"ສັບປະດາ​ນ້ຳ​ໂລກ" ສັນ​ຫາ​ວິທີ​ການ​ແກ້​ໄຂ​ທີ່​ມີ​ຢູ່​ໃນ​ທຳ​ມະ​ຊາດ

149 29 ສ.ຫ. 2018 ຂ່າວຕ່າງປະເທດ
"ສັບປະດາ​ນ້ຳ​ໂລກ" ສັນ​ຫາ​ວິທີ​ການ​ແກ້​ໄຂ​ທີ່​ມີ​ຢູ່​ໃນ​ທຳ​ມະ​ຊາດ

    ກອງ​ປະຊຸມ "ສັບປະດາ​ນ້ຳ​ໂລກ" ໄດ້​ໄຂ​ຂຶ້ນ​ເມື່ອ​ວັນ​ທີ 27 ສິງຫາ​ນີ້ ທີ່​ນະຄອນຫຼວງ ສະ​ຕົກ​ໂຮມ (ປະເທດ​ຊູ​ແອດ) ດ້ວຍ​ຄຳ​ຮຽກຮ້ອງ​ໃຫ້​ມີ​ວິທີ​ການ​ແກ້​ໄຂ​ທີ່​ມີ​ພຽບ​ພ້ອມ ຢູ່​ໃນ​ທຳ​ມະ​ຊາດ ເພື່ອ​ແກ້​ໄຂ​ສິ່ງ​ທ້າ​ທາຍ ທີ່​ພົວພັນ​ເຖິງ​ຊັບພະຍາກອນ​ນ້ຳ.

    ແຈ້ງ​ການ​ຂອງ​ເວທີ​ປາ​ໄສ​ປະຈຳ​ປີ​ດັ່ງກ່າວ ໃຫ້​ຮູ້​ວ່າ ເຫດການ​ທີ່​ຈັດ​ຂຶ້ນ​ໃນ​ປີ​ນີ້ ຈະ​ສຸມ​ໃສ່ ການ​ຮ່ວມ​ກຸ່ມ ລະຫວ່າງ​ແຫຼ່ງ​ນ້ຳ ລະບົບ​ນິເວດ ກັບ​ການ​ພັດທະນາ​ມະນຸດ. ແຈ້ງ​ການ​ດັ່ງກ່າວ ເນັ້ນ​ໜັກ​ວ່າ ຜູ້​ຄົນ​ນັບ​ມື້​ນັບ​ຮັບ​ຄວາມ​ເສຍ​ຫາຍ​ໄດ້​ງ່າຍ ຍ້ອນ​ສະພາບ​ຂາດແຄນ​ນ້ຳ ປະກົດ​ການ ອາກາດ​ຮຸນ​ແຮງ ແລະ​ຄວາມ​ບໍ່​ສະຫງົບ​ໃນ​ສັງຄົມ.

    ຈັງຫວະ​ການ​ພັດທະນາ​ເສດຖະກິດ ແລະ​ປະຊາກອນ​ເພີ່ມ​ຂຶ້ນ​ຢູ່​ໃນ​ລະດັບ​ສູງ​ຢ່າງ​ບໍ່​ເຄີຍ​ມີ​ມາ ກ່ອນ ການ​ຫັນ​ເປັນ​ຕົວ​ເມືອງ​ຢ່າງ​ໄວວາ ແລະ​ ການ​ປ່ຽນແປງ​ສະພາບ​ດິນ​ຟ້າ​ອາກາດ ໃນ​ຫຼາຍ​ສິບ​ປີ ທີ່​ຜ່ານ​ມາ ໄດ້​ເປັນ​ການ​ນຳໄປ​ສູ່​ຄວາມ​ກົດ​ດັນ​ເພີ່ມ​ຂຶ້ນ ສຳລັບ​ລະບົບ​ນິເວດ ກໍ​ຄື​ແຫຼ່ງ​ນ້ຳ​ທີ່​ມີ​ຈຳກັດ.

    ກອງ​ປະຊຸມ “ສັບປະດາ​ນ້ຳ​ໂລກ” ໃນ​ປີ​ນີ້ ມີ​ກຳນົດ​ດຳເນີນ​ງານ​ເປັນ​ເວລາ 5 ວັນ ໂດຍ​ດຶງ​ດູດ ຜູ້​ແທນ​ປະມານ 3.500 ຄົນ ຈາກ​ກວ່າ 130 ປະເທດ ແລະ ​ເຂດ​ແຄວ້ນ​ເຂົ້າ​ຮ່ວມ ເພື່ອ​ປຶກສາ​ຫາລື ກ່ຽວ​ກັບ​ສິ່ງ​ທ້າ​ທາຍ ຢູ່​ໃນ​ຂົງເຂດ​ການ​ພັດທະນາ ແລະ ​ຊັບພະຍາກອນ​ນ້ຳ​ຢູ່​ໃນ​ທ້ອງຖິ່ນ ແລະ ​ທົ່ວ​ໂລກ.

 

ຂ່າວທີ່ກ່ຽວຂ້ອງ