ຂ່າວຫຼ້າສຸດ

ສະພາແຫ່ງຊາດອູແກຣນຈະລົງຄະແນນສຽງກ່ຽວກັບກົດໝາຍວ່າດ້ວຍການເຊື່ອມໂຍງເອີຣົບ

152 05 ກ.ຍ. 2018 ຂ່າວຕ່າງປະເທດ
ສະພາແຫ່ງຊາດອູແກຣນຈະລົງຄະແນນສຽງກ່ຽວກັບກົດໝາຍວ່າດ້ວຍການເຊື່ອມໂຍງເອີຣົບ

    ທ່ານ ອັງດຣີ ພາຣູບີ ປະທານສະພາແຫ່ງຊາດອູແກຣນ ກ່າວເມື່ອວັນທີ 3 ກັນຍານີ້ວ່າ ໃນວາລະປະຊຸມ ທີ່ຈະມີຂຶ້ນໃນບໍ່ຊ້ານີ້ ອົງການນິຕິບັນຍັດຂອງອູແກຣນ ຈະລົງຄະແນນສຽງ ໃຫ້ແກ່ກົດໝາຍຫຼາຍສະບັບ ກ່ຽວກັບການເຊື່ອມໂຍງກັບເອີຣົບ ຂອງອູແກຣນ.

    ທ່ານ ອັງດຣີ ພາຣູບີ ກ່າວຢູ່ໃນກອງປະຊຸມຮ່ວມກັບການນຳຂອງພັກຝ່າຍຕ່າງໆ ວ່າສະພາ ແຫ່ງຊາດຈະຕ້ອງໄດ້ຮັບຮອງຮ່າງກົດໝາຍກວ່າ 50 ສະບັບ ກ່ຽວກັບການ “ເຊື່ອມໂຍງເອີຣົບ” ໃນນັ້ນມີຮ່າງກົດໝາຍ 21 ສະບັບ ໄດ້ຮັບການກະກຽມແລ້ວ.

    ປະທານາທິບໍດີອູແກຣນ ເປໂຕຣ ໂປໂຣເຊນໂກ ແຈ້ງໃຫ້ຮູ້ເມື່ອເດືອນສິງຫາທີ່ຜ່ານມາວ່າ ອູແກຣນພ້ອມໃນການເພີ່ມທະວີການຮ່ວມມືກັບສະຫະພາບເອີຣົບ (EU) ໃນຂອບຂອງສັນຍາການ ຮ່ວມກຸ່ມ ຢູ່ໃນຂົງເຂດຕ່າງໆ ເຊັ່ນເສດຖະກິດດີຈີຕາລ ພັນທະພາບດ້ານພະລັງງານ ການຮ່ວມມືດ່ານພາສີອາກອນ ຍຸຕິທຳ ແລະບັນຫາພາຍໃນ ດັ່ງນີ້ເປັນຕົ້ນ.

 

ຂ່າວທີ່ກ່ຽວຂ້ອງ