ຂ່າວຫຼ້າສຸດ

ຈີນ ຄວບ​ຄຸມ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ​ໄດ້​ແລ້ວ

198 04 ກ.ຍ. 2018 ຂ່າວຕ່າງປະເທດ
ຈີນ ຄວບ​ຄຸມ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ​ໄດ້​ແລ້ວ

     ກະຊວງ​ກະສິກຳ ແລະ ບັນດາ​ບັນຫາ​ຊົນນະບົດ​ຂອງ​ຈີນ ປະກາດ​ເມື່ອ​ວັນ​ທີ 2 ກັນຍາ​ນີ້​ວ່າ ຄວບ​ຄຸມ​ການ​ລະບາດ​ຂອງ​ພະຍາດ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ (ASF) ໄດ້​ແລ້ວ ຫຼັງ​ຈາກ​ທີ່​ພະຍາດ​ດັ່ງກ່າວ ເກີດ​ລະບາດ​ຢູ່​ໃນ 5 ແຂວງ​ຂອງ​ຈີນ.

    ໄລ່​ມາ​ຮອດ​ວັນ​ທີ 1 ກັນຍາ​ນີ້ ທົ່ວ​ປະເທດ​ຈີນ ໄດ້​ຂ້າ​ທຳລາຍ​ໝູ​ໄປ​ແລ້ວ 38.000 ກວ່າ​ໂຕ ນັບ​ແຕ່​ຄົ້ນ​ພົບ​ລາຍ​ທຳ​ອິດ ທີ່​ຕິດພະຍາດ​ດັ່ງກ່າວ​ຢູ່​ໃນ​ແຂວງ ຫຼຽວ​ນິງ ເມື່ອ​ເດືອນ​ທີ່​ຜ່ານ​ມາ. ວຽກ​ງານ​ການ​ຂ້າ​ທຳລາຍ ແລະ ຂ້າ​ເຊື້ອ​ພະຍາດ ໄດ້​ສຳເລັດ​ຢູ່​ໃນ​ແຂວງ​ຫຼຽວ​ນິງ ເຫີ​ໜານ ຈຽງ​ຊູ ເຈີ້​ຈຽງ ແລະ​ ອານ​ຮຸຍ. ລວມ​ແລ້ວ​ມີ​ໝູ​ຖືກ​ຂ້າ​ທຳລາຍ 37.271 ໂຕ ຢູ່​ໃນ​ແຂວງ ເຈີ້​ຈຽງ ແລະ 1.264 ໂຕ ຢູ່​ໃນ​ແຂວງ​ອານ​ຮຸຍ.

   ຈີນ ເປັນ​ປະເທດ​ທີ່​ມີ​ທ່າແຮງ ກ່ຽວ​ກັບ​ການ​ລ້ຽງ ແລະ​ບໍລິໂພກ​ຊີ້ນ​ໝູ ໂດຍ​ທີ່​ເກືອບ​ເຄິ່ງ​ໜຶ່ງ​ຂອງ​ຈຳນວນ​ໝູ​ທີ່​ລ້ຽງ​ຢູ່​ໃນ​ທົ່ວ​ໂລກ ແມ່ນ​ເຕົ້າໂຮມ​ຢູ່​ໃນ​ຈີນ. ໄລ່​ມາ​ຮອດ​ວັນ​ທີ 23 ສິງຫາ​ທີ່​ຜ່ານ​ມາ ມີ 3.235 ກໍລະນີ​ທີ່​ຕິດ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ ໄດ້​ຮັບ​ການ​ບັນທຶກ​ຢູ່​ໃນ​ອີກ 11 ປະເທດ.

 

ຂ່າວທີ່ກ່ຽວຂ້ອງ