ຂ່າວຫຼ້າສຸດ

ປະຊາຊົນ​ຍີ່ປຸ່ນ 21.000 ກວ່າ​ຄົນ ເຂົ້າ​ຮ່ວມ​ການ​ຝຶກ​ຊ້ອມ​ອົບ​ພະ​ຍົບ

128 28 ສ.ຫ. 2018 ຂ່າວຕ່າງປະເທດ
ປະຊາຊົນ​ຍີ່ປຸ່ນ 21.000 ກວ່າ​ຄົນ ເຂົ້າ​ຮ່ວມ​ການ​ຝຶກ​ຊ້ອມ​ອົບ​ພະ​ຍົບ

   ເມື່ອ​ວັນ​ທີ 25 ສິງຫາ​ນີ້ ຍີ່ປຸ່ນ​ໄດ້​ຈັດ​ຕັ້ງ​ການ​ຝຶກ​ຊ້ອມ​ອົບ​ພະ​ຍົບ ຢູ່​ໃນ​ແຂວງ ຟູ​ກູ​ອິ ບ່ອນ​ທີ່​ມີ​ໂຮງງານ​ໄຟຟ້າ​ນີວ​ເຄລຍ​ເຕົ້າໂຮມ​ຢູ່​ຫຼາຍ​ທີ່​ສຸດ​ໃນ​ຍີ່ປຸ່ນ.

    ມີ​ປະມານ 21.600 ຄົນ ເຂົ້າ​ຮ່ວມ​ການ​ຝຶກ​ຊ້ອມ​ດັ່ງກ່າວ ທີ່​ມີ​ກຳນົດ​ແກ່ຍາວ​ເປັນ​ເວລາ 2 ວັນ ໃນ​ນັ້ນ​ປະກອບ​ມີ​ປະຊາຊົນ ທີ່​ດຳລົງ​ຊີວິດ​ຢູ່​ໃນ​ວົງ​ລັດສະໝີ 30 ​ກມ ຫ່າງ​ຈາກ​ໂຮງງານ​ໄຟຟ້າ ນີວ​ເຄລຍ 2 ແຫ່ງ ທີ່ຢູ່​ຫ່າງ​ກັນ​ພຽງ 14​ ກມ.

    ຈຸດປະສົງ​ຂອງ​ການ​ຝຶກ​ຊ້ອມ​ດັ່ງກ່າວ ກໍ​ແມ່ນ​ເພື່ອ​ທົດ​ລອງ​ແຜນການ​ອົບ​ພະ​ຍົບ​ປະຊາຊົນ ທີ່​ອາ​ໃສ​ຢູ່​ອ້ອມແອ້ມ​ໂຮງງານ​ໄຟຟ້າ​ນີວ​ເຄລຍ 2 ແຫ່ງ ຄື ໂອ​ອິ (Oi) ແລະ ຕາ​ກາ​ຮາ​ມະ (Takahama) ທີ່​ຂຶ້ນ​ກັບ​ບໍລິສັດ​ໄຟຟ້າ ກັນ​ຊາຍ. ສະຖານະ​ການ​ສົມ​ໝຸດ​ໃນ​ການ​ຝຶກ​ຊ້ອມ​ນັ້ນ ກໍ​ແມ່ນ ໂຮງງານ​ໄຟຟ້າ​ທັງ​ສອງ​ແຫ່ງ​ເກີດ​ຂາດ​ໄຟຟ້າ ເພື່ອ​ທຳ​ຄວາມ​ເຢັນ​ໃຫ້​ແກ່​ເຕົາ​ປະຕິ​ກອນ​ນີວ​ເຄລຍ ຫຼັງ​ຈາກ​ທີ່​ເກີດ​ເຫດການ​ແຜ່ນດິນ​ໄຫວ​ຢ່າງ​ແຮງ.

ຂ່າວທີ່ກ່ຽວຂ້ອງ