ຂ່າວຫຼ້າສຸດ

ຮ່ວມກັນຕ້ານ ແລະ ສະກັດກັ້ນການຄ້າ-ຂາຍສັດປ່າທີ່ຜິດກົດໝາຍ

171 04 ກ.ຍ. 2018 ຂ່າວໜ້າ​ໜຶ່ງ
ຮ່ວມກັນຕ້ານ ແລະ ສະກັດກັ້ນການຄ້າ-ຂາຍສັດປ່າທີ່ຜິດກົດໝາຍ

    ກົມ​ກວດ­ກາ​ປ່າ­ໄມ້ ກະ­ຊວງ​ກະ­ສິ­ກຳ ແລະ ປ່າ­ໄມ້ ຮ່ວມ​ກັບ​ອົງ­ການ​ກອງ​ທຶນ​ອະ­ນຸ​ຮັກ​ທຳ​ມະ​ຊາດ​ໂລກ ປະ­ຈຳ​ລາວ (WWF-Laos) ໄດ້​ຈັດ​ກອງ​ປະ­ຊຸມ​ປຶກ­ສາ​ຫາ­ລື​ພາກ​ພື້ນ​ກ່ຽວ​ກັບ​ການ​ຕ້ານ ແລະ ສະ­ກັດ​ກັ້ນ ການ​ຄ້າ-ຂາຍ​ສັດ­ປ່າ​ທີ່​ຜິດ​ກົດ­ໝາຍ​ຂຶ້ນ ໃນ​ວັນ​ທີ 30-31 ສິງ­ຫາ 2018 ທີ່​ໂຮງ­ແຮມ​ມິດ­ຕະ­ພາບ ແຂວງ​ອຸ­ດົມ​ໄຊ ໃຫ້​ກຽດ​ເປັນ​ປະ­ທານ​ຂອງ​ທ່ານ ລຽນ ທິ​ແກ້ວ ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ແລະ ປ່າ­ໄມ້ ທ່ານ ສົມ​ຈິດ ປັນ­ຍາ​ສັກ ຮອງ​ເຈົ້າ­ແຂວງ​ອຸ­ດົມ​ໄຊ ທ່ານ Francois GUEGAN ຫົວ­ໜ້າ​ອົງ­ການ​ກອງ​ທຶນ​ອະ­ນຸ​ຮັກ​ທຳ​ມະ​ຊາດ​ໂລກ ປະ­ຈຳ​ລາວ ມີ​ຜູ້​ແທນ​ຈາກ​ກົມ​ອ້ອມ​ຂ້າງ​ກະ­ຊວງ​ກະ­ສິ­ກຳ ແລະ ປ່າ­ໄມ້ ແລະ ບັນ­ດາ​ຜູ້​ແທນ​ທີ່​ມາ​ຈາກ​ປະ­ເທດ​ລຸ່ມ​ແມ່­ນ້ຳ​ຂອງ​ເຂົ້າ​ຮ່ວມ.

    ກອງ​ປະ­ຊຸມ​ໃນ​ຄັ້ງ​ນີ້ ເພື່ອ​ເປັນ​ການ​ຕິດ­ຕາມ​ຄວາມ​ຄືບ​ໜ້າ​ໃນ​ການ​ຕ້ານ ແລະ ສະ­ກັດ​ກັ້ນ​ການ​ຄ້າ­ຂາຍ​ສັດ­ປ່າ​ຢູ່​ໃນ​ຂົງ­ເຂດ​ພາກ​ພື້ນ ຜ່ານ​ມາ​ປະ­ເທດ​ລຸ່ມ​ແມ່­ນ້ຳ​ຂອງ ປະ­ກອບ​ມີ: ສປປ ລາວ ມຽນ​ມາ ໄທ ສສ ຫວຽດ­ນາມ ແລະ ສປ ຈີນ ຍັງ​ເປັນ​ເຂດ​ທີ່​ມີ​ອາ​ຊະ​ຍາ​ກຳ​ຂ້າມ​ຊາດ​ທາງ​ດ້ານ​ປ່າ­ໄມ້ ແລະ ສັດ­ປ່າ ທີ່​ຜິດ​ກົດ­ໝາຍ​ທີ່​ຍັງ​ເປັນ​ບັນ­ຫາ​ທ້າ​ທ້າຍ ມີ​ທັງ​ຮູບ​ແບບ​ການ​ວາງ​ຂາຍ​ໃນ​ຮ້ານ​ຄ້າ ແລະ ການ​ລັກ­ລອບ​ຄ້າ­ຂາຍ​ທີ່​ຜິດ​ກົດ­ໝາຍ ໂດຍ​ນຳ​ໃຊ້​ເຄື່ອງ­ມື​ນິ­ຕິ​ກຳ ແລະ ຂີດ​ຄວາມ​ສາ­ມາດ​ຕ່າງໆ.

    ພ້ອມ​ນີ້ ທ່ານ ລຽນ ທິ​ແກ້ວ ໄດ້​ລາຍ​ງານ​ຕໍ່​ກອງ​ປະ­ຊຸມ​ວ່າ: ໃນ​ໄລ­ຍະ​ຜ່ານ​ມາ ພັກ ແລະ ລັດ­ຖະ­ບານ ສປປ ລາວ ໄດ້​ໃຫ້​ຄວາມ​ສຳ­ຄັນ​ໃນ​ການ​ແກ້​ໄຂ​ບັນ­ຫາ​ການ​ຕ້ານ ແລະ ສະ­ກັດ​ກັ້ນ ການ​ຄ້າ-ຂາຍ​ສັດ­ປ່າ​ທີ່​ຜິດ​ກົດ­ໝາຍ ໂດຍ​ອະ­ນຸ­ຍາດ​ໃຫ້​ສ້າງ­ຕັ້ງ​ເຄື່ອ​ຂ່າຍ​ປະ­ສານ​ງານ​ບັງ­ຄັບ​ໃຊ້​ກົດ­ໝາຍ​ວ່າ​ດ້ວຍ​ສັດ​ນ້ຳ ແລະ ສັດ­ປ່າ​ລະ­ດັບ​ຊາດ ເຊິ່ງ​ປະ­ກອບ​ມີ: ກົມ​ກວດ­ກາ​ປ່າ­ໄມ້ ກົມ​ພາ­ສີ​ກົມ​ຕຳ­ຫຼວດ​ສິ່ງ­ແວ­ດລ້ອມ ກົມ​ກວດ­ກາ​ລັດ ແລະ ກວດ­ກາ​ທົ່ວ​ໄປ ອົງ­ການ​ໄອ​ຍະ​ການ​ປະ­ຊາ­ຊົນ​ສູງ​ສຸດ ໃນ​ການ​ສະ­ໜັບ­ສະ­ໜູນ​ກຸ່ມ​ວິ­ຊາ​ການ​ຄົ້ນ­ຄວ້າ ວຽກ​ງານ​ສົນ­ທິ­ສັນ­ຍາ​ສາ­ກົນ ແລະ ວຽກ​ງານ​ບັງ­ຄັບ​ໃຊ້​ກົດ­ໝາຍ​ດັ່ງ­ກ່າວ.

    ເພື່ອ​ເຮັດ​ໃຫ້​ກອງ​ປະ­ຊຸມ​ສຳ­ເລັດ​ຕາມ​ລະ­ດັບ​ຄາດ­ໝາຍ ທ່ານ ລຽນ ທິ​ແກ້ວ ໄດ້​ສະ­ເໜີ​ໃຫ້​ບັນ­ດາ​ປະ­ເທດ​ສະ­ມາ­ຊິກ​ລຸ່ມ​ແມ່­ນ້ຳ​ຂອງ ໃຫ້​ເປັນ​ເຈົ້າ​ການ​ໃນ​ການ­ຈັດ­ຕັ້ງ​ປະ­ຕິ­ບັດ​ສົນ­ທິ­ສັນ­ຍາ​ສາ­ກົນ ແລະ ສົນ­ທິ­ສັນ­ຍາ​ຕ່າງໆ​ຂອງ UN ແລະ ສະ­ເໜີ​ໃຫ້​ບັນ­ດາ​ຄູ່​ຮ່ວມ​ງານ​ຕ່າງໆ ສືບ­ຕໍ່​ໃຫ້­ການ​ສະ­ໜັບ­ສະ­ໜູນ ເປັນ­ຕົ້ນ​ແມ່ນ​ດ້ານ​ງົບ­ປະ­ມານ ອຸ­ປະ­ກອນ​ຮັບ​ໃຊ້​ເຕັກ­ນິກ​ວິ­ຊາ​ການ​ຕ່າງໆ ເພື່ອ​ເຮັດ​ໃຫ້​ວຽກ​ງານ​ຕ້ານ ແລະ ສະ­ກັດ​ກັ້ນ​ການ​ຄ້າ­ຂາຍ​ສັດ­ປ່າ ທີ່​ຜິດ​ກົດ­ໝາຍ​ຫຼຸດ​ລົງ​ເທື່ອ​ລະ​ກ້າວ.

ຂ່າວທີ່ກ່ຽວຂ້ອງ