ຂ່າວຫຼ້າສຸດ

ບໍ່ຈຳເປັນມີຣີໂມດ

284 31 ສ.ຫ. 2018 ຫົວຂໍ້ຂ່າວອື່ນໆ

    ປ້າ​ແຈ່ມ ເຂາະ­ຂອດ​ເງິນ​ໄດ້​ພໍ­ດີ​ກັບ​ລາ­ຄາ​ໂທລະ­ທັດ​ຈໍ​ໃຫຍ່ ລາວ​ຍ່າງ​ເຂົ້າ​ໄປ​ຮ້ານ​ດ້ວຍ​ຈິດ​ໃບ​ໜ້າ​ຍິ້ມ­ແຍ້ມ​ແຈ່ມ​ໃສ ແລ້ວ​ຈົກ​ເງິນ​ຊື້​ໂທລະ­ທັດ​ທີ່​ໝາຍ​ຕາ​ໄວ້​ແຕ່​ເຫິງ​ແລ້ວ ມັນ​ເປັນ​ໂທລະ­ທັດ​ທີ່​ສາ­ມາດ​ໃຊ້​ມື​ບີບ​ປຸ່ມ​ເວ­ລາ​ເປີດ-ປິດ ແລະ ເວ­ລາ​ເລືອກ​ຊ່ອງ​ຖ້າ​ບໍ່​ຢາກ​ໃຊ້​ມື​ກໍ່​ສາ­ມາດ​ໃຊ້​ຣີ​ໂມດ​ໄດ້ ແຕ່​ຕ້ອງ​ໄດ້​ຈ່າຍ​ຄ່າ​ຣີ​ໂມດ​ຕ່າງ­ຫາກ ປ້າ​ແຈ່ມ​ບອກ​ເຈົ້າ​ຂອງ​ຮ້ານ​ວ່າ ບໍ່​ຈຳ­ເປັນ ຣີ​ໂມດ ເຈົ້າ​ຂອງ​ຮ້ານ​ພະ­ຍາ­ຍາມ​ເກ້ຍ​ກ່ອມ​ໃຫ້ ປ້າ​ແຈ່ມ​ຊື້​ຣີ​ໂມດ.

    “ຖ້າ​ປ້າ​ມີ​ຣີ​ໂມດ​ຈະ​ສະ­ບາຍ​ຫຼາຍ​ຢາກ​ເປີດ-ປິດ ແລະ ເລືອກ​ຊ່ອງ​ກໍ່​ບີບ​ເອົາ​ຢູ່​ຣີ​ໂມດ ບໍ່​ເສຍ​ເວ­ລາ​ໃຊ້​ມື ປ້າ​ຍູ­ທ່າງ​ນັ່ງ ຫຼື ນອນ​ເບິ່ງ​ລາຍ­ການ​ຢ່າງ​ສະ­ບາຍ”.

    ປ້າ​ແຈ່ມ​ຕອບ​ເຈົ້າ​ຂອງ​ຮ້ານ​ວ່າ: “ປ້າ​ມີ​ຫຼານ​ເປັນ​ສິບໆ... ພວກ​ເຂົາ​ຈະ​ຍາດ​ກັນ​ເປີດ-ປິດ ແລະ ຍາດ​ຊ່ອງ​ກັນ​ເອງ ປ້າ​ບໍ່​ຈຳ­ເປັນ​ເຮັດ​ເອງ​ດອກ !.

ຂ່າວທີ່ກ່ຽວຂ້ອງ