ຂ່າວຫຼ້າສຸດ

ວໍຣະວຸດ ຖືກປົດແລ້ວ ຫຼັງສ້າງຜົນງານບໍ່ໄດ້ຕາມເປົ້າ

211 29 ສ.ຫ. 2018 ວົງຈອນກີລາ
ວໍຣະວຸດ ຖືກປົດແລ້ວ ຫຼັງສ້າງຜົນງານບໍ່ໄດ້ຕາມເປົ້າ

        ສະມາຄົມກີລາແຫ່ງປະເທດໄທ ສັ່ງປົດໂຄ໊ຊ ວໍຣະວຸດ ສີມະຄະ ແລ້ວ ຫຼັງສ້າງຜົນງານບໍ່ໄດ້ຕາມເປົ້າ ພາທີມຊາດໄທພະລັງໜຸ່ມ ຕົກຮອບທໍາອິດ ເຕະບານເອຊຽນເກມສ໌ 2018 ແຖມກຽມຍົກເຄື່ອງ "ຝ່າຍເຕັກນິກ" ເພື່ອຮອງຮັບ 2 ລາຍການໃຫຍ່ "ເອເອຟເອຟ ຊູຊູກິ ຄັບ 2018" ກັບ "ເອຊຽນ ຄັບ 2019".

          ຄວາມຄືບໜ້າຂອງການກຽມທີມເຕະບານທີມຊາດໄທ ພາຍຫຼັງຈາກທີມຊາດໄທ ຊຸດອາຍຸບໍ່ເກີນ 23 ປີ ຕົກຮອບທໍາອິດ ເຕະບານເອຊຽນເກມສ໌ ຄັ້ງທີ 18 ທີ່ປະເທດອິນໂດເນເຊຍ ນັ້ນ ຫຼ້າສຸດ ທ່ານ ພົນຕໍຫຼວດເອກ ສົມຍົດ ພຸ່ມພັນມ່ວງ ປະທານສະມາຄົມກີລາເຕະບານແຫ່ງປະເທດໄທ ໄດ້ເປິດເຜີຍວ່າ ສະມາຄົມກຽມປັບໂຄງສ້າງຂອງຝ່າຍເຕັກນິກໃໝ່ ເພື່ອກຽມຄວາມພ້ອມເຂົ້າສູ່ 2 ລາຍການໃຫຍ່ ທັງ "ເອເອຟເອຟ ຊູຊູກິ ຄັບ 2018" ແລະ ເອຊຽນ ຄັບ 2019.

          ສຳລັບທີມຊາດໄທ ຊຸດໃຫຍ່ ມີລາຍການແຂ່ງຂັນລະດັບນານາຊາດ ທີ່ລໍຖ້າຢູ່ໃນໄລຍະທ້າຍປີຈົນເຖິງຕົ້ນປີໜ້າ ເລີ່ມຈາກ "ເອເອຟເອຟ ຊູຊູກິ ຄັບ 2018" ]ະຫວ່າງວັນທີ 8 ພະຈິກ-15 ທັນວາ 2018 ຕໍ່ດ້ວຍ ເອຊ່ຽນ ຄັບ 2019 ]ະຫວ່າງວັນທີ 5 ມັງກອນ-1 ກຸມພາ 2019 ຢ່າງໃດກໍຕາມ ກ່ອນຈະເຖິງ 2 ລາຍການດັ່ງກ່າວ ຈະມີລາຍການຊິງແຊັມອາຊີ ຮອບສຸດທ້າຍ ຮຸ່ນອາຍຸບໍ່ເກິນ 16 ປີ ແລະ 19 ປີ ລໍຖ້າຢູ່ໃນເດືອນກັນຍາ ແລະ ເດືອນ ຕຸລານີ້ ຕາມລຳດັບ.

          ຫຼ້າສຸດ ທ່ານ ພົນຕໍາຫຼວດເອກ ສົມຍົດ ພຸ່ມພັນມ່ວງ ກ່າວວ່າ ຫຼັງຈາກທີ່ເຕະບານທີມຊາດໄທ ສໍາເລັດພາລະກິດເອຊ່ຽນເກມສ໌ 2018 ຕົນໄດ້ມີການປະເມີນສະຖານະການ ແລະ ເຫັນວ່າຕ້ອງປັບປຸງໂຄງສ້າງບໍລິຫານຈັດການທີມຊາດໄທທັງລະບົບ ໂດຍຕົນໄດ້ມີການປະສານງານກັບສະຫະພັນເຕະບານອາຊີ ເພື່ອຂໍຄວາມຮ່ວມມືໃນການສັນຫາຜູ້ອຳນວຍການເຕັກນິກເຕະບານທີມຊາດໄທ ຫຼື Football Director ມາເຮັດໜ້າທີ່ແບບເຕັມເວລາ ເພື່ອດູແລຕິດຕາມວິເຄາະຟອມນັກເຕະ ແລະ ຮູບແບບການບໍລິຫານທີມຊາດໄທ ເພື່ອກຽມເຂົ້າສູ່ລາຍການຂອງທີມຊາດໄທ ຢ່າງ ເອເອຟເອຟ ຊູຊູກິ ຄັບ ແລະ ເອຊຽນ ຄັບ ຕໍ່ໄປ ຊຶ່ງຕຳແໜ່ງ Football Director ເປັນຜູ້ປະຕິບັດງານທີ່ມີຄວາມສຳຄັນຫຼາຍ ສຳຫຼັບເຕະບານສະໄໝໃໝ່ ທີ່ຕ້ອງສູ້ກັນດ້ວຍຂໍ້ມູນ ແລະ ສະຖິຕິ.

          ໃນສ່ວນຂອງ ໂຄ໊ຊ ວໍຣະວຸດ ສີມະຄະ ນັ້ນ ໄດ້ເຂົ້າມາພົບກັບຂ້ອຍເມື່ອວັນສຸກທີ່ຜ່ານມາ ເພື່ອຂໍໂອກາດປັບປຸງການເຮັດວຽກ ແລະ ຂໍເຮັດໜ້າທີ່ຕໍ່ ຊຶ່ງຂ້ອຍໄດ້ພິຈາລະນາຢ່າງຮອບຄອບແລ້ວເຫັນວ່າ ຈາກການທີ່ຂ້ອຍໃຫ້ໂອກາດ ໃຫ້ອິດສະລະໃນການເຮັດວຽກຢ່າງເຕັມທີ່ ໂດຍບໍ່ມີການແຊກແຊງໃດໆທັງສິ້ນ ແຕ່ເມື່ອບໍ່ສາມາດສ້າງຜົນງານທີ່ດີໄດ້ ກໍບໍ່ສາມາດທີ່ໃຫ້ຄວາມໄວ້ວາງໃຈອີກຕໍ່ໄປ ຈຶ່ງຈຳເປັນທີ່ຈະຕ້ອງໃຫ້ໂຄ໊ຊ  ວໍຣະວຸດ  ຢຸດຕິການເຮັດໜ້າທີ່ຕັ້ງແຕ່ບັດນີ້ເປັນຕົ້ນໄປ ຊຶ່ງໂຄ໊ຊ ວໍຣະວຸດ  ກໍຄົງເຂົ້າໃຈເຖິງເຫດຜົນຂອງສະມາຄົມຯ ຊຶ່ງຂ້ອຍຂໍຂອບໃຈໂຄ້ຊວໍຣະວຸດ   ແລະ ທີມງານທຸກໆຄົນ ທີ່ປະຕິບັດໜ້າທີ່ໄດ້ຢ່າງເຕັມຄວາມສາມາດ ຕະຫຼອດໄລຍະເວລາທີ່ຜ່ານມາ" ທ່ານ ສົມຍົດ ກ່າວ.

ຂ່າວທີ່ກ່ຽວຂ້ອງ