ຂ່າວຫຼ້າສຸດ

ເຮັດຕາມເຈົ້າເມືອງສັ່ງ

243 03 ກ.ຍ. 2018 ຫົວຂໍ້ຂ່າວອື່ນໆ

    ຢູ່​ເມືອງ​ໜຶ່ງ ທ່ານ​ເຈົ້າ­ເມືອງ​ເປັນ​ຄົນ​ເດັດ­ຂາດ​ກັບ​ມາດ​ຕະ­ການ ຫ້າມ​ໃຊ້​ຖົງ​ຢາງ ເພາະ​ມັນ​ເປັນ​ອັນ­ຕະ­ລາຍ​ສຳ­ລັບ​ສິ່ງ­ແວ­ດລ້ອມ ເດືອນ​ແລ້ວ­ນີ້ ທ່ານ​ສັ່ງ​ຫ້າມ​ທຸກ​ຄົນ​ພາຍ​ໃນ​ເມືອງ​ໃຊ້​ຖົງ​ຢາງ ຖ້າ​ໃຜ​ໄປ​ຕະ­ຫຼາດ ໄປ​ຮ້ານ​ຄ້າ ກໍ່​ຕ້ອງ​ໃຊ້​ຖົງ​ແພ ຖົງ​ເຈ້ຍ ຫຼື ກະ­ຕ່າ​ສານ​ດ້ວຍ​ໄມ້­ໄຜ່ ສຳ­ລັບ​ໃສ່​ສິ່ງ​ຂອງ​ຕ່າງໆ ຖ້າ​ໃຜ​ລະ­ເມີດ​ຄຳ​ສັ່ງ​ນີ້ ຈະ​ຕ້ອງ​ຖືກ​ປັບ​ໃໝ​ຢ່າງ​ໜັກ ທ່ານ​ເຈົ້າ­ເມືອງ​ຕ້ອງ­ການ​ໃຫ້​ເມືອງ​ກາຍ­ເປັນ​ເມືອງ​ຕົວ​ແບບ ໃນ​ການ​ເລີກ​ໃຊ້​ຖົງ​ຢາງ​ທຸກ​ປະ­ເພດ.

    ຄືນ​ໜຶ່ງ ທິດ​ອື່ງ ເກີດ​ອາ­ລົມ​ເວ­ລາ​ນອນ​ກັບ​ເມຍ ຝ່າຍ​ເມຍ​ເຂົ້າ­ໃຈ​ຄວາມ​ຕ້ອງ­ການ ແລ້ວ​ຮີບ​ຍື່ນ​ຖົງ​ຢາງ​ອະ­ນາ­ໄມ​ໃຫ້ ທິດ​ອື່ງ ພໍ​ເຫັນ​ແນວ​ນັ້ນ ທິດ​ອື່ງ ຮີບ​ອອກ­ປາກ​ຫ້າມ​ວ່າ: “ຢ່າ​ໃດ໋ ! ເຈົ້າ­ເມືອງ​ສັ່ງ​ຫ້າມ​ໃຊ້​ຖົງ​ຢາງ​ທຸກ​ຊະ­ນິດ ຮູ້​ບໍ ? ໃຜ​ລະ­ເມີດ​ຊິ​ຖືກ​ໃໝ​ໃດ໋ !”.

ຂ່າວທີ່ກ່ຽວຂ້ອງ