ລັດຖະບານ ສ ເກົາຫຼີ ຊຸກຍູ້​ການ​ປະຕິບັດ​ນະໂຍບາຍ​ມຸ່ງ​ສູ່​ທິດໃຕ້​ໃໝ່

153 31 ສ.ຫ. 2018 ຂ່າວຕ່າງປະເທດ
ລັດຖະບານ ສ ເກົາຫຼີ ຊຸກຍູ້​ການ​ປະຕິບັດ​ນະໂຍບາຍ​ມຸ່ງ​ສູ່​ທິດໃຕ້​ໃໝ່

      ອະນຸ​ກຳມະການ​ພິເສດ ເພື່ອ​ປະຕິບັດ​ນະໂຍບາຍ​ມຸ່ງ​ສູ່​ທິດໃຕ້​ໃໝ່ ຊຶ່ງ​ຂຶ້ນ​ກັບ​ຄະນະ​ກຳມະການ​ກຳ​ນົດ​​ນະໂຍບາຍ​ໂດຍ​ກົງ ພາຍ​ໃຕ້​ສິດ​ອຳນາດ​ຂອງ​ປະທານາທິບໍດີ ສ ເກົາຫຼີ ມູນ​ເຈ​ອິນ ນັ້ນ​ໄດ້​ເຂົ້າ​ສູ່​ການເຄື່ອນໄຫວ​ຢ່າງ​ເປັນ​ທາງ​ການ​ແລ້ວ ໃນ​ວັນ​ທີ 28 ສິງຫາ​ນີ້.

    ປະທານ​ຂອງ​ອະນຸ​ກຳມະການ​ພິເສດ​ດັ່ງກ່າວ ກໍ​ແມ່ນ​ທ່ານ ກິມ​ຮູນ​ຈູນ ຜູ້​ຊ່ວຍ​ວຽກ​ທາງ​ດ້ານ​ເສດຖະກິດ​ຂອງ​ປະທານາທິບໍດີ. ອະນຸ​ກຳມະການ​ນີ້ ປະກອບ​ມີ​ຈຸ​ຊຸກຍູ້​ນະໂຍບາຍ​ມຸ່ງ​ສູ່​ທິດໃຕ້​ໃໝ່ ໂດຍ​ມີ​ພະນັກງານ​ໃນ​ສັງກັດ​ປະມານ 30 ຄົນ. ອະນຸ​ກຳມະການ​ພິເສດ​ນີ້ ຈະ​ຮ່ວມ​ມື​ຢ່າງ​ຄ່ອງ​ຕົວ ກັບ​ບັນດາ​ຂະແໜງການ​ຂອງ​ລັດຖະບານ ບັນດາ​ອົງການ​ຂອງ ສ ເກົາຫຼີ ທີ່​ປະຈຳການ​ຢູ່​ຕ່າງປະເທດ ເພື່ອ​ຫັນ​ຍຸດ​ທະ​ສາດ​ການ​ຊຸກຍູ້​ນະໂຍບາຍ​ມຸ່ງ​ສູ່​ທິດໃຕ້​ໃໝ່ ໃຫ້​ປະກົດ​ຜົນ​ເປັນ​ຈິງ ຊອກ​ຫາ​ບັນດາ​ໂຄງການ ແລະ​ ໃຫ້​ເກີດ​ຜົນ​ຢ່າງ​ຈະແຈ້ງ.

    ໃນ​ການ​ຢ້ຽມຢາມ​ອາຊີ​ຕາເວັນ​ອອກ​ສ່ຽງ​ໃຕ້ ເມື່ອ​ປີ​ກາຍ ແລະ​ການ​ຢ້ຽມຢາມ​ອິນ​ເດຍ​ໃນ​ປີ​ນີ້ ປະທານາທິບໍດີ​ມູນ​ເຈ​ອິນ ໄດ້​ປະກາດ​ວິໄສ​ທັດ ແລະ ​ເປົ້າ​ໝາຍ​ຂອງ​ນະໂຍບາຍ ມຸ່ງ​ສູ່​ທິດໃຕ້​ໃໝ່ ເພື່ອ​ຍົກ​ສູງ​ລະດັບ​ການ​ພົວພັນ​ລະຫວ່າງ ສ ເກົາຫຼີ ກັບ​ບັນດາ​ປະເທດ​ສະມາຊິກ​ສະມາຄົມ ບັນດາ​ປະເທດ​ອາຊີ​ຕາເວັນ​ອອກ​ສ່ຽງ​ໃຕ້ (ASEAN) ແລະ ອິນ​ເດຍ.

 

ຂ່າວທີ່ກ່ຽວຂ້ອງ