ວັນພຸດ ທີ 14 ພະຈິກ 2018 05:35:15
- ລັດຖະບານ ສຸມໃສ່ 8 ບັນຫາສໍາຄັນ ເພື່ອນໍາສະເໜີສະພາ
- ອົງການພຸດທະສາສະໜາ 3 ປະເທດ ເສີມຂະຫຍາຍການຮ່ວມມືໃຫ້ໝັ້ນຄົງຍາວນານ
- ເປີດນຳໃຊ້ສູນການຄ້າ ທາດຫຼວງພຣາຊາ
- ເກີດມີສັດນໍ້າຕາຍຢູ່ສາຍນໍ້າຕອນ ເມືອງສັງທອງ
- ເປີດການແຂ່ງຂັນສິລະປະ ຄຳນັບຮັບຕ້ອນວັນກອງທັບ ຄົບຮອບ 70 ປີ
- ຫົວພັນ ມີຄວາມພ້ອມໂດຍພື້ນຖານ ໃນການສະຫຼອງເມືອງວຽງໄຊ
- ຂ່າວສັ້ນ
- ມີຜູ້ເສຍຊີວິດ 10 ຄົນ ຈາກເຫດການດິນເຈື່ອນຢູ່ໃນບຣາຊີລ
- ມາເລເຊຍ ຍົກເລີກຄຳສັ່ງຫ້າມນັກສຶກສາເຄື່ອນໄຫວທາງການເມືອງຢູ່ໃນໂຮງຮຽນ
- ວິສາຫະກິດ 700 ແຫ່ງຕ້ອງປິດກິດຈະການ ຍ້ອນເງິນເຟີ້ຢູ່ໃນເວເນຊູເອລາ
ລາວ-ໄທ-ຫວຽດນາມ-ກຳປູເຈຍ ຮ່ວມມືຄວບຄຸມພະຍາດຕິດຕໍ່ລະຫວ່າງຊາຍແດນ
ວຽກງານປະສານງານລະຫວ່າງປະເທດທີ່ມີຊາຍແດນຮ່ວມກັນ ເປັນວຽກງານຫຼັກຂອງໂຄງການໃນການຮ່ວມມືລະຫວ່າງຊາຍແດນ ເປັນສິ່ງສຳຄັນຕໍ່ວຽກງານເຝົ້າລະວັງ ແລະ ລາຍງານພະຍາດ ເພື່ອຕິດຕາມສະພາບການລະບາດຂອງພະຍາດ ແລະ ເຫດການຜິດປົກກະຕິດ້ານສາທາລະນະສຸກ ທີ່ມີຜົນສະທ້ອນຕໍ່ສຸຂະພາບຂອງປະຊາຊົນທີ່ອາໄສຢູ່ຕາມຊາຍແດນ ເພື່ອພ້ອມກັນແກ້ໄຂ-ຕອບໂຕ້ຕໍ່ການລະບາດໃຫ້ທັນການ.
ວັນທີ 29 ສິງຫາ 2018 ກົມຄວບຄຸມພະຍາດຕິດຕໍ່ກະຊວງສາທາລະນະສຸກ ຈັດກອງປະຊຸມພາກພື້ນວຽກງານຮ່ວມມືກັນ ແລະ ຄວບຄຸມພະຍາດຕິດຕໍ່ລະຫວ່າງຊາຍແດນລາວ-ໄທ-ຫວຽດນາມ ແລະ ກຳປູເຈຍ ຂຶ້ນຢູ່ນະຄອນປາກເຊ ໂດຍເປັນປະທານຂອງທ່ານ ສີສະຫວາດ ສຸດທານິລະໄຊ ຮອງກົມຄວບຄຸມພະຍາດຕິດຕໍ່ມີຜູ້ແທນຈາກໄທ ຫວຽດນາມ ກຳປູເຈຍ ແລະ ລາວ ເຂົ້າຮ່ວມ.
ກອງປະຊຸມຄັ້ງນີ້ ໄດ້ຮັບການສະໜັບສະໜູນຈາກທະນາຄານພັດທະນາອາຊີ ໂດຍຈຸດປະສົງຂອງກອງປະຊຸມຄັ້ງນີ້ ເພື່ອປຶກສາຫາລືກ່ຽວກັບການສ້າງຄວາມອາດສາມາດໃຫ້ພະນັກງານດ້ານວຽກງານເຝົ້າລະວັງ ການແລກປ່ຽນຂໍ້ມູນຂ່າວສານ ແລະ ການຕອບໂຕ້ຕໍ່ການລະບາດ ແລະ ເພື່ອເພີ່ມຄວາມເຂັ້ມແຂງໃນການປະສານງານ ແລະ ການຮ່ວມມືລະຫວ່າງຊາຍແດນໃຫ້ເປັນລະບົບປົກກະຕິ ແລະ ຕໍ່ເນື່ອງ ໃນນີ້ ກອງປະຊຸມໄດ້ຕົກລົງເປັນເອກະພາບໃນການຮ່ວມມືກັນ ແລະ ຄວບຄຸມພະຍາດຕິດຕໍ່ລະຫວ່າງຊາຍແດນໃຫ້ມີປະສິດທິຜົນ ມີແຜນງານຮ່ວມກັນໃນການກັນ ແລະ ຄວບຄຸມພະຍາດໃນຕໍ່ໜ້າ.
