ຂ່າວຫຼ້າສຸດ

ເຮືອບິນ​ເອ​ລີ​ກອບ​ແຕ​ຂອງ​ໂມ​​ລ​ໂດ​ວາ ປະສົບ​ເຫດ​ຕົກ​ຢູ່​ໃນ​ອາ​ຟະ​ກາ​ນິດ​ສະຖານ

41 04 ກ.ຍ. 2018 ຂ່າວຕ່າງປະເທດ
ເຮືອບິນ​ເອ​ລີ​ກອບ​ແຕ​ຂອງ​ໂມ​​ລ​ໂດ​ວາ ປະສົບ​ເຫດ​ຕົກ​ຢູ່​ໃນ​ອາ​ຟະ​ກາ​ນິດ​ສະຖານ

     ເຈົ້າ​ໜ້າທີ່​ອາ​ຟະ​ກາ​ນິດ​ສະຖານ ແລະ ໂມ​​ລ​ໂດ​ວາ ຢັ້ງຢືນ​ເມື່ອ​ວັນ​ທີ 2 ກັນຍາ​ນີ້​ວ່າ ເຮືອບິນ​ເອ​ລີ​ກອບ​ແຕ​ລຳ​ໜຶ່ງ ທີ່​ປະສົບ​ເຫດ​ຕົກ​ໃນ​ວັນ​ດຽວ​ກັນ​ຢູ່​ໃນ​ແຂວງ ບາ​​ລ ຂອງ​ອາ​ຟະ​ກາ​ນິດ​ສະຖານ ນັ້ນ​ເປັນ​ເອ​ລີ​ກອບ​ແຕ Mi-8 ຂອງ​ໂມ​​ລ​ໂດ​ວາ ແລະ ​ຈຸ​ບິນ​ເປັນ​ຊາວ​ອູ​ແກຣນ.

   ເຮືອບິນ​ດັ່ງກ່າວ ມີ​ເລກ​ໝາຍ​ຖ້ຽວ​ບິນ ER-MHR ຊຶ່ງ​ຂຶ້ນ​ກັບ​ບໍລິສັດ​ການບິນ Valan International Cargo Charter Ltd ເກີດ​ອຸບັດເຫດ​ຕົກ ໃນ​ຂະນະ​ທີ່​ຫາ​ກໍ​ບິນ​ຂຶ້ນ ແລະ​ຢູ່​ໃນ​ລະດັບ​ສູງ 15 ແມັດ. ອົງການ​ການບິນ​ພົນ​ລະ​ເຮືອນ​ຂອງ​ໂມ​​ລ​ໂດ​ວາ ໃຫ້​ຮູ້​ວ່າ ຈຸ​ບິນ​ໃນ​ເຮືອບິນ​ລຳ​ນີ້ ປະກອບ​ມີ 3 ຄົນ ຊຶ່ງ​ເປັນ​ຊາວ​ອູ​ແກຣນ ແລະ​ ຜູ້ໂດຍສານ​ອີກ 11 ຄົນ ຊຶ່ງ​ເປັນ​ທະຫານ​ອາ​ຟະ​ກາ​ນິດ​ສະຖານ.

    ລາຍ​ງານ​ເບື້ອງ​ຕົ້ນ​ໃຫ້​ຮູ້​ວ່າ ມີ​ຜູ້​ເສຍ​ຊີວິດ 12 ຄົນ ໃນ​ນັ້ນ​ເປັນ​ຈຸ​ບິນ 2 ຄົນ ແລະ ທະຫານ 10 ຄົນ.

 

ຂ່າວທີ່ກ່ຽວຂ້ອງ