ຂ່າວຫຼ້າສຸດ

ທັບນັກກີລາລາວ ໄດ້ 2 ຫຼຽນເງິນ 2 ຫຼຽນທອງ ເອຊຽນ ເກມ

230 29 ສ.ຫ. 2018 ວົງຈອນກີລາ
ທັບນັກກີລາລາວ ໄດ້ 2 ຫຼຽນເງິນ 2 ຫຼຽນທອງ ເອຊຽນ ເກມ

    ທັບ​ນັກ­ກີ­ລາ​ລາວ ໃນ​ງານ​ມະ​ຫະ​ກຳ​ກີ­ລາ​ເອ​ຊຽນ ເກມ 2018 ທີ່​ອິນ​ໂດ​ເນ​ເຊຍ ໃນ​ວັນ​ທີ 27 ສິງ­ຫາ 2018 ໄດ້​ເພີ່ມ​ອີກ 1 ຫຼຽນ​ເງິນ ຈາກ​ນ້ອງ​ອ້ອຍ ວົງ​ພັກ­ດີ ນັກ­ກີ­ລາ​ປັນ​ຈັກ​ສີ​ລັດ ປະ­ເພດ​ຕໍ່­ສູ້ ລຸ້ນ 55-60 ກິ​ໂລ ເຖິງ​ວ່າ​ນ້ອງ​ອ້ອຍ ພົບ​ກັບ​ອາ­ການ​ເຈັບ​ໜ້າ​ແຄ່ງ​ໃນ​ຮອບ​ຮອງ​ຊະ­ນະ​ເລີດ​ຜ່ານ​ມາ ແຕ່​ກ້າ​ກັດ​ແຂ້ວ​ສູ້​ກັບ​ນັກ­ກີ­ລາ​ເຈົ້າ­ພາບ ອິນ​ໂດ​ເນ​ເຊຍ ດ້ວຍ​ຄວາມ​ມຸ່ງ​ໝັ້ນ ແຕ່​ບໍ່​ສາ­ມາດ​ຕ້ານ­ທານ​ຄວາມ​ແຂງ​ແກ່ນ​ຂອງ​ນັກ­ກີ­ລາ​ເຈົ້າ­ພາບ ເສຍ​ໄປ 0-5 ຄະ­ແນນ ໄດ້​ຫຼຽນ​ເງິນ​ມາ​ຄອງ ແລະ ເປັນ​ຫຼຽນ​ເງິນ​ທີ 2 ຂອງ​ລາວ ຕໍ່​ຈາກ​ກີ­ລາ​ກະ­ຕໍ້​ທີມ​ຄູ່​ຊາຍ ແລະ ເປັນ​ຫຼຽນ​ທີ 3 ຂອງ​ກີ­ລາ​ປັນ​ຈັກ​ສີ​ລັດ​ລາວ ໃນເອ​ຊຽນ ​ເກມ ​ຄັ້ງ​ນີ້ ຕໍ່​ຈາກ​ປະ­ເພດ​ຕໍ່­ສູ້ 2 ລຸ້ນ: ທ້າວ ໂບ້ ທຳ​ມະ​ວົງ­ສາ ແລະ ນາງ ອໍ­ລະ­ໄທ ສູນ​ທະ​ວົງ.

    ມາ​ຮອດ​ປັດ­ຈຸ­ບັນ ທັບ​ນັກ­ກີ­ລາ​ລາວ ສາ­ມາດ​ຍາດ​ໄດ້​ມາ​ແລ້ວ 2 ຫຼຽນ​ເງິນ 2 ຫຼຽນ​ທອງ ໃນ ເອ​ຊຽນ ເກມ 2018 ດີກ​ວ່າ­ການ​ເຂົ້າ​ຮ່ວມ​ທຸກ​ຄັ້ງ​ຜ່ານ​ມາ.

ຂ່າວທີ່ກ່ຽວຂ້ອງ