ຂ່າວຫຼ້າສຸດ

ສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ນວ ຄົບຮອບ 43 ປີ

233 28 ສ.ຫ. 2018 ຂ່າວໜ້າ​ໜຶ່ງ
ສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ນວ ຄົບຮອບ 43 ປີ

    ພິ­ທີ​ໂຮມ​ຊຸມ­ນຸມ ເພື່ອ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ກຳ­ລັງ​ປ້ອງ​ກັນ​ຄວາມ​ສະ­ຫງົບ ນະ­ຄອນ­ຫຼວງ​ວຽງ​ຈັນ ຄົບ­ຮອບ 43 ປີ (26/8/1975-26/8/2018) ຈັດ​ຂຶ້ນ​ວັນ​ທີ 24 ສິງ­ຫາ 2018 ທີ່​ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ມີ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ທ່ານ ພົນ​ຈັດ­ຕະ­ວາ ບຸບ­ຜາ ສີ​ພົມ­ມາ ຫົວ­ໜ້າ​ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ພະ­ນັກ­ງານ​ປະ­ຕິ­ວັດ​ອາ­ວຸ­ໂສ​ບຳ­ນານ ແລະ ພະ­ນັກ­ງານ​ຫຼັກ​ແຫຼ່ງ​ອ້ອມ​ຂ້າງ ປກສ ນວ ເຂົ້າ​ຮ່ວມ.

    ໂອ­ກາດ​ນີ້ ທ່ານ ພົນ​ຈັດ­ຕະ­ວາ ບຸບ­ຜາ ສີ​ພົມ­ມາ ໄດ້​ຍົກ​ໃຫ້​ເຫັນ​ມູນ­ເຊື້ອ​ວັນ​ສ້າງ­ຕັ້ງ​ກຳ­ລັງ​ປ້ອງ​ກັນ​ຄວາມ​ສະ­ຫງົບ ນວ ເຊິ່ງ​ໃນ​ວັນ​ທີ 26 ສິງ­ຫາ 1975 ເປັນ​ວັນ​ທີ່​ມີ​ຄວາມ​ໝາຍ​ຄວາມ​ສຳ­ຄັນ ໃນ​ປະ­ຫວັດ­ສາດ​ຂອງ​ກຳ­ລັງ ປກສ ນວ ແລະ ເປັນ​ວັນ​ກຳ­ເນີດ​ຂອງ​ກຳ­ລັງ ປກສ ນວ ນັບ​ແຕ່​ໄດ້​ສ້າງ­ຕັ້ງ​ກໍ່​ໄດ້​ປະ­ກອບ­ສ່ວນ​ເຂົ້າ​ໃນ​ພາ­ລະ­ກິດ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ກໍ່​ຄື​ຢູ່ ນວ ຕະ­ຫຼອດ​ມາ ໂດຍ​ໄດ້​ສືບ­ຕໍ່​ມູນ­ເຊື້ອ​ການ​ກຳ­ເນີດ ແລະ ເຕີບ​ໃຫຍ່​ຂະ­ຫຍາຍ­ຕົວ​ຂອງ​ກຳ­ລັງ​ປ້ອງ​ກັນ​ຄວາມ​ສະ­ຫງົບ​ຂອງ​ປະ­ຊາ­ຊົນ ສາ­ມາດ​ຍາດ​ໄດ້­ຜົນ​ງານ​ອັນ​ໃຫຍ່​ຫຼວງ­ຫຼາຍ​ດ້ານ​ມາ​ແຕ່​ລະ​ໄລ­ຍະ ໃນ​ພາ­ລະ­ກິດ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ.

    ນັບ​ແຕ່​ໄດ້​ຮັບ​ການ​ສ້າງ­ຕັ້ງ​ຈົນ​ເຖິງ​ປັດ­ຈຸ­ບັນ ກຳ­ລັງ ປກສ ນະ­ຄອນ­ຫຼວງ​ວຽງ​ຈັນ ໄດ້​ທຸ່ມ​ເທ​ເຫື່ອ­ແຮງ ສະ­ຕິ​ປັນ­ຍາ ແລະ ການ​ເສຍ­ສະ­ຫຼະ ໃນ​ການ​ຕໍ່­ສູ້​ຕ້ານ​ກັບ​ກຸ່ມ​ຄົນ​ບໍ່​ດີ​ດ້ວຍ​ຜົນ­ງານ ແລະ ຄຸນ​ງານ​ຄວາມ​ດີ​ດັ່ງ­ກ່າວ ພັກ-ລັດ​ຈຶ່ງ​ໄດ້​ຕົກ­ລົງ​ຍ້ອງ­ຍໍ​ສັນ­ລະ­ເສີນ​ກອງ​ບັນ­ຊາ​ການ ປກສ ນວ ຄື: ຫຼຽນ​ໄຊ​ອິດ­ສະ­ຫຼະ ຊັ້ນ I ຈຳ­ນວນ 2 ໜ່ວຍ ຫຼຽນ​ໄຊ​ອິດ­ສະ­ຫຼະ ຊັ້ນ II ຈຳ­ນວນ 2 ໜ່ວຍ: ຫຼຽນ​ໄຊ​ອິດ­ສະ­ຫຼະ​ຊັ້ນ III ຈຳ­ນວນ 2 ໜ່ວຍ ຫຼຽນ​ໄຊ​ແຮງ​ງານ ຊັ້ນ I ຈຳ­ນວນ 1 ໜ່ວຍ ຫຼຽນ​ໄຊ​ແຮງ​ງານ​ຊັ້ນ II ຈຳ­ນວນ 4 ໜ່ວຍ ໄຊ​ແຮງ​ງານ​ຊັ້ນ III ຈຳ­ນວນ 3 ໜ່ວຍ ແນວ­ໃດ​ກໍ່​ຕາມ ພວກ​ເຮົາ​ຈະ​ຕ້ອງ​ໄດ້​ສືບ­ຕໍ່​ນຳ­ພາ​ສຶກ​ສາ​ອົບ­ຮົມ​ການ­ເມືອງ​ແນວ​ຄິດ ໃຫ້​ແກ່​ພະ­ນັກ­ງານ-ນັກ​ຮົມ​ທົ່ວ​ກຳ­ລັງ ປກສ ນວ ຕາມ​ແຜນ​ນະ­ໂຍ­ບາຍ​ຂອງ​ພັກ ມະ­ຕິ​ຄຳ​ສັ່ງ ແລະ ແຜນ​ວຽກ​ຂອງ​ກອງ​ບັນ­ຊາ​ການ ປກສ ນວ ວາງ​ອອກ ແນ­ໃສ່​ເຮັດ​ໃຫ້​ພະ­ນັກ­ງານ​ທຸກ​ຄົນ ມີ​ຄວາມ​ໜັກ​ແໜ້ນ​ທາງ​ດ້ານ​ການ­ເມືອງ ແນວ​ຄິດ ແລະ ການ­ຈັດ­ຕັ້ງ ກ້າວ​ຂຶ້ນ​ເຮັດ​ສຳ­ເລັດ​ໜ້າ­ທີ່​ດ້ວຍ​ຄວາມ​ຮັບ­ຜິດ­ຊອບ​ສູງ ສືບ­ຕໍ່​ປັບ­ປຸງ​ກົງ­ຈັກ​ການ­ຈັດ­ຕັ້ງ​ໃຫ້​ເຂັ້ມ­ແຂງ ຮັບ­ປະ­ກັນ​ຄຸ­ນະ­ພາບ ແລະ ສອດ­ຄ່ອງ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ໜ້າ­ທີ່​ວຽກ​ງານ​ໃນ​ໄລ­ຍະ​ໃໝ່ ສາ­ມາດ​ເຮັດ​ລ້ອນ​ໜ້າ­ທີ່​ການ­ເມືອງ​ຂອງ​ແຕ່​ລະ​ກົມ​ກອງ.

ຂ່າວທີ່ກ່ຽວຂ້ອງ