ຂ່າວຫຼ້າສຸດ

ລູກຍິງຕີລັງກາຂອງໂຣນັນໂດ ຄວ້າປະຕູແຫ່ງປີຂອງຢູຟ່າ

137 29 ສ.ຫ. 2018 ຂ່າວຕ່າງປະເທດ
ລູກຍິງຕີລັງກາຂອງໂຣນັນໂດ ຄວ້າປະຕູແຫ່ງປີຂອງຢູຟ່າ

ບໍ່ຜິດຄວາມຄາດໝາຍ ຫຼັງຢູຟ່າປະກາດວ່າລູກຍິງຕີລັງກາຂອງຄຣິສເຕຍໂນ່ ໂຣນັນໂດ ໃນເກມແຊັມປຽນລີກທີ່ ຣິວ ມາດຣິດ ພົບຢູເວນຕຸສເມື່ອລະດູການກ່ອນ ໄດ້ຮັບສຽງໂຫວດໃຫ້ເປັນປະຕູໂດດເດັ່ນປະຈຳລະດູການ.

          ໃນຮອບກ່ອນຮອງຊະນະເລີດແຊັມປຽນລີກລະດູການທີ່ຜ່ານມາ ໂຣນັນໂດ ຝາກປະຕູອັນໂດດເດັ່ນໄວ້ດ້ວຍການກະໂດດຍິງ ຊ່ວຍ ຣິວ ມາດຣິດ ເອົາຊະນະຢູເວນຕຸສ ວ່າທີ່ທີມໃໝ່ຂອງເຂົາ.

          ລູກຍິງດັ່ງກ່າວຂອງໂຣນັນໂດ ໄດ້ຮັບສຽງຕົບມືຈາກກອງເຊຍບານຂອງຢູເວ່ຕຸສ ຈົນມີສ່ວນຊ່ວຍໃຫ້ເຂົາຕັດສິນໃຈຍ້າຍມາຄ້າຝີຕີນທີ່ຕູຣິນ ແລະ ຍັງເປັນທີ່ຖືກໃຈຂອງກອງເຊຍບານສ່ວນໃຫຍ່ດ້ວຍເໝືອນກັນ ຫຼັງໄດ້ຮັບສຽງໂຫວດກິນຂາດເກືອບ 200.000 ສຽງຈາກທັງໝົດ 346.915 ສຽງ.

          ສ່ວນປະຕູຂອງ ດິມິທຣີ ປາເຢັດ ທີ່ຍິງໃຫ້ໂອລິມປິກ ມາກເຊ ໃນຢູໂຣປາລີກຮອບກ່ອນຮອງຊະນະເລີດ ປາບແອເບ ໄລຊິກ 5-2 ນັ້ນເຂົ້າປ້າຍມາເປັນອັນດັບສອງດ້ວຍສຽງໂຫວດ 35.558 ຄະແນນ.

          ປິດທ້າຍດ້ວຍປະຕູຂອງເອດາ ນາບາໂຣ່ ທີ່ຍິງໃຫ້ກັບແອັດສະປາຍໃນເຕະບານເພດຍິງຢູໂຣຢູ-17 iອບຊິງຊະນະເລີດພົບກັບເຢຍລະມັນ ຖູກເລືອກໃຫ້ເປັນລູກຍິງໂດດເດັ່ນອັນດັບ 3 ດ້ວຍຄະແນນໂຫວດ 23.315 ສຽງ.

          ໂຣນັນໂດ ຄວ້າລາງວັນລູກຍິງໂດດເດັ່ນ ສານຕໍ່ຈາກ ມາຣິໂອ ມານຊູກິຊ ໝູ່ຄູ່ຮ່ວມທີມຢູເວນຕຸສ ທີ່ໄດ້ໄປເມື່ອປີກ່ອນ ສ່ວນລິໂອເນວ ເມສຊີ່ ເປັນຜູ້ຄວ້າລາງວັລນີ້ເມື່ອລະດູການ 2014/15 ແລະ 2015/16.

 

ຂ່າວທີ່ກ່ຽວຂ້ອງ