ຂ່າວຫຼ້າສຸດ

ເສດຖະກິດ​ຈີນ​ໄດ້​ເພີ່ມ​ຂຶ້ນ 9,5%/ປີ ນັບ​ແຕ່​ມີ​ການ​ປະຕິ​ຮູບ ແລະ​ໄຂ​ປະຕູ​ສູ່​ພາຍ​ນອກ

163 29 ສ.ຫ. 2018 ຂ່າວຕ່າງປະເທດ
ເສດຖະກິດ​ຈີນ​ໄດ້​ເພີ່ມ​ຂຶ້ນ 9,5%/ປີ ນັບ​ແຕ່​ມີ​ການ​ປະຕິ​ຮູບ ແລະ​ໄຂ​ປະຕູ​ສູ່​ພາຍ​ນອກ

     ແຫຼ່ງ​ຂ່າວ​ຂອງ​ຈີນ ລາຍ​ງານ​ເມື່ອ​ວັນ​ທີ 27 ສິງຫາ​ນີ້ ໂດຍ​ອ້າງ​ຕາມ​ການ​ເປີດເຜີຍ​ຕົວ​ເລກ​ຂໍ້​ມູນ ຈາກ​ອົງການ​ສະຖິຕິ​ແຫ່ງ​ຊາດ​ຈີນ ສະແດງ​ໃຫ້​ເຫັນ​ວ່າ ແຕ່​ປີ 1978 ຫາ​ປີ 2017 ລວມ​ຍອດ​ຜະລິດ​ຕະ​ພັນ​ພາຍ​ໃນ (GDP) ຂອງ​ຈີນ ໄດ້​ເພີ່ມ​ຂຶ້ນ 33,5 ເທົ່າ​ໂດຍ​ຄິດໄລ່​ຕາມ​ລາຄາ​ທີ່​ບໍ່​ມີ​ການ​ປ່ຽນແປງ ເປັນ​ການ​ເພີ່ມ​ຂຶ້ນ 9,5% ໂດຍ​ສະເລ່ຍ​ຕໍ່​ປີ ເພີ່ມ​ຂຶ້ນ 1 ເທົ່າ​ຕົວ​ສະເລ່ຍ​ຕໍ່ 8 ປີ ສູງ​ກວ່າ​ຄວາມ​ໄວ​ການ​ເຕີບ​ໂຕ​ໂດຍ​ສະເລ່ຍ​ຕໍ່​ປີ​ຂອງ​ເສດຖະກິດ​ໂລກ ໃນ​ໄລຍະ​ດຽວ​ກັນ​ທີ່​ບັນລຸ​ປະມານ 2,9% ເທົ່າ​ນັ້ນ.

    ໃນ​ຂະນະ​ດຽວ​ກັນ ຈີນ​ກໍ​ໄດ້​ຢືນ​ຢູ່​ໃນ​ລະດັບ​ແຖວ​ໜ້າ​ຂອງ​ກຸ່ມ​ເສດຖະກິດ​ທີ່​ສຳຄັນ​ຂອງ​ໂລກ. GDP ສະເລ່ຍ​ຕໍ່​ຫົວ​ຄົນ​ຂອງ​ຈີນ ໄດ້​ຍົກ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ ຈາກ​ປະເທດ​ທີ່​ມີ​ລາຍ​ຮັບ​ລະດັບ​ຕ່ຳ ກາຍເປັນ​ປະເທດ​ທີ່​ມີ​ລາຍ​ຮັບ​ລະດັບ​ປານ​ກາງ ແລະ ​ສູງ​ຢ່າງ​ສຳເລັດ​ຜົນ.

    GDP ຂອງ​ຈີນ ໃນ​ປີ 2017 ບັນລຸ​ລວມ​ມີ 12.300 ຕື້​ໂດ​ລາ​ສະຫະລັດ ກວມ​ປະມານ 15% ຂອງ​ຍອດ​ປະລິມານ​ເສດຖະກິດ​ໂລກ ເພີ່ມ​ຂຶ້ນ​ປະມານ 13% ເມື່ອ​ທຽບ​ກັບ​ປີ 1978. ໃນ​ຊຸມ​ປີຜ່ານມາ ອັດຕາ​ການ​ປະກອບສ່ວນ​ຂອງ​ຈີນ ຕໍ່​ການ​ເຕີບ​ໂຕ​ຂອງ​ເສດຖະກິດ​ໂລກ ມີ​ຫຼາຍ​ກວ່າ 30% ນັບ​ມື້​ນັບ​ກາຍເປັນ​ແຫຼ່ງ​ພະລັງ​ແຮງ ແລະ​ ເປັນ​ເສົາຄ້ຳ​ແຫ່ງ​ຄວາມ​ໝັ້ນ​ທ່ຽງ​ໃນ​ການ​ເຕີບ​ໂຕ​ຂອງ​ເສດຖະກິດ​ໂລກ.

 

ຂ່າວທີ່ກ່ຽວຂ້ອງ