ຂ່າວຫຼ້າສຸດ

ການລົງທຶນຢູ່ນະຄອນຫຼວງວຽງຈັນ ບັນລຸ 9.456 ຕື້ກີບ

217 31 ສ.ຫ. 2018 ຂ່າວໜ້າ​ໜຶ່ງ

    ເພື່ອ​ເຮັດ​ໃຫ້​ວຽກ​ງານ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ການ​ລົງ­ທຶນ​ຂອງ​ລັດ ປະ­ຈຳ​ປີ 2019 ຢູ່​ນະ­ຄອນ­ຫຼວງ​ວຽງ​ຈັນ (ນວ) ມີ​ການ​ຂະ­ຫຍາຍ­ຕົວ​ດີ​ຂຶ້ນ ວັນ​ທີ 29 ສິງ­ຫາ 2018 ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ (ຜທ) ພ້ອມ​ຄະ­ນະ ໄດ້​ລົງ​ເຄື່ອນ​ໄຫວ​ເຮັດ​ວຽກ​ຢູ່​ພະ​ແນກ ຜທ ນວ​ໂດຍ​ຖືກ​ຕ້ອນ­ຮັບ​ຈາກ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ມີ​ບັນ­ດາ​ເມືອງ ພະ­ແນກ­ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ແກ້ວ​ພິ­ລາ​ວັນ ອາ​ໄພ​ລາດ ກ່າວ​ວ່າ: ນວ ເປັນ​ບ່ອນ​ໜຶ່ງ​ທີ່​ມີ​ການ​ລົງ­ທຶນ​ຄຶກ­ຄື້ນ ຕົວ​ເລກ​ໃນ​ການ​ລົງ­ທຶນ​ລວມ​ໃນ​ທົ່ວ​ສັງ­ຄົມ​ໃນ 6 ເດືອນ​ຕົ້ນ​ປີ 2018 ບັນ­ລຸ 9.456 ຕື້​ກີບ ເທົ່າ​ກັບ 54% ຂອງ​ແຜນ­ການ​ປີ ການ​ເຕີບ​ໂຕ​ທາງ​ດ້ານ​ເສດ­ຖະ­ກິດ​ໝົດ​ປີ 2018 ຄາດ​ວ່າ​ຈະ​ຂະ­ຫຍາຍ­ຕົວ​ໃນ​ລະ­ດັບ 10% ສ້າງ​ມູນ​ຄ່າ​ເພີ່ມ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ (GDP) ໄດ້ 44.630 ຕື້​ກີບ ສະ­ເລ່ຍ 5.300 ໂດ​ລາ​ສະ­ຫະ­ລັດ ຫຼື ປະ­ມານ 40 ລ້ານ​ກີບ​ຕໍ່​ຄົນ​ຕໍ່​ປີ ໃນ​ນີ້ ກະ­ສິ­ກຳ-ປ່າ­ໄມ້ ເພີ່ມ​ຂຶ້ນ 4,7% ກວມ 14,2 ຂອງ GDP ອຸດ­ສາ­ຫະ­ກຳ ເພີ່ມ​ຂຶ້ນ 12,8% ກວມ 49,3 ຂອງ GDP ການ​ບໍ­ລິ­ການ​ເພີ່ມ​ຂຶ້ນ 8% ກວມ 36,4 ຂອງ GDP ໃນ 6 ເດືອນ​ຕົ້ນ​ປີ​ເກັບ​ລາຍ​ຮັບ​ໄດ້ 612,06 ຕື້​ກີບ ເທົ່າ​ກັບ 50,49% ຂອງ​ແຜນ­ການ​ປີ ລາຍ​ຈ່າຍ 307,51 ຕື້​ກີບ ເທົ່າ​ກັບ 48,20% ການ​ດຸນ​ດ່ຽງ​ສູນ​ກາງ 231,27 ຕື້​ກີບ ເທົ່າ 40,27% ສຳ­ລັບ​ການ​ຈ່າຍ​ໃນ​ຮ່ວງ​ຕ່າງໆ ເປັນ­ຕົ້ນ​ເງິນ­ເດືອນ​ແມ່ນ​ດຳ­ເນີນ​ເປັນ​ປົກ­ກະ­ຕິ ທັນ​ເວ­ລາ ເຊິ່ງ​ສັງ​ລວມ​ແລ້ວ​ການ­ຈັດ­ຕັ້ງ​ປະ­ຕິ­ບັດ​ງົບ­ປະ­ມານ 6 ເດືອນ​ຕົ້ນ​ປີ ມີ​ອັນ​ຕັ້ງ­ໜ້າ​ກວ່າ​ເກົ່າ ໂດຍ​ສະ­ເພາະ ພູດ​ການ​ເກັບ​ລາຍ​ຮັບ​ອາ­ກອນ​ທີ່​ມີ​ການ​ຊຳ​ເຮື້ອ​ມາ​ຫຼາຍ​ປີ ສາ­ມາດ​ບັນ­ລຸ​ເກີນ​ຄາດ­ໝາຍ​ເລັກ​ໜ້ອຍ ແລະ ຄາດ​ວ່າ​ໝົດ​ປີ​ຈະ​ບັນ­ລຸ​ຕາມ​ແຜນ.

    ສ້ອມ­ແປງ ແລະ ປ່ຽນ​ຖ່າຍ​ຈັກ­ສູບ­ນ້ຳ 27 ໜ່ວຍ ສ້ອມ­ແປງ​ປະ­ຕູ​ນ້ຳ 4 ຈຸດ ສະ­ໜອງ​ໃຫ້​ເນື້ອ­ທີ່​ການ​ຜະ­ລິດ 17.718 ເຮັກ­ຕາ ປູກ​ເຂົ້າ­ນາ­ແຊງ​ໄດ້ 13.286 ເຮັກ­ຕາ ພືດ​ຜັກ 7.165 ເຮັກ­ຕາ ໄມ້​ໃຫ້​ໝາກ 710 ເຮັກ­ຕາ ພືດ​ອຸດ­ສາ­ຫະ­ກຳ 1.421 ເຮັກ­ຕາ ຊາວ​ກະ­ສິ­ກອນ​ຫັນ​ມາ​ນຳ​ໃຊ້​ເຕັກ­ນິກ​ໃໝ່​ເຂົ້າ​ໃນ​ການ​ຜະ­ລິດ ຫັນ­ປ່ຽນ​ໄຮ່­ນາ​ນ້ອຍ​ເປັນ​ໄຮ່­ນາ​ໃຫຍ່​ນັບ​ມື້​ຫຼາຍ​ຂຶ້ນ ສະ­ໜອງ​ຊີ້ນ ປາ ໄຂ່ ໄດ້ 25.164 ໂຕນ ລ້ຽງ​ໝູ​ເປັນ​ສິນ­ຄ້າ 162 ຟາມ ຊີ້ນ​ໝູ 10.066 ໂຕນ ສັດ​ປີກ 2.315 ໂຕນ ລື່ນ​ແຜນ­ການ​ປີ 3,8% ໄຂ່ 9.569 ໂຕນ ປາ​ກະ­ຊັງ 7,7 ໂຕນ ພ້ອມ​ນີ້​ຍັງ​ໄດ້​ລວງ​ຄອງ​ບຶງ​ທາດ­ຫຼວງ-ຫ້ວຍ​ໝາກ​ຮຽວ ສຳ​ຫຼວດ​ຄອງ​ນ້ຳ​ວຽງ​ຈັນ​ສຳ­ເລັດ​ໂດຍ​ພື້ນ­ຖານ ສົ່ງ­ເສີມ​ສິນ­ຄ້າ ODOP SMES ສຳ­ລັບ​ຕົ້ນ​ປີ​ນີ້ ໄດ້​ອອກ​ທະ­ບຽນ​ອະ­ນຸ­ຍາດ​ເປີດ​ກິດ­ຈະ­ການ​ໃໝ່ 90 ໂຮງ­ງານ ມີ​ທຶນ 25 ຕື້​ກີບ ສ້ອມ­ແປງ​ເສັ້ນ­ທາງ 12 ເສັ້ນ ຍົກ​ລະ­ດັບ​ເສັ້ນ­ທາງ 15 ເສັ້ນ ກວດ­ກາ​ການ​ນຳ​ໃຊ້​ໄຟ­ຟ້າ​ຂອງ​ປະ­ຊາ­ຊົນ ຢູ່​ໃນ​ເຂດ​ທີ່​ມີ​ຄວາມ​ສ່ຽງ 39,49 ຫຼັງ­ຄາ​ເຮືອນ ພົບ​ເຫັນ​ບັນ­ຫາ 13.802 ຫຼັງ­ຄາ​ເຮືອນ ແກ້​ໄຂ​ແລ້ວ 2.801 ຫຼັງ­ຄາ​ເຮືອນ ສົ່ງ​ຜະ­ລິດ​ຕະ​ພັນ​ແຮ່​ທາດ 6.000 ໂຕນ ມູນ​ຄ່າ 78,03 ຕື້​ກີບ ຫຼື ປະ­ມານ 9,18 ລ້ານ​ໂດ​ລາ ຂຸດ​ຄົ້ນ​ຫີນ​ພູ-ຫີນ​ຜາ ດິນ​ປະ­ເພດ​ຕ່າງໆ 200.914 ແມັດ​ກ້ອນ ມູນ​ຄ່າ 2,94 ຕື້​ກີບ ຜະ­ລິດ​ໄດ້ 6.075 ໂຕນ ມູນ​ຄ່າ 1,5 ຕື້​ກີບ ແກ້​ໄຂ​ຮ້ານ​ອິນ​ເຕີ​ເນັດ​ທີ່​ບໍ­ລິ­ການ​ບໍ່​ຖືກ­ຕ້ອງ ອະ­ນຸ­ຍາດ​ດຳ­ເນີນ​ກິດ­ຈະ­ການ 183 ຫົວ­ໜ່ວຍ ແກ້​ໄຂ​ຊຸມ​ສາຍ​ໂທລະ­ສັບ ສາຍ​ໄຟ­ຟ້າ ແລະ ສາຍ​ເຄ​ເບິ້ນ 26 ເສັ້ນ­ທາງ​ຫຼັກ.

ຂ່າວທີ່ກ່ຽວຂ້ອງ