ຂ່າວຫຼ້າສຸດ

ເກີດ​ອັກຄີ​ໄພ ແລະ​ເຫດການ​ຮຸນ​ແຮງ​ຢູ່​ໃນ ສ ອາ​ເມ​ຣິ​ກາ

156 28 ສ.ຫ. 2018 ຂ່າວຕ່າງປະເທດ
ເກີດ​ອັກຄີ​ໄພ ແລະ​ເຫດການ​ຮຸນ​ແຮງ​ຢູ່​ໃນ ສ ອາ​ເມ​ຣິ​ກາ

   ເມື່ອ​ຕອນ​ເຊົ້າ​ວັນ​ທີ 26 ສິງຫາ (ຕາມ​ເວລາ​ໃນ​ທ້ອງຖິ່ນ) ໄດ້​ເກີດ​ອັກຄີ​ໄພ​ຂຶ້ນ ທີ່​ເຮືອນ​ຫ້ອງ​ແຖວ​ຫຼັງ​ໜຶ່ງ ຢູ່​ໃນ​ເຂດ​ທິດຕາເວັນຕົກ​ສ່ຽງ​ໃຕ້​ນະຄອນ ຊີ​ກາໂກ (ສ ອາ​ເມ​ຣິ​ກາ) ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 8 ຄົນ ໃນ​ນັ້ນ​ມີ​ເດັກນ້ອຍ​ລວມ​ຢູ​ນຳ 6 ຄົນ ແລະ ຍັງ​ມີ​ເດັກນ້ອຍ​ອີກ 2 ຄົນ ໄດ້​ຮັບ​ບາດເຈັບ​ສາຫັດ.

   ໃນ​ຂະນະ​ດຽວ​ກັນ ຂ່າວ​ຫຼ້າ​ສຸດ​ຈາກ​ທາງ​ການ​ຕຳຫຼວດ​ໃນ​ທ້ອງຖິ່ນ ໃຫ້​ຮູ້​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 4 ຄົນ ແລະ​ ບາດເຈັບ​ອີກ 10 ຄົນ ຢູ່​ໃນ​ເຫດການ​ຍິງ​ປືນ ຊຶ່ງ​ເກີດ​ຂຶ້ນ​ເມື່ອ​ວັນ​ທີ 26 ສິງຫາ​ນີ້ ຢູ່​ໃນ​ເຂດ​ຮ້ານ​ອາຫານ ຮ້ານ​ຄ້າ ແລະ ​ບັນເທີງ Jacksonville Landing ໃນ​ນະຄອນ Jacksonville ທີ່​ຂຶ້ນ​ກັບ​ລັດ ຟລໍ​ຣີ​ດາ (ສ ອາ​ເມ​ຣິ​ກາ). ຂ່າວ​ແຈ້ງວ່າ ຜູ້​ຕ້ອງ​ສົງ​ໃສ​ກໍ່​ເຫດ​ຄົນ​ໜຶ່ງ​ໄດ້​ເສຍ​ຊີວິດ ຢູ່​ໃນ​ທີ່​ເກີດ​ເຫດ ແລະ​ ຍັງ​ບໍ່​ເປັນ​ທີ່​ຈະ​ແຈ້ງວ່າ​ມີ​ຜູ້​ຖືກ​ສົງ​ໃສ​ເປັນ​ຄົນທີ​ສອງ​ອີກ​ຫຼື​ບໍ່.

 

ຂ່າວທີ່ກ່ຽວຂ້ອງ