ຂ່າວຫຼ້າສຸດ

ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ ລະບາດ​ຢູ່​ໃນ​ຣູ​ມາ​ນີ

77 28 ສ.ຫ. 2018 ຂ່າວຕ່າງປະເທດ
ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ ລະບາດ​ຢູ່​ໃນ​ຣູ​ມາ​ນີ

      ທາງ​ການ​ຣູ​ມາ​ນີ ໄດ້​ຢັ້ງຢືນ​ເຖິງ​ການ​ລະບາດ​ຂອງ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາ ຢູ່​ໃນ​ຟາມ​ແນວ​ພັນ​ໝູ​ແຫ່ງ​ໜຶ່ງ ທີ່​ມີ​ຂະໜາດ​ໃຫຍ່​ສຸດ​ຂອງ​ປະເທດ​ນີ້. ອົງການ​ຄວບ​ຄຸມ​ຄວາມ​ປອດ​ໄພ​ອາຫານ​ແຫ່ງ​ຊາດ ຣູ​ມາ​ນີ ໃຫ້​ຮູ້​ວ່າ ໄລ່​ມາ​ຮອດ​ວັນ​ທີ 25 ສິງຫາ​ນີ້ ໄດ້​ຂ້າ​ທຳລາຍ​ໝູ​ໄປ​ແລ້ວ​ປະມານ 140.000 ໂຕ. ຟາມ​ດັ່ງກ່າວ ເປັນ​ກຳມະສິດ​ຂອງ ບໍລິສັດ Rumani TEBU Consult.

    ສື່ສານ​ໃນ​ຣູ​ມາ​ນີ ລາຍ​ງານ​ວ່າ ໄດ້​ເກີດ​ການ​ລະບາດ​ໄຂ້​ຫວັດ​ໝູ​ສາຍ​ພັນ​ອາ​ຟະ​ຣິກ​ກາມາ​ແລ້ວ ຫຼາຍ​ຮ້ອຍ​ລາຍ ຊຶ່ງ​ເກີດ​ຂຶ້ນ​ຢູ່​ຕາມ​ບັນດາ​ຄອບຄົວ​ທີ່​ລ້ຽງ​ໝູ​ຂະໜາດ​ນ້ອຍ ກໍ​ຄື​ໃນ​ຟາມ​ຂອງ​ເອກະ​ຊົນ ຫຼາຍ​ແຫ່ງ​ທີ່​ມີ​ຂະໜາດ​ໃຫຍ່ ໂດຍ​ສະເພາະ​ແມ່ນ​ຢູ່​ໃນ​ພາກ​ໃຕ້​ຣູ​ມາ​ນີ.

 

ຂ່າວທີ່ກ່ຽວຂ້ອງ