ຂ່າວຫຼ້າສຸດ

ນັກໂທດ​ຫຼາຍ​ຮ້ອຍ​ຄົນ​ແຫກ​ອອກ​ຈາກ​ຄ້າຍ​ຄຸມ​ຂັງ​ຢູ່​ໃນ​ລີ​ບີ

107 04 ກ.ຍ. 2018 ຂ່າວຕ່າງປະເທດ
ນັກໂທດ​ຫຼາຍ​ຮ້ອຍ​ຄົນ​ແຫກ​ອອກ​ຈາກ​ຄ້າຍ​ຄຸມ​ຂັງ​ຢູ່​ໃນ​ລີ​ບີ

   ຂ່າວສານ AFP ລາຍ​ງານ​ວ່າ ນັກໂທດ​ປະມານ 400 ຄົນ ໄດ້​ແຫກ​ອອກ​ຈາກ​ຄ້າຍ​ຄຸມ​ຂັງ​ແຫ່ງ​ໜຶ່ງ ຢູ່​ໃນ​ເຂດ​ຊານເມືອງ​ນະຄອນຫຼວງ ຕຣີ​ໂປ​ລີ ຂອງ​ລີ​ບີ ໃນ​ວັນ​ທີ 2 ກັນຍາ​ນີ້ ຫຼັງ​ຈາກ​ເກີດ​ເຫດການ​ວຸ້ນວາຍ​ຂຶ້ນ​ດ້ວຍ​ການ​ໃຊ້​ຄວາມ​ຮຸນ​ແຮງ.

    ຕຳຫຼວດ​ໃຫ້​ຮູ້​ວ່າ ພວກ​ນັກໂທດ​ດັ່ງກ່າວ ໄດ້​ມ້າງ​ປະຕູ ແລະ ​ໜີ​ອອກ​ໄປ​ຈາກ​ຄ້າຍ​ຄຸມ​ຂັງ ອາ​ອິນ ຊາ​ຣາ ຊຶ່ງ​ເຫດການ​ນີ້​ເກີດ​ຂຶ້ນ​ໃນ​ສະພາບ​ການ​ທີ່​ກຸ່ມ​ປະກອບ​ອາວຸດ​ຕ່າງໆ​ທີ່​ເປັນ​ປໍ​ລະ​ປັກ​ກັນ ຍັງ​ຄົງ​ຍິງ​ປືນ​ຕໍ່ສູ້​ຢູ່​ໃກ້​ກັບ​ຄ້າຍ​ຄຸມ​ຂັງ​ດັ່ງກ່າວ.

    ກ່ອນ​ໜ້າ​ນັ້ນ ໃນ​ວັນ​ດຽວ​ກັນ ຂ່າວສານ AP ລາຍ​ງານ​ວ່າ ລັດຖະບານ​ລີ​ບີ ທີ່​ໄດ້​ຮັບ​ການ​ສະໜັບສະໜູນ​ຈາກ​ສະຫະ​ປະຊາ​ຊາດ ໄດ້​ປະກາດ​ພາວະ​ສຸກ​ເສີນ​ຢູ່​ໃນ​ພື້ນ​ທີ່​ນະຄອນຫຼວງ​ຕຣີ​ໂປ​ລີ ແລະ ເຂດ​ຊານເມືອງ ທ່າມກາງ​ທີ່​ກະແສ​ຄວາມ​ຮຸນ​ແຮງ ຊຶ່ງ​ເກີດ​ຂຶ້ນ​ໃນ​ຫຼາຍ​ວັນ​ທີ່​ຜ່ານ​ມາ ໄດ້​ເປັນ​ເຫດ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​​ໜ້ອຍ 39 ຄົນ ແລະ​ບາດເຈັບ​ອີກ 96 ຄົນ.

 

ຂ່າວທີ່ກ່ຽວຂ້ອງ