ຂ່າວຫຼ້າສຸດ

ອິນ​ເດຍ - ບັງ​ກລາ​ເດ​​ສ ປຶກສາ​ຫາລື​ກ່ຽວ​ກັບ​ການ​ຮັກສາ​ຄວາມ​ສະຫງົບ​ໃນ​ເຂດ​ຊາຍ​ແດນ

233 04 ກ.ຍ. 2018 ຂ່າວຕ່າງປະເທດ
ອິນ​ເດຍ - ບັງ​ກລາ​ເດ​​ສ ປຶກສາ​ຫາລື​ກ່ຽວ​ກັບ​ການ​ຮັກສາ​ຄວາມ​ສະຫງົບ​ໃນ​ເຂດ​ຊາຍ​ແດນ

     ຂ່າວສານ PTI ລາຍ​ງານ​ວ່າ ຄະນະ​ຜູ​ແທນ​ຂອງ​ກອງ​ກຳລັງ​ປ້ອງ​ກັນ​ຊາຍ​ແດນ ບັງ​ກລາ​ເດ​​ສ (BGB) ໄດ້​ເດີນທາງ​ໄປ​ຍັງ​ນະຄອນຫຼວງ​ນີວ​ແດນ​ລີ ເມື່ອ​ວັນ​ທີ 2 ກັນຍາ​ນີ້ ໃນ​ການ​ຢ້ຽມຢາມ​ເປັນ ເວລາ 6 ວັນ ເພື່ອ​ປຶກສາ​ຫາລື​ກັບ​ກອງ​ກຳລັງ​ຮັກສາ​ຄວາມ​ສະຫງົບ​ຕາມ​ຊາຍ​ແດນ (BSF) ຂອງ​ອິນ​ເດຍ ກ່ຽວ​ກັບ​ສະພາບ​ການ​ຮັກສາ​ຄວາມ​ສະຫງົບ​ຕາມ​ຊາຍ​ແດນ​ລະຫວ່າງ​ສອງ​ປະເທດ.

    ເຈົ້າ​ໜ້າທີ່​ລະດັບ​ສູງ​ຂອງ​ອິນ​ເດຍ​ຜູ້​ໜຶ່ງ ເວົ້າ​ວ່າ ເນື້ອ​ໃນ​ການ​ເຈລະຈາ ແມ່ນ​ຈະ​ສຸມ​ໃສ່​ບັນຫາ​ການ​ຄ້າ​ເຖື່ອນ​ຂ້າມ​ຊາຍ​ແດນ ຕະຫຼອດ​ຮອດ​ບັນຫາ​ທີ່​ກອງ​ກຳລັງ BSF ຖືກ​ໂຈມ​ຕີ​ຈາກ​ກຸ່ມ​ອາ​ຊະ​ຍາ​ກຳ​ບັງ​ກລາ​ເດ​​ສ  ແລະ ບັນຫາ​ຊາວ​ມຸ​ສລິມ ໂຣ​ຮິງ​ຢາ.

    ໃນ​ຂະນະ​ດຽວ​ກັນ ສອງ​ຝ່າຍ​ຍັງ​ຈະ​ແລກປ່ຽນ​ຄວາມ​ເຫັນ ກ່ຽວ​ກັບ​ບາງ​ບັນຫາ​ທີ່​ພົວພັນ​ເຖິງ​ພື້ນຖານ​ໂຄງ​ລ່າງ​ຢູ່​ໃນ​ເຂດ​ຊາຍ​ແດນ ການ​ສົມທົບ​ກັນ​ເວນຍາມ​ຢູ່​ໃນ​ເຂດ​ທີ່​ມີ​ບັນຫາ​ດ້ານ​ຄວາມ​ສະຫງົບ ແລະ​ການ​ແບ່ງປັນ​ຂໍ້​ມູນ​ຂ່າວສານ​ນຳ​ກັນ.

 

ຂ່າວທີ່ກ່ຽວຂ້ອງ