ເຕະບານ ສາຍ ກ 2018 ເລີ່ມແຂ່ງຂັນແລ້ວ

185 29 ສ.ຫ. 2018 ວົງຈອນກີລາ
ເຕະບານ ສາຍ ກ 2018 ເລີ່ມແຂ່ງຂັນແລ້ວ

    ການ​ແຂ່ງ­ຂັນ​ເຕະ­ບານ ສາຍ ກ ປະ­ຈຳ​ປີ 2018 ຫຼື ດິ​ວິ​ຊັນ 1 ເປີດ​ສາກ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 25 ສິງ­ຫາ 2018 ທີ່​ສະ­ໜາມ​ຫຍ້າ​ທຽມ ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ ບ້ານ​ຫ້ວຍ​ຫົງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ໄດ້​ມີ​ການ​ແຂ່ງ­ຂັນ​ເຕະ­ບານ ສາຍ ກ ປະ­ຈຳ​ປີ 2018 ທັງ​ໝົດ 2 ຄູ່ ໃນ​ກຸ່ມ ເອ ຜົນ​ປາ­ກົດ​ວ່າ: ສະ­ໂມ­ສອນ​ເອັດ​ທີ​ທີ ເອັບ​ຊີ ສະ­ເໝີ ສະ­ໂມ­ສອນ ເຄ​ພີ​ເອັດ ເອັບ​ຊີ 2-2 ປະ­ຕູ ແລະ ສະ­ໂມ­ສອນ ອີ​ໂວ ຢູ​ໄນ​ເຕັດ ເສຍ​ໃຫ້ ສະ­ໂມ­ສອນ ກະ­ຊວງ​ປ້ອງ​ກັນ​ຄວາມ​ສະ­ຫງົບ ຫຼື ປກສ ເອັບ​ຊີ 1-2 ປະ­ຕູ.

    ສ່ວນ​ໃນ​ວັນ​ທີ 26 ສິງ­ຫາ 2018 ທີ່​ສະ­ໜາມ​ດຽວ​ກັນ​ນີ້ ມີ​ການ​ແຂ່ງ­ຂັນ​ທັງ​ໝົດ 3 ຄູ່ ເຊິ່ງ​ຄູ່​ທີ່​ໜ້າ​ສົນ­ໃຈແມ່ນ​ເປັນ​ການ​ລົງ​ສະ­ໜາມ​ຂອງ​ກຸ່ມ ເອ ເປັນ​ການ​ພົບ​ກັນລະ­ຫວ່າງ ສະ­ໂມ­ສອນ ດີ​ເຄ ເອັບ​ຊີ ພົບ ສະ­ໂມ­ສອນ ທຣີ​ນິ​ຕີ ເອັບ​ຊີ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ສະ­ໂມ­ສອນ ດີ​ເຄ ເອົາ​ຊະ­ນະ ສະ­ໂມ­ສອນ ທຣີ​ນິ​ຕີ ໄປ​ໄດ້ 3-1 ຂະ­ນະ​ທີ່​ຜົນ​ການ​ແຂ່ງ­ຂັນ​ອີກ 2 ຄູ່ ໃນ​ກຸ່ມ ບີ ຜົນ​ປາ­ກົດ​ວ່າ: ໂຮງ­ຮຽນ​ບຸນ​ເກີດ​ສຶກ​ສາ ເອັບ​ຊີ ເສຍ​ໃຫ້ ສະ­ໂມ­ສອນ ກອງ­ທັບ ເອັບ​ຊີ 0-3 ປະ­ຕູ ແລະ ສະ­ໂມ­ສອນ ວິ­ທະ­ຍາ­ໄລ ລາວ-ທ໋ອບ ເອັຟ​ຊີ ສະ­ເໝີ ສະ­ໂມ­ສອນ ແບ​ລາວ ເອັບ​ຊີ 0-0 ປະ­ຕູ.

ຂ່າວທີ່ກ່ຽວຂ້ອງ