ຂ່າວຫຼ້າສຸດ

ລັດຖະບານຣັດເຊຍ ມອບເຄື່ອງຊ່ວຍເຫຼືອຜູ້ປະສົບໄພນ້ຳຖ້ວມ

351 28 ສ.ຫ. 2018 ຂ່າວໜ້າ​ໜຶ່ງ
ລັດຖະບານຣັດເຊຍ ມອບເຄື່ອງຊ່ວຍເຫຼືອຜູ້ປະສົບໄພນ້ຳຖ້ວມ

    ເຮືອ­ບິນ​ຖ້ຽວ​ບິນ IL 76 SUN 9127 ຂອງ​ສະ­ຫະ­ພັນ​ຣັດ​ເຊຍ ໄດ້​ເດີນ­ທາງ​ມາ​ຮອດ​ສະ­ໜາມ​ບິນ​ສາ­ກົນ​ວັດ​ໄຕ ໃນ​ວັນ​ທີ 25 ສິງ­ຫາ 2018 ເພື່ອ​ນຳ​ເອົາ​ເຄື່ອງ​ຊ່ວຍ­ເຫຼືອ​ປະ­ກອບ​ມີ: ເຮືອ​ກູ້​ໄພ​ທີ່​ໃຊ້​ພະ­ລັງ­ງານ​ແສງ​ຕາ­ເວັນ ຈຳ­ນວນ 60 ລຳ ຈັກ​ປັ່ນ​ໄຟ­ຟ້າ 120 ກິ​ໂລ​ໂວນ 2 ໜ່ວຍ ເຂົ້າ­ສານ 5 ໂຕນ ນ້ຳ­ຕານ 5 ໂຕນ ຜ້າ­ຫົ່ມ 1 ພັນ​ຜືນ ແລະ ເຄື່ອງ­ໃຊ້​ສອຍ​ພາຍ​ໃນ​ຄົວ​ເຮືອນ​ຈຳ­ນວນ​ໜຶ່ງ ເຊິ່ງ​ເຄື່ອງ​ດັ່ງ­ກ່າວ​ແມ່ນ​ຈະ​ນຳ​ໃຊ້​ເຂົ້າ​ໃນ​ການ​ຊ່ວຍ­ເຫຼືອ​ປະ­ຊາ­ຊົນ ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ໂດຍ​ສະ­ເພາະ ເມືອງ​ສະ­ໜາມ​ໄຊ ແຂວງ​ອັດ​ຕະ​ປື.

    ຕາງ­ໜ້າ​ໃຫ້​ລັດ­ຖະ­ບານ​ສະ­ຫະ­ພັນ​ຣັດ​ເຊຍ ມອບ​ໂດຍ​ທ່ານ ມີ​ຄາ​ອິນ ບາ​ຣາ​ນົບ ເອກ​ອັກ​ຄະ​ລັດ​ຖະ​ທູດ​ແຫ່ງ​ສະ­ຫະ­ພັນ​ຣັດ​ເຊຍ ປະ­ຈຳ​ລາວ ຕາງ­ໜ້າ​ລັດ­ຖະ­ບານ​ລາວ ຮັບ​ໂດຍ​ທ່ານ ຄຳ​ແກ້ວ ສານ​ບຸນ​ຄູນ​ໄຊ ຮອງ​ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ໂດຍ​ມີ​ພະ­ນັກ­ງານ​ທັງ​ສອງ​ຝ່າຍ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ