ຂ່າວຫຼ້າສຸດ

ນັກກີລາດອກປີກໄກ່ເຍົາວະຊົນລາວ ສ້າງຜົນງານທີ່ປະເທດໄທ

155 05 ກ.ຍ. 2018 ວົງຈອນກີລາ
ນັກກີລາດອກປີກໄກ່ເຍົາວະຊົນລາວ ສ້າງຜົນງານທີ່ປະເທດໄທ

    ອີງ​ຕາມ​ຂໍ້​ມູນ​ຈາກ​ສະ­ຫະ­ພັນ​ກີ­ລາ​ດອກ​ປີກ​ໄກ່​ແຫ່ງ​ຊາດ​ລາວ (ສດລ) ໃຫ້​ຮູ້​ວ່າ: ວັນ​ທີ 31 ສິງ­ຫາ-2 ກັນ­ຍາ 2018 ສດລ ໄດ້​ສົ່ງ​ນັກ­ກີ­ລາ​ຮຸ່ນ​ເຍົາ­ວະ​ຊົນ​ອາ­ຍຸ​ບໍ່​ເກີນ 12 ປີ 14 ປີ ແລະ 16 ປີ ຈຳ­ນວນ 10 ຄົນ ເຂົ້າ​ຮ່ວມ​ແຂ່ງ­ຂັນ​ກີ­ລາ​ດອກ​ປີກ​ໄກ່​ຮຸ່ນ​ເຍົາ­ວະ​ຊົນ ລາຍ­ການ Jorakay International Junior championship 2018 ທີ່​ແຂວງ​ອຸ­ດອນ​ທາ­ນີ ປະ­ເທດ​ໄທ​ເປັນ​ເຈົ້າ­ພາບ.

    ຜ່ານ​ການ​ແຂ່ງ­ຂັນ​ໃນ​ໄລ­ຍະ 3 ວັນ ນັກ­ກີ­ລາ​ເຍົາ­ວະ​ຊົນ​ລາວ ສາ­ມາດ​ຍາດ​ຂັນ​ຊະ­ນະ​ເລີດ​ມາ​ໄດ້​ເຖິງ 3 ລາຍ­ການ ຮອງ​ຊະ­ນະ​ເລີດ 4 ລາຍ­ການ ແລະ ອັນ​ດັບ​ທີ 3 ໄດ້ 3 ລາຍ­ການ ນອກ­ຈາກ​ລາຍ­ການ​ດັ່ງ­ກ່າວ ສດລ ຍັງ​ມີ​ແຜນ​ຈະ​ສົ່ງ​ນັກ­ກີ­ລາ​ເຍົາ­ວະ​ຊົນ​ທີມ​ຊາດ​ລາວ​ບຸກ­ຄົນ​ຊາຍ ໃນ​ຮຸ່ນ​ອາ­ຍຸ​ບໍ່​ເກີນ 15 ປີ ແລະ 17 ປີ ຈຳ­ນວນ 6 ຄົນ ເຂົ້າ​ຮ່ວມ​ແຂ່ງ­ຂັນ​ຊີງ​ຂັນ​ນາໆຊາດ 2018 ຈະ​ຈັດ​ຂຶ້ນ​ເດືອນ​ຕຸ­ລາ​ນີ້ ທີ່​ສະ­ຫະ­ພາບ​ມຽນ​ມາ ຮັບ​ກຽດ​ເປັນ​ເຈົ້າ­ພາບ ແຕ່​ເຖິງ​ຢ່າງ­ໃດ​ກໍ່​ດີ ກໍ່​ຕ້ອງ​ລໍ­ຖ້າ​ຄຳ​ຕອບ​ຈາກ​ສະ­ຫະ­ພັນ​ດອກ​ປີກ​ໄກ່​ອາ­ຊີ ຖ້າ​ຫາ​ກວ່າ​ລາຍ­ການ​ດັ່ງ­ກ່າວ ບໍ່​ມີ​ນັກ­ກີ­ລາ​ລະ­ດັບ​ເຍົາ­ວະ​ຊົນ​ໂລກ​ເຂົ້າ​ຮ່ວມ​ແຂ່ງ­ຂັນ​ຫຼາຍ ກໍ່​ຈະ​ໄດ້​ເຂົ້າ​ຮ່ວມ​ແຂ່ງ­ຂັນ ເນື່ອງ​ຈາ​ກວ່າ​ນັກ­ກີ­ລາ​ລາວ​ເຮົາ​ຍັງ​ບໍ່​ທັນ​ມີ​ແລ໋ງ​ກິງ ກໍ່​ຄື​ຕິດ​ອັນ​ດັບ​ໂລກ​ນຳ​ເຂົາ­ເຈົ້າ ສະ­ນັ້ນ ເຮົາ​ຕ້ອງ​ຜ່ານ​ຮອບ​ຄັດ​ເລືອກ​ສາ­ກ່ອນ ຫຼື ລໍ­ຖ້າ​ໂກ​ຕ້າ​ບຸ­ລິ­ມະ­ສິດ​ພິ­ເສດ ຈຶ່ງ​ຈະ​ສາ­ມາດ​ເຂົ້າ​ຮ່ວມ​ແຂ່ງ­ຂັນ​ໄດ້.

ຂ່າວທີ່ກ່ຽວຂ້ອງ