ຂ່າວຫຼ້າສຸດ

ມອບ-ຮັບສູນລວມ ບ້ານດອນວັງໂພ ຕົວແບບເຊມາອູນ

374 29 ສ.ຫ. 2018 ຂ່າວໜ້າ​ໜຶ່ງ
ມອບ-ຮັບສູນລວມ ບ້ານດອນວັງໂພ ຕົວແບບເຊມາອູນ

    ອີງ​ຕາມ​ໜ້າ​ວຽກ​ຂອງ​ໂຄງ­ການ​ຮ່ວມ​ມື ລະ­ຫວ່າງ ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ) ແລະ ມູນ​ນິ­ທິ​ເຊ​ມາ​ອູນ ສ ເກົາ­ຫຼີ ເພື່ອ​ການ​ພັດ­ທະ­ນາ​ບ້ານ ໂດຍ​ສະ­ເພາະ ກິດ­ຈະ­ກຳ​ການ​ກໍ່­ສ້າງ​ສູນ​ລວມ​ບ້ານ ມີ 3 ບ້ານ ຢູ່​ເມືອງ​ປາກ​ງື່ມ ເຊິ່ງ​ມີ​ການ​ເຊັນ​ບົດ​ບັນ­ທຶກ​ຮ່ວມ​ກັນ​ມາ​ແຕ່​ກາງ​ເດືອນ​ທັນ­ວາ 2017 ເພື່ອ​ພັດ­ທະ­ນາ 3 ບ້ານ​ດັ່ງ­ກ່າວ ໃຫ້​ປະ­ຊາ­ຊົນ​ມີ​ຊີ­ວິດ​ການ​ເປັນ​ຢູ່​ດີ​ຂຶ້ນ ໂດຍ​ສະ­ເພາະ ການ​ພັດ­ທະ­ນາ​ດ້ານ​ກະ­ສິ­ກຳ ແລະ ປ່າ­ໄມ້.

    ກອງ​ທຶນ​ເພື່ອ​ການ​ພັດ­ທະ­ນາ​ເຊ​ມາ​ອູນ (SGF) ເປັນ​ມູນ​ນິ­ທິ​ທີ່​ບໍ່​ຫວັງ​ຜົນ​ກຳ­ໄລ ແບ່ງ­ປັນ​ປະ­ສົບ​ການ​ຈາກ​ບ້ານ​ໃໝ່​ອຸນ​ດົງ ໃນ​ການ​ສົ່ງ­ເສີມ​ການ​ພັດ­ທະ­ນາ​ທ້ອງ­ຖິ່ນ ແລະ ລຶ­ບລ້າງ​ຄວາມ­ທຸກ​ຍາກ ສ ເກົາ­ຫຼີ ມູນ​ນິ­ທິ​ດັ່ງ­ກ່າວ ໄດ້​ຮ່ວມ​ມື​ກັບ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໂດຍ​ມີ​ບ້ານ​ດອນ​ວັງ​ໂພ ທ່າ​ເດື່ອ​ສິງ​ຫອມ ແລະ ບ້ານ​ໝາກ​ຮຽວ ເມືອງ​ປາກ​ງື່ມ ເຂົ້າ​ຮ່ວມ​ໂຄງ­ການ ເລີ່ມ​ຈາກ​ການ​ສ້າງ​ສູນ​ລວມ​ໃຫ້​ບ້ານ ຈຸດ­ປະ­ສົງ​ເພື່ອ​ນຳ​ໃຊ້​ເປັນ​ຫ້ອງ­ການ​ຂອງ​ບ້ານ ຫ້ອງ­ການ​ກຸ່ມ​ຜະ­ລິດ ເປັນ​ຫ້ອງ​ປະ­ຊຸມ ບ່ອນ​ເຝິກ­ອົບ­ຮົມ ແລະ ດຳ­ເນີນ​ກິດ­ຈະ­ກຳ​ຕ່າງໆ​ຂອງ​ບ້ານ ສູນ​ແຫ່ງ​ນີ້​ເລີ່ມ​ກໍ່­ສ້າງ​ວັນ​ທີ 14 ມີ­ນາ 2018 ໃຊ້​ເວ­ລາ​ກໍ່­ສ້າງ 6 ເດືອນ​ຈຶ່ງ​ສຳ­ເລັດ ສູນ​ດັ່ງ­ກ່າວ​ເປັນ​ອາ­ຄານ 2 ຊັ້ນ ມີ 7 ຫ້ອງ ແລະ ອຸ­ປະ­ກອນ​ຮັບ​ໃຊ້​ຈຳ­ນວນ​ໜຶ່ງ ມູນ​ຄ່າ​ການ​ກໍ່­ສ້າງ 140.000 ໂດ​ລາ​ສະ­ຫະ­ລັດ ຫຼື ປະ­ມານ 1,12 ຕື້​ກີບ.

      ພິ­ທີ​ມອບ-ຮັບ​ສູນ​ລວມ​ບ້ານ​ດອນ​ວັງ​ໂພ ຕົວ​ແບບ​ເຊ​ມາ​ອູນ (SGF) ໄດ້​ຈັດ​ຂຶ້ນ​ວັນ​ທີ 28 ສິງ­ຫາ 2018 ຢູ່​ສູນ​ດັ່ງ­ກ່າວ ໂດຍ​ມີ​ທ່ານ ຫຼ້າ​ສາຍ ນວນ​ທາ​ສິງ ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ທ່ານ ວົງ​ເດືອນ ບຸນ​ຍະ​ແສງ ເຈົ້າ­ເມືອງ​ປາກ​ງື່ມ ທ່ານ ຊອນ ຢອງ​ໂຈ ເຈົ້າ​ຄອງ​ນະ­ຄອນ​ຈີ​ຢອງ​ຊານ ສ ເກົາ­ຫຼີ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ