນ​ກໍ​ຈະ​ປະຕິບັດ​ບັນດາ​ແນວ​ຄວາມ​ຄິດ​ໃຫຍ່ໆ ກັບ​ບັນດາ​ປະເທດ​ອາ​ຟະ​ຣິກ​ກາ ອັນ​ປະກອບ​ດ້ວຍ​ຂົງເຂດ​ຕ່າງໆ ເຊັ່ນ​ການ​ຊຸກຍູ້​ທາງ​ດ້ານ​ອຸດສາຫະກຳ ການ​ເຊື່ອມ​ຈອດ​ພື້ນຖານ​ໂຄງ​ລ່າງ ອຳນວຍ​ຄວາມ​ສະດວກ​ທາງ​ດ້ານ​ການ​ຄ້າ ແລະ ​ການ​ພັດທະນາ​ສີຂຽວ.

 

ຂ່າວທີ່ກ່ຽວຂ້ອງ