ຂ່າວຫຼ້າສຸດ

ໂກນບານຍິງ ສຳເລັດການຄັດເລືອກນັກກີລາ ຮ່ວມ ເອຊຽນ ພາຣາ ເກມ

153 31 ສ.ຫ. 2018 ວົງຈອນກີລາ
ໂກນບານຍິງ ສຳເລັດການຄັດເລືອກນັກກີລາ ຮ່ວມ ເອຊຽນ ພາຣາ ເກມ

    ທ່ານ ລອນ​ຄຳ ອິນ​ທອງ​ໄຊ ຄູ​ເຝິກ​ກີ­ລາ​ໂກນ​ບານ​ຍິງ​ທີມ​ຊາດ​ລາວ ໃຫ້​ສຳ­ພາດ​ໃນ​ອາ­ທິດ​ທີ່​ຜ່ານ​ມາ​ວ່າ: ການ​ກະ­ກຽມ​ສົ່ງ​ນັກ­ກີ­ລາ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ ເອ​ຊຽນ ພາ​ຣາ ເກມ ຄັ້ງ​ທີ 12 ຢູ່​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ມາ​ຮອດ​ປັດ­ຈຸ­ບັນ ພວກ​ເຮົາ​ໄດ້​ມີ​ການ​ເຝິກ­ຊ້ອມ ແລະ ຄັດ​ເລືອກ​ນັກ­ກີ­ລາ​ສຳ­ເລັດ​ຮຽບ​ຮ້ອຍ​ແລ້ວ ໂດຍ​ໄດ້​ນັກ­ກີ­ລາ​ຄົບ​ຕາມ​ຈຳ­ນວນ 6 ຄົນ ເຊິ່ງ​ປະ­ກອບ​ມີ​ນາງ ຫຼ້າ ດາ­ລາ​ວົງ ນາງ ຈັນ​ພອນ ໄຊ​ສົມ​ພູ ນາງ ສອນ​ມາ­ລີ ໄຊ​ສົມ​ພູ ນາງ ສຸກ​ດາ​ວີ ໄຊ​ສົມ​ພູ ນາງ ເດືອ ອິນ​ທະ​ວົງ ແລະ ນາງ ລັດ­ສະ­ໝີ ວົງ­ສາ​ເກດ​ທິບ ໂດຍ​ສ່ວນ​ໃຫຍ່​ເປັນ​ນັກ­ກີ­ລາ​ທີ່​ມີ​ປະ­ສົບ​ການ​ມາ​ກ່ອນ ແລະ ເຄີຍ​ສ້າງ​ຜົນ­ງານ​ດ້ວຍ​ການ​ຍາດ​ຫຼຽນ​ເງິນ ໃນ​ງານ​ມະ​ຫະ​ກຳ​ກີ­ລາ ເອ​ຊຽນ ພາ​ຣາ ເກມ ຄັ້ງ​ທີ 11 ສ່ວນ​ນັກ­ກີ­ລາ​ໜ້າ​ໃໝ່​ມີ​ພຽງ 1 ຄົນ.

    ສປປ ລາວ ຈະ​ສົ່ງ​ນັກ­ກີ­ລາ​ຄົນ​ພິ­ການ​ເຂົ້າ​ຮ່ວມ 4 ປະ­ເພດ​ກີ­ລາ ຄື: ລອຍ­ນ້ຳ ແລ່ນ-ລານ ຍົກ​ນ້ຳ­ໜັກ ແລະ ໂກນ​ບານ​ຍິງ ໂດຍ​ງານ​ມະ​ຫະ​ກຳ​ກີ­ລາ ເອ​ຊຽນ ພາ​ຣາ ເກມ ຄັ້ງ​ທີ 12 ຈະ​ຈັດ​ຂຶ້ນ​ວັນ​ທີ 6-13 ຕຸ­ລາ 2018 ຢູ່​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ.

ຂ່າວທີ່ກ່ຽວຂ້ອງ