ກຽດຕິສັກນານາຊາດຄວ້າແຊັມບານເຕະ Soong Ching Ling Cup 2018

108 28 ສ.ຫ. 2018 ວົງຈອນກີລາ
ກຽດຕິສັກນານາຊາດຄວ້າແຊັມບານເຕະ Soong Ching Ling Cup 2018

    ນັກ​ກິລາ​ເຕະບານ U-12 ຂອງ​ໂຮງຮຽນ​ກຽດ​ຕິ​ສັກ​ນານາຊາດ ນະຄອນຫຼວງ​ວຽງ​ຈັນ ແລະ ນັກ​ກິລາ​ບານເຕະ​ຈາກ Lob Stadium ໄດ້​ເຂົ້າ​ຮ່ວມການ​ແຂ່ງຂັນ​ບານເຕະ Soong Ching Ling Cup 2018 ໃນ​ລະຫວ່າງ​ວັນ​ທີ 11-18 ສິງຫາ 2018 ຜ່ານ​ມາ ທີ່​ເມືອງ​ປັກ​ກິ່ງ ​ສປ ຈີນ.

    ທີມ​ທີ່​ເຂົ້າ​ຮ່ວມ​ການ​ແຂ່ງຂັນຄັ້ງ​ນີ້ ປະກອບ​ມີ ​ສປ ຈີນ ໄທ ກຳປູເຈຍ ຟີ​ລິບ​ປິນ ອິນ​ໂດ​ເນເຊຍ ມຽນ​ມາ ຫວຽດນາມ ແລະ ​ສປປ ລາວ ການ​ແຂ່ງຂັນ ໄດ້​ຖືກ​ແບ່ງ​ອອກ​ເປັນ 3 ຮອບ ຮອບ​ທີ 1 ຈະ​ເປັນ​ການ​ເຕະ​ແບ່ງສາຍ ເຊິ່ງ​ລາວ​ໄດ້​ຢູ່​ໃນ​ສາຍ​ເອ ເຊິ່ງ​ປະກອບ​ມີ ໄທ ມຽນ​ມາ ຫວຽດນາມ ແລະ ລາວ ຜົນການ​ແຂ່ງຂັນ Laos 1-0 Thailand Laos 20-0 Vietnam Laos 1-1 Myanmar ຈົບ​ຮອບ​ທຳ​ອິດ ລາວ​ເຂົ້າ​ຮອບເປັນ​ທີ 1 ໂດຍ​ມີ 7 ຄະແນນ ແລະ ໄທ​ເປັນ​ທີ 2 ໂດຍ​ມີ 6 ຄະແນນ.

    ຮອບ 2 ເປັນ​ການ​ເອົາ​ທີ 1 ແລະ 2 ຂອງ​ສາຍ A ແລະ B ມາ​ພົບ​ກັນ​ໂດຍ​ເຕະ 2 ນັດ ແລ້ວເອົາ​ທີມ​ທີ່​ມີ​ຄະແນນ​ຫຼາຍ​ອັນ​ດັບ 1 ແລະ 2 ເຂົ້າ​ມາ​ຊິງ​ຊະນະ​ເລີດ ຜົນ​ການ​ແຂ່ງຂັນ Laos 3-1 China Laos 1-2 Philippines.

    ຮອບ​ຊິງ​ຊະນະ​ເລີດ ລາວໄດ້​ໂຄຈອນ​ມາ​ພົບ​ທີມ​ປະເທດໄທ​ອີກ​ຄັ້ງ ຜົນ​ການ​ແຂ່ງຂັນ ທີມ​ລາວ​ສາມາດ​ເກັບ​ເອົາ​ໄຊຊະນະ​ເໜືອ​ທີມ​ໄທ​ອີກ​ຄັ້ງ​ໃນ​ຄະແນນ 2-1 ຄວ້າ​ແຊັມ Soong Ching Ling Cup 2018 ໃນ​ຄັ້ງນີ້​ເປັນ​ຜົນສຳເລັດ.

ຂ່າວທີ່ກ່ຽວຂ້ອງ