ຂ່າວຫຼ້າສຸດ

ບໍລິສັດ​ການບິນ Ryanair ຈະ​ເກັບ​ຄ່າ​ເຄື່ອງ​ຫີ້ວ​ຂອງ​ຜູ້ໂດຍສານ

275 03 ກ.ຍ. 2018 ຂ່າວຕ່າງປະເທດ
ບໍລິສັດ​ການບິນ Ryanair ຈະ​ເກັບ​ຄ່າ​ເຄື່ອງ​ຫີ້ວ​ຂອງ​ຜູ້ໂດຍສານ

    ບໍລິສັດ​ການບິນ Ryanair ຂອງ​ອຽກ​ລັງ ຊຶ່ງ​ເປັນ​ບໍລິສັດ​ການບິນ​ໃຫຍ່​ສຸດ​ໃນ​ເອີ​ຣົບ ເມື່ອ​ໄລ່​ຕາມ​ປະລິມານ​ຜູ້ໂດຍສານ ນັ້ນ​ຈະ​ເລີ່ມ​ເກັບ​ຄ່າ​ເຄື່ອງ​ຫີ້ວ​ຂອງ​ຜູ້ໂດຍສານ​ທີ່​ມີ​ນ້ຳໜັກ​ເຖິງ 10 ​ກກ ດ້ວຍ​ລະດັບ​ລາຄາ​ແຕ່ 6-10 ເອີ​ໂຣ ນັບ​ແຕ່​ວັນ​ທີ 1 ພະຈິກ​ໜ້າ​ນີ້​ເປັນຕົ້ນ​ໄປ.

    ຂໍ້​ກຳນົດ​ໃໝ່​ລະບຸ​ວ່າ ຜູ້ໂດຍສານ​ຍັງ​ຄົງ​ໄດ້​ຮັບ​ອະນຸຍາດ​ຫີ້ວ​ຖົງ​ສ່ວນ​ຕົວ 1 ໜ່ວຍ ທີ່​ມີ​ຂະໜາດ​ນ້ອຍ ຂຶ້ນ​ໄປ​ໃນ​ເຮືອບິນ ແລະ​ ວາງ​ໄວ້​ດ້ານ​ໜ້າ​ຕັ່ງ​ນັ່ງ. ແຕ່​ຖ້າ​ຫາ​ກວ່າ​ຜູ້ໂດຍສານ​ຢາກ​ນຳ​ເອົາ​ກະເປົາ​ຂະໜາດ​ປານ​ກາງ ໂດຍ​ມີ​ນ້ຳໜັກ​ຮອດ 10​ ກກ ແມ່ນ​ຈະ​ຕ້ອງ​ໄດ້​ຈ່າຍ​ເງິນ.

    Ryanair ໃຫ້​ຮູ້​ວ່າ ບໍລິສັດ​ນີ້​ມີ​ກຳນົດ​ດັ່ງກ່າວ​ອອກ​ມາ ແມ່ນ​ເປັນ​ຍ້ອນ​ວ່າ​ມີ​ຫຼາຍ​ຖ້ຽວ​ບິນ ໄດ້​ເກີດ​ຊັກ​ຊ້າ ຍ້ອນ​ຜູ້ໂດຍສານ​ຖື​ເຄື່ອງ​ຫີ້ວ​ຫຼາຍ​ເກີນ​ໄປ. ໃນ​ຄວາມ​ພະຍາຍາມ​ທີ່​ມີ​ອອກ​ມາ​ກ່ອນ​ໜ້າ​ນີ້ ເມື່ອ​ປີ 2013 ກໍ​ຄື​ວ່າ Ryanair ໄດ້​ປ່ຽນ​ນະໂຍບາຍ ແລະ​ ອະນຸຍາດ​ໃຫ້​ຜູ້ໂດຍສານ​ບໍ່​ຕ້ອງ​ຈ່າຍ​ເງິນ ໃນ​ການ​ຖື​ກະເປົາ​ນ້ອຍ 1 ໜ່ວຍ ແລະ​ເຄື່ອງ​ຫີ້ວ 1 ລາຍການ ທີ່​ມີ​ຂະໜາດ​ນ້ອຍ​ຂຶ້ນ​ໄປ​ໃນ​ເຮືອບິນ. ເລື່ອງ​ນີ້​ໄດ້​ຊ່ວຍ​ໃຫ້ Ryanair ກາຍເປັນ​ບໍລິສັດ​ການບິນ​ໃຫຍ່​ສຸດ​ໃນ​ເອີ​ຣົບ ເມື່ອ​ໄລ່​ຕາມ​ປະລິມານ ຜູ້ໂດຍສານ.

    ປັດຈຸບັນ​ນີ້ ມີ​ບັນດາ​ບໍລິສັດ​ການບິນ ເຊັ່ນ easyJet Wizz ແລະ Norwegian Air Shuttle ຍັງ​ຄົງ​ຍົກເວັ້ນ​ຄ່າ​ໃຊ້​ຈ່າຍ​ໃຫ້​ແກ່​ຜູ້ໂດຍສານ ໃນ​ການ​ຫີ້ວ​ເຄື່ອງ​ຂະໜາດ​ກາງ​ຂຶ້ນ​ເຮືອບິນ ສຳລັບ​ເສັ້ນທາງ​ບິນ​ສັ້ນ.

ຂ່າວທີ່ກ່ຽວຂ້ອງ