ຂ່າວຫຼ້າສຸດ

ສ ອາ​ເມ​ຣິ​ກາ ຕັດ​ຄວາມ​ຊ່ວຍເຫຼືອ​ເພື່ອ​ສ້າງ​ຄວາມ​ກົດ​ດັນ​ຕໍ່​ປາ​ແລັດ​ສະ​ຕິນ

189 28 ສ.ຫ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ຕັດ​ຄວາມ​ຊ່ວຍເຫຼືອ​ເພື່ອ​ສ້າງ​ຄວາມ​ກົດ​ດັນ​ຕໍ່​ປາ​ແລັດ​ສະ​ຕິນ

   ເຈົ້າ​ໜ້າທີ່​ປາ​ແລັດ​ສະ​ຕິນ​ຜູ້​ໜຶ່ງ ກ່າວ​ເມື່ອ​ວັນ​ທີ 25 ສິງຫາ​ນີ້​ວ່າ ອຳນາດ​ການ​ປົກຄອງ ຂອງ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ພວມ​ຕ້ອງ​ໄດ້​ໃຊ້​ຮອດ​ເລື່ອງ “ຍັກ​ຍອກ​ເງິນ” ເພື່ອ​ຕ້ານ​ກັບ​ຊາວ​ປາ​ແລັດ​ສະ​ຕິນ ດ້ວຍ​ການ​ຕົກລົງ​ຕັດ​ຫຼຸດ​ເງິນ​ຊ່ວຍເຫຼືອ​ເຂດ​ຝັ່ງ​ຕາເວັນຕົກ​ແມ່ນ້ຳ​ຈໍ​ແດນ ແລະ​ເຂດ​ແຫຼມ​ກາ​ຊາ ໄປ​ກວ່າ 200 ລ້ານ​ໂດ​ລາ​ສະຫະລັດ.

    ເຈົ້າ​ໜ້າທີ່​ກະຊວງ​ການ​ຕ່າງປະເທດ​ປາ​ແລັດ​ສະ​ຕິນ​ຜູ້​ໜຶ່ງ ກ່າວ​ເມື່ອ​ວັນ​ທີ 24 ສິງຫາ ທີ່​ຜ່ານ​ມາ​ວ່າ ການ​ຕົກລົງ​ດັ່ງກ່າວ​ຖືກ​ນຳ​ອອກ​ມາ ຕາມ​ການ​ຊີ້​ນຳ​ຂອງ​ປະທານາທິບໍດີ ສ ອາ​ເມ​ຣິ​ກາ ຫຼັງ​ຈາກ​ທີ່​ໄດ້​ດຳເນີນ​ການ​ພິຈາລະນາ​ເຖິງ​ໂຄງການ​ຊ່ວຍເຫຼືອ​ໃຫ້​ແກ່​ເຂດ​ດິນແດນ​ປາ​ແລັດ​ສະ​ຕິນ.

    ເມື່ອ​ເດືອນ​ມັງກອນ ປີ 2018 ສ ອາ​ເມ​ຣິ​ກາ ໄດ້​ປະຕິບັດ​ການ​ຕັດ​ຫຼຸດ​ການ​ປະກອບສ່ວນ ຂອງ​ຕົນ​ໃຫ້​ແກ່​ອົງການ​ຊ່ວຍເຫຼືອ​ຜູ້​ລີ້​ໄພ​ຊາວ​ປາ​ແລັດ​ສະ​ຕິນ ຂອງ​ສະຫະ​ປະຊາ​ຊາດ (UNRWA) ລົງ​ຢ່າງ​ຫຼວງຫຼາຍ.

    ການ​ພົວພັນ​ລະຫວ່າງ ສ ອາ​ເມ​ຣິ​ກາ ກັບ​ອຳນາດ​ການ​ປົກຄອງ​ປາ​ແລັດ​ສະ​ຕິນ ໄດ້​ຊຸດ​ລົງ ຫຼັງ​ຈາກ​ທີ່​ປະທານາທິບໍດີ ທຣຳ ຮັບ​ຮູ້​ນະຄອນ ເຈ​ຣູ​ຊາ​ແລມ ເປັນ​ນະຄອນຫຼວງ ຂອງ​ອິດ​ສະ​ຣາ​ແອນ ເມື່ອ​ທ້າຍ​ປີ 2017.

 

ຂ່າວທີ່ກ່ຽວຂ້ອງ