ທ່ານ ສະ​ກອດ ມໍ​ຣີ​ສັນ ກາຍເປັນ​ນາຍົກລັດຖະມົນຕີ​ຄົນທີ 30 ຂອງ​ອົດ​ສະ​ຕຣາ​ລີ

270 28 ສ.ຫ. 2018 ຂ່າວຕ່າງປະເທດ
ທ່ານ ສະ​ກອດ ມໍ​ຣີ​ສັນ ກາຍເປັນ​ນາຍົກລັດຖະມົນຕີ​ຄົນທີ 30 ຂອງ​ອົດ​ສະ​ຕຣາ​ລີ

    ທ່ານ ສະ​ກອດ ມໍ​ຣີ​ສັນ (Scott Morrison) ລັດຖະມົນຕີ​ຄັງ​ເງິນ ທັງ​ເປັນ​ລັດຖະມົນຕີ ກະຊວງ​ພາຍ​ໃນ​ຂອງ​ອົດ​​ສ​ຕຣາ​ລີ ໄດ້​ຮັບ​ເລືອກ​ຕັ້ງ​ໃຫ້​ເປັນ​ປະທານ​ພັກ​ເສລີ ທີ່​ເປັນ​ພັກ​ກຳ​ອຳນາດ ແລະ ກໍ​ເປັນ​ການ​ກາຍເປັນ​ນາຍົກລັດຖະມົນຕີ​ຄົນທີ 30 ຂອງ​ອົດ​ສະ​ຕຣາ​ລີ.

    ທີ່​ກ່າວ​ມາ​ນັ້ນ ເປັນ​ຜົນ​ຂອງ​ການ​ປະຊຸມ ແລະ ລົງ​ຄະແນນ​ສຽງ​ເປັນ​ເທື່ອ​ທີ​ສອງ​ຂອງ​ພັກ​ເສລີ ຕາມ​ການ​ຮຽກ​ປະຊຸມ​ຂອງ​ນາຍົກລັດຖະມົນຕີ ມາ​​ລ​ຄອມ ເທີນ​ບູນ ເມື່ອ​ວັນ​ທີ 24 ສິງຫາ ເພື່ອ​ແກ້​ໄຂ​ວິ​ກິດ​ການ​ການເມືອງ. ໃນ​ການ​ປະຊຸມ​ນີ້ ນາຍົກລັດຖະມົນຕີ ເທີນ​ບູນ ໄດ້​ປະກາດ​ລາ​ອອກ​ຈາກ​ຕຳ                    ແໜ່ງ ເພື່ອ​ໃຫ້​ບັນດາ​ສະມາຊິກ​ລັດ​ຖະ​ສະພາ​ປ່ອນ​ບັດ​ເລືອກ​ຕັ້ງ ລະຫວ່າງ​ຜູ້​ສະໝັກ​ເລືອກ​ຕັ້ງ​ສາມ​ຄົນ ໄດ້ແກ່​ທ່ານ ປີ​ເຕີ ດັດ​ຕັນ ອະດີດ​ລັດຖະມົນຕີ​ພາຍ​ໃນ ທ່ານ ມໍ​ຣີ​ສັນ ແລະ​ ນາງ ຈູ​ລີ ບິ​ຊອບ ລັດຖະມົນຕີ​ການ​ຕ່າງປະເທດ.

    ໃນ​ການ​ປ່ອນ​ບັດ​ຮອບ​ທີ​ໜຶ່ງ​ນັ້ນ ນາງ ຈູ​ລີ ບິ​ຊອບ ໄດ້​ຖືກ​ເຂ່ຍ​ອອກ​ຈາກ​ການ​ເລືອກ​ຕັ້ງ ຍ້ອນ​ວ່າ​ໄດ້​ຄະແນນ​ສຽງ​ສະໜັບສະໜູນ​ໜ້ອຍ​ທີ່​ສຸດ. ຢູ່​ໃນ​ການ​ເລືອກ​ຕັ້ງ​ຮອບ​ທີ​ສອງ ທ່ານ ສະ​ກອດ ມໍ​ຣີ​ສັນ ໄດ້​ເອົາ​ຊະນະ​ຄູ່​ແຂ່ງ​ພຽງ​ຄົນ​ດຽວ ຄື​ທ່ານ ດັດ​ຕັນ ດ້ວຍ​ຄະແນນ​ສຽງ 45-40.

    ການ​ທີ່​ທ່ານ ມໍ​ຣີ​ສັນ ກາຍເປັນ​ນາຍົກລັດຖະມົນຕີ​ຄົນ​ໃໝ່​ຂອງ​ອົດ​ສະ​ຕຣາ​ລີ ໄດ້​ເປັນ​ການ ຢຸດຕິ​ວິ​ກິດ​ການ​ການ​ນຳ​ພາຍ​ໃນ​ພັກ​ເສລີ ຊຶ່ງ​ແກ່ຍາວ​ເປັນ​ເວລາ​ເກືອບ​ໜຶ່ງ​ອາທິດ​ທີ່​ຜ່ານ​ມາ ເຮັດ​ໃຫ້​ລັດຖະບານ ແລະ ​ສະພາ​ແຫ່ງ​ຊາດ ຕ້ອງ​ໄດ້​ງົດ​ການເຄື່ອນໄຫວ​ເປັນ​ການ​ຊົ່ວຄາວ.

 

ຂ່າວທີ່ກ່ຽວຂ້ອງ