ເລື່ອງລາວ

242 28 ສ.ຫ. 2018 ຫົວຂໍ້ຂ່າວອື່ນໆ

    ຄຳ​ນາມ ແປ​ວ່າ ເຫດ­ການ, ສິ່ງ​ທີ່ປາ­ກົດ​ຂຶ້ນ ຈຶ່ງ​ພົບ​ເຫັນ​ໃຊ້​ທົ່ວ​ໄປ​ທັງ​ພາ­ສາເວົ້າ ແລະ ຂຽນ. ໃນ​ແງ່​ພາ­ສາ​ສາດ, ເລື່ອງ​ລາວ ຖື​ເປັນ​ໜ່ວຍຄຳ​ໜຶ່ງ​ທີ່​ມີ​ຄວາມ​ໝາຍ​ສະ­ເພາະ​ໂຕ​ທີ່ໝາຍ​ຄວາມ​ວ່າ ຖ້າ​ແຍກສອງ​ຄຳ​ອອກ​ຈາກ​ກັນ​ຄວາມ​ໝາຍ​ຈະ​ບໍ່ກ່ຽວພັນ​ກັນ. ບາງເທື່ອ​ອາດ​ຈະ​ຄຶດ​ວ່າ​ເປັນ​ຄຳ​ປະ­ສົມ ແຕ່​ບໍ່​ແມ່ນ. ຖ້າເບິ່ງ​ໃນແງ່​ປະ­ຫວັດ​ຄຳ ພົບ​ເຫັນ​ວ່າເລື່ອງ​ລາວເປັນ​ຄຳ​ທີ່​ຮັບ​ມາ​ຈາກພາ­ສາ​ມອນ​ໃນ​ອະ­ດີດ “ເຣື່ອງ​ຣາວ” ເຊິ່ງເຣື່ອງ ກັບ ຣາວ ແປ​ວ່າ ເລື່ອງ ຈຶ່ງ​ຖື​ເປັນ​ຄຳ​ຊ້ອນ, ເມື່ອ​ກາຍ​ມາ​ເປັນ​ຄຳ​ລາວ​ວ່າ “ເລື່ອງລາວ” ທີ່​ມີ​ຄວາມ​ໝາຍ​ຫຼາຍ​ຢ່າງ​ເຊັ່ນ ເຫດ­ການ, ສິ່ງ​ດີ, ສິ່ງ​ບໍ່​ດີ, ປະ­ໂຫຍດ...   

ຕົວ­ຢ່າງ:

- ເລື່ອງສັ້ນ​ນີ້​ມີ​ເລື່ອງ​ລາວ​ກ່ຽວ​ກັບ​ຄວາມ​ຮັກ​ທີ່​ຜິດ​ຫວັງ

- ໄປ​ຫຼິ້ນ​ແລ້ວ​ຢ່າ​ໄປ​ມີ​ເລື່ອງ​ລາວ​ກັນ​ເດີ!

- ເຮັດ​ແນວ​ບໍ່​ເປັນ​ເລື່ອງ​ລາວ​ຫຍັງ! ບໍ່​ເປັນ​ປະໂຫຍດ!

- ຄຶດ​ຫາ​ເລື່ອງ​ລາວ​ດີໆ​ມາ​ຂຽນ​ນິຍາຍ

- ເວົ້າ​ວ່າ​ກັນ​ແນວ​ເປັນ​ເລື່ອງ​ລາວ​ທີ່​ຮັກແພງ​ສາມັກຄີ​ກັນ

ນຳ​ສະເໜີ​ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ