ຂ່າວຫຼ້າສຸດ

ການ​ເຈລະຈາ​ການ​ຄ້າ ສ ອາ​ເມ​ຣິ​ກາ - ກາ​ນາ​ດາ ບໍ່​ບັນລຸ​ຂໍ້​ຕົກລົງ

131 04 ກ.ຍ. 2018 ຂ່າວຕ່າງປະເທດ
ການ​ເຈລະຈາ​ການ​ຄ້າ ສ ອາ​ເມ​ຣິ​ກາ - ກາ​ນາ​ດາ ບໍ່​ບັນລຸ​ຂໍ້​ຕົກລົງ

     ໜັງສືພິມ Wall Street Journal ອ້າງ​ຕາມ​ແຫຼ່ງ​ຂ່າວ​ທີ່​ບໍ່​ປະສົງ​ອອກ​ນາມ ໃຫ້​ຮູ້​ວ່າ ການ​ເຈລະຈາ​ການ​ຄ້າ​ລະຫວ່າງ ສ ອາ​ເມ​ຣິ​ກາ ກັບ​ກາ​ນາ​ດາ ເພື່ອ​ໃຫ້​ບັນລຸ​ຂໍ້​ຕົກລົງ​ກ່ຽວ​ກັບ​ການ​ດັດແກ້​ສັນຍາ​ການ​ຄ້າ​ເສລີ ອາ​ເມ​ຣິ​ກາ​ເໜືອ (NAFTA) ໄດ້​ສິ້ນ​ສຸດ​ລົງ​ເມື່ອ​ວັນ​ທີ 31 ສິງຫາ​ທີ່​ຜ່ານ​ມາ ໂດຍ​ທີ່​ບໍ່​ບັນລຸ​ຂໍ້​ຕົກລົງ​ໃດໆ.

    ໜັງສືພິມ​ດັ່ງກ່າວ​ໃຫ້​ຮູ້​ວ່າ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ມີ​ກຳນົດ​ທີ່​ຈະ​ລາຍ ງານ​ຕໍ່​ສະພາ​ແຫ່ງ​ຊາດ ສ ອາ​ເມ​ຣິ​ກາ ກ່ຽວ​ກັບ​ແຜນການ​ເພື່ອ​ຜັນ​ຂະຫຍາຍ​ຂໍ້​ຕົກລົງ​ກັບ​ພຽງ​ທີ່​ເມັກ​ຊິກ​ເທົ່າ​ນັ້ນ ໃນ​ຂະນະ​ທີ່​ກາ​ນາ​ດາ ອາດ​ຈະ​ເຂົ້າ​ຮ່ວມ NAFTA ສະບັບ​ດັດແກ້​ຫຼັງ​ຈາກ​ນັ້ນ.

    ໃນ​ຂະນະ​ດຽວ​ກັນ ອົງການ​ຜູ້​ແທນ​ການ​ຄ້າ​ຂອງ ສ ອາ​ເມ​ຣິ​ກາ ແຈ້ງ​ໃຫ້​ຮູ້​ວ່າ ການ​ເຈລະຈາ​ການ​ຄ້າ ລະຫວ່າງ ສ ອາ​ເມ​ຣິ​ກາ ກັບ​ກາ​ນາ​ດາ ເພື່ອ​ດັດແກ້ NAFTA ຈະ​ສືບຕໍ່​ດຳເນີນ​ໃນ​ວັນ​ທີ 5 ກັນຍາ​ນີ້./.

 

ຂ່າວທີ່ກ່ຽວຂ້ອງ