ຂ່າວຫຼ້າສຸດ

ບີໂຊລາ ອະນຸຍາດໃຫ້ POWER CHINA-AIT ເປັນຜູ້ຮັບເໝົາກໍ່ສ້າງໂຄງການ

249 28 ສ.ຫ. 2018 ຂ່າວໜ້າ​ໜຶ່ງ
ບີໂຊລາ ອະນຸຍາດໃຫ້ POWER CHINA-AIT ເປັນຜູ້ຮັບເໝົາກໍ່ສ້າງໂຄງການ

    ບໍ­ລິ­ສັດ ອາ­ຊີ​ພັດ­ທະ­ນາ​ກໍ່­ສ້າງ​ຂົວ-ທາງ ຈຳ­ກັດ ເຊິ່ງ​ເປັນ​ບໍ­ລິ­ສັດ​ໃນ​ກຸ່ມ​ບໍ­ລິ­ສັດ ພົງ​ຊັບ​ທະ­ວີ ຈຳ­ກັດ​ຜູ້​ດຽວ ໄດ້​ໄປ​ລົງ­ທຶນ​ກໍ່­ສ້າງ​ໂຄງ­ການ​ພະ­ລັງ­ງານ​ໄຟ­ຟ້າ​ແສງ​ອາ­ທິດ (B-SOLAR) ຢູ່ ສສ ຫວຽດ­ນາມ ໂດຍ​ໄດ້​ສ້າງ­ຕັ້ງ​ບໍ­ລິ­ສັດ​ໃໝ່​ຂຶ້ນ​ຊື່ “ບໍ­ລິ­ສັດ ບີ​ໂຊ​ລາ ຈຳ­ກັດ” ເພື່ອ​ເຮັດ​ໃຫ້​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ດຳ­ເນີນ​ໄປ​ຢ່າງ​ຖືກ­ຕ້ອງ ສຳ­ເລັດ​ຕາມ​ແຜນ­ການ​ທີ່​ວາງ​ໄວ້ ແລະ ຮັບ­ປະ­ກັນ​ຄຸ­ນະ­ພາບ ບໍ­ລິ­ສັດ ບີ​ໂຊ​ລາ ຈຳ­ກັດ ໄດ້​ຕົກ­ລົງ​ໃຫ້​ບໍ­ລິ­ສັດ POWER CHINA-AIT ຈຳ­ກັດ ເປັນ​ຜູ້​ຮັບ​ເໝົາ​ກໍ່­ສ້າງ​ໂຄງ­ການ ໂດຍ​ພິ­ທີ​ລົງ​ນາມ​ສັນ­ຍາ​ດັ່ງ­ກ່າວ ໄດ້​ຈັດ​ຂຶ້ນ​ວັນ​ທີ 23 ສິງ­ຫາ 2018 ຢູ່​ໂຮງ­ແຮມ METROPOLE SOFITEL HANOI ລະ­ຫວ່າງ​ທ່ານ ສົມ​ຣັຕນ໌ ແສງ​ສະ​ຫວັດ ຜູ້­ອຳ­ນວຍ­ການ​ບໍ­ລິ­ສັດ ອາ­ຊີ​ພັດ­ທະ­ນາ​ກໍ່­ສ້າງ​ຂົວ-ທາງ ຈຳ­ກັດ ແລະ ທ່ານ Yang Wu ຕາງ­ໜ້າ​ບໍ­ລິ­ສັດ POWER CHINA-AIT ຈຳ­ກັດ ໂດຍ​ຊ້ອງ​ໜ້າ​ພາກ­ສ່ວນ​ກ່ຽວ­ຂ້ອງ.

    ໂຄງ­ການ​ພະ­ລັງ­ງານ​ໄຟ­ຟ້າ​ແສງ​ອາ­ທິດ (B-SOLAR) ຕັ້ງ​ຢູ່​ບ້ານ​ຊົງ​ລຸ້ຍ ເມືອງ​ບັກ​ບິນ ແຂວງ​ບິນ​ຖ້ວນ ສສ ຫວຽດ­ນາມ ມີ​ກຳ­ລັງ​ການ​ຕິດ​ຕັ້ງ 46,8 mwp ສາ­ມາດ​ຜະ­ລິດ​ພະ­ລັງ­ງານ​ໄຟ­ຟ້າ​ໄດ້ 78.156 kwh ຕໍ່​ປີ ການ­ຈັດ­ຕັ້ງ​ປະ­ຕິ­ບັດ​ຈະ​ເລີ່ມ​ແຕ່​ເດືອນ​ກັນ­ຍາ 2018 ແລະ ໃຫ້​ສຳ­ເລັດ​ໃນ​ເດືອນ​ມີ­ນາ 2019 ມູນ​ຄ່າ​ການ​ລົງ­ທຶນ 407,08 ຕື້​ກີບ ຫຼື ປະ­ມານ 48 ລ້ານ​ໂດ​ລາ​ສະ­ຫະ­ລັດ ໂດຍ​ແມ່ນ​ທະ­ນາ­ຄານ​ໄຊ​ງ່ອນ-ຮ່າ​ໂນ້ຍ ເປັນ​ຜູ້​ສະ­ໜອງ​ທຶນ​ໃຫ້.

    ໂຄງ­ການ​ພະ­ລັງ­ງານ​ໄຟ­ຟ້າ​ແສງ​ອາ­ທິດ (B-SOLAR) ເປັນ​ໂຄງ­ການ​ທີ່​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ລັດ­ຖະ­ບານ ສປປ ລາວ ແລະ ລັດ­ຖະ­ບານ ສສ ຫວຽດ­ນາມ ເພື່ອ​ຈັດ​ຕັ້ງ​ຜັນ​ຂະ­ຫຍາຍ ແນວ­ທາງ​ນະ­ໂຍ­ບາຍ​ສົ່ງ­ເສີມ​ການ​ລົງ­ທຶນ​ລະ­ຫວ່າງ​ສອງ​ປະ­ເທດ ພາຍ­ຫຼັງ​ສຳ­ເລັດ​ໂຄງ­ການ ພະ­ລັງ­ງານ​ທັງ​ໝົດ​ຈະ​ຈຳ­ໜ່າຍ​ໃຫ້­ການ​ໄຟ­ຟ້າ ສສ.ຫວຽດ­ນາມ (EVN) ເພື່ອ​ນຳ​ໃຊ້​ຢູ່​ພາຍ​ໃນ​ປະ­ເທດ.

ຂ່າວທີ່ກ່ຽວຂ້ອງ