ຂ່າວຫຼ້າສຸດ

ລັດຖະບານປະດັບຫຼຽນກາມິດຕະພາບໃຫ້ທູດຝຣັ່ງ

211 04 ກ.ຍ. 2018 ຂ່າວໜ້າ​ໜຶ່ງ
ລັດຖະບານປະດັບຫຼຽນກາມິດຕະພາບໃຫ້ທູດຝຣັ່ງ

    ວັນ​ທີ 3 ກັນ­ຍາ 2018 ທີ່​ກະ­ຊວງ​ການ​ຕ່າງ­ປະ­ເທດ ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕ້ອນ­ຮັບ​ການ​ເຂົ້າ​ອຳ​ລາ ແລະ ຕາງ­ໜ້າ​ລັດ­ຖະ­ບານ​ລາວ ປະ­ດັບ​ຫຼຽນ​ກາ​ມິດ­ຕະ­ພາບ​ໃຫ້​ແກ່​ທ່ານ​ນາງ ໂກລ​ດິນ ເລີ​ດູ ເອກ​ອັກ​ຄະ​ລັດ​ຖະ​ທູດ​ຝຣັ່ງ ປະ­ຈຳ​ລາວ ໂອ­ກາດ​ສິ້ນ​ສຸດ​ການ​ປະ­ຕິ­ບັດ​ໜ້າ­ທີ່​ການ​ທູດ​ຢູ່ ສປປ ລາວ.

    ໂອ­ກາດ​ນີ້ ທ່ານ ສະ­ເຫຼີມ​ໄຊ ກົມ​ມະ​ສິດ ໄດ້​ສະ­ແດງ​ຄວາມ​ຊົມ­ເຊີຍ​ທ່ານ​ທູດ​ທີ່​ໄດ້​ສຳ­ເລັດ​ໜ້າ­ທີ່​ການ​ທູດ​ຢູ່​ລາວ ແລະ ສະ­ແດງ​ຄວາມ​ຂອບ­ໃຈ​ຢ່າງ​ຈິງ​ໃຈ ຕໍ່​ການ​ສະ­ໜັບ­ສະ­ໜູນ​ການ​ຊ່ວຍ­ເຫຼືອ​ຂອງ​ຝຣັ່ງ ທີ່​ມີ​ຕໍ່​ລາວ​ໃນ​ໄລ­ຍະ​ຜ່ານ​ມາ ອັນ​ເປັນ​ການ​ປະ­ກອບ­ສ່ວນ​ຢ່າງ​ສຳ­ຄັນ ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ຄັ້ງ​ທີ 8 ຂອງ​ລາວ.

    ພ້ອມ​ດຽວ​ກັນ ທ່ານ​ທູດ​ຝຣັ່ງ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ລັດ­ຖະ­ບານ ແລະ ປະ­ຊາ­ຊົນ​ລາວ ທີ່​ໄດ້​ອຳ­ນວຍ​ຄວາມ​ສະ­ດວກ​ແກ່​ການ­ເຄື່ອນ­ໄຫວ​ການ​ທູດ​ຂອງ​ຕົນ ພິ­ເສດ​ທີ່​ໄດ້​ຮັບ​ຫຼຽນ​ກາ​ມິດ­ຕະ­ພາບ​ອັນ​ສົມ​ກຽດ​ຈາກ​ລັດ­ຖະ­ບານ​ລາວ​ຄັ້ງ​ນີ້ ແລະ ຢືນ­ຢັນ​ວ່າ​ຈະ​ສືບ­ຕໍ່​ເຮັດ​ໜ້າ­ທີ່​ສຸດ​ຄວາມ​ສາ­ມາດ ເພື່ອ​ປະ­ກອບ­ສ່ວນ​ເຂົ້າ​ໃນ​ການ​ຮັດ​ແໜ້ນ ແລະ ເສີມ​ຂະ­ຫຍາຍ​ສາຍ​ພົວ­ພັນ​ມິດ­ຕະ­ພາບ ແລະ ການ​ຮ່ວມ​ມື​ຝຣັ່ງ-ລາວ ທີ່​ມີ​ມາ​ແຕ່​ດົນ​ນານ​ແລ້ວ​ນັ້ນ​ໃຫ້​ຈະ­ເລີນ​ງອກ​ງາມ​ຍິ່ງ​ຂຶ້ນ.

ຂ່າວທີ່ກ່ຽວຂ້ອງ