ຂ່າວຫຼ້າສຸດ

ຄອມເອເຊຍ ຈະນຳເອົາຜະລິດຕະພັນສິນຄ້າ 7 ກຸ່ມລາຍການ ເຂົ້າຮ່ວມວາງສະແດງ ທີ່ຮົງກົງ ເພື່ອຕອບສະໜອງຄວາມຕ້ອງການຂອງຜູ້ຊື້ຈາກທົ່ວໂລກ

203 27 ສ.ຫ. 2018 ຂ່າວໜ້າ​ໜຶ່ງ
ຄອມເອເຊຍ ຈະນຳເອົາຜະລິດຕະພັນສິນຄ້າ 7 ກຸ່ມລາຍການ ເຂົ້າຮ່ວມວາງສະແດງ ທີ່ຮົງກົງ ເພື່ອຕອບສະໜອງຄວາມຕ້ອງການຂອງຜູ້ຊື້ຈາກທົ່ວໂລກ

   ການ​ດຳ­ເນີນ​ງານ​ໂດຍ​ບໍ­ລິ­ສັດ ຄອມ​ເອ​ເຊຍ ຈຳ­ກັດ (Comasia Limited), ເຊິ່ງ​ເປັນ​ກິດ­ຈະ­ກຳ​ອັນ​ຍິ່ງ​ໃຫຍ່ ທີ່​ຈະ​ໄດ້​ຈັດ​ຂຶ້ນ​ໃນ​ທຸກ​ທ້າຍ​ເດືອນ​ຕຸ­ລາ​ຂອງ​ທຸກໆ​ປີ ທີ່​ຮົງ​ກົງ ເຊິ່ງ​ເປັນ​ໜຶ່ງ​ຂອງ​ສູນ​ລວມ​ແຫ່ງ​ການ​ຕະ­ຫຼາດ​ທີ່​ສຳ­ຄັນ​ທີ່​ສຸດ​ຂອງ​ພາກ​ພື້ນ ແລະ​ມີ​ການ­ຈຳ­ໜ່າຍ​ສິນ­ຄ້າ​ທີ່​ສຳ­ຄັນ ໂດຍ​ສະ­ເພາະ​ກໍ​ແມ່ນ​ບັນ­ດາ​ເຄື່ອງ​ທີ່​ລະ­ນຶກ, ຂອງ­ຂວັນ, ເຄື່ອງ­ໃຊ້​ພາຍ​ໃນ​ເຮືອນ, ເຄື່ອງ​ຄົວ ແລະ​ຮ້ານ​ອາ­ຫານ, ເຄື່ອງ­ໃຊ້​ຊີ­ວິດ​ປະ­ຈຳ​ວັນ, ເຄື່ອງ​ຫຼິ້ນ, ເກມ ແລະ​ເຄື່ອງ​ຂຽນ​ອື່ນໆ. ງານ​ສະ­ແດງ​ປະ­ຈຳ​ປີ​ຍັງ​ໄດ້​ກາຍ­ເປັນ​ງານ​ປະ­ຈຳ​ລະ­ດູ​ໃບ​ໄມ້​ຫຼົ່ນ​ຂອງ ພາກ​ໃຕ້​ຂອງ ສປ ຈີນ ເຊິ່ງ​ເປັນ​ແຫຼ່ງ​ຂອງ​ບັນ­ດາ​ຜູ້​ຊື້​ຈາກ​ທຸກ​ມູມ​ໂລກ.

   ສຳ­ລັບ​ງານ​ວາງ­ສະ­ແດງ​ສິນ­ຄ້າ​ປະ­ຈຳ​ປີ 2017 ມີ​ລູກ​ຄ້າ​ເຂົ້າ​ຮ່ວມ​ເກືອບ 50.000 ຄົນ ຈາກ 130 ປະ­ເທດ​ທັງ​ພາກ​ພື້ນ ແລະ​ສາ­ກົນ. ລວມ​ມີ 5.315 ຫ້ອງ​ວາງ­ສະ­ແດງ ແລະ ຂາຍ​ສິນ­ຄ້າ ໂດຍ​ມີ​ຜູ້​ປະ­ກອບ​ການ​ທຸ­ລະ​ກິດ​ຫຼາຍ​ເຖິງ 4.085 ຫົວ­ໜ່ວຍ ຈາກ 30 ປະ­ເທດ ແລະ ພາກ​ພື້ນ ເຊິ່ງ​ງານ​ວາງ­ສະ­ແດງ​ຄັ້ງ​ນີ້ ໄດ້​ດຳ­ເນີນ​ເຖິງ 7 ວັນ​ຈິ່ງ​ສຳ­ເລັດ. ງານ​ວາງ­ສະ­ແດງ​ຄັ້ງ​ນີ້​ໄດ້​ເປັນ​ການ​ເປີດ​ໂອ­ກາດ​ໃຫ້​ບັນ­ດາ​ຜູ້​ຊື້​ຈາກ​ທົ່ວ​ໂລກ ໄດ້​ສຳ­ຜັດ​ກັບ​ຄວາມ​ຫຼາກ​ຫຼາຍ​ຂອງ​ຜະ­ລິດ​ຕະ​ພັນ​ສິນ­ຄ້າ​ໃນ​ອາ​ຊຽນ ແລະ​ແຫຼ່ງ​ຜະ­ລິດ​ສິນ­ຄ້າ​ທີ່​ມີ​ຄຸ­ນະ­ພາບ​ສູງ​ນຳ​ອີກ.

   ນອກ­ຈາກ​ນັ້ນ ການ​ຈັດ​ງານ​ວາງ­ສະ­ແດງ​ດັ່ງ­ກ່າວ​ຍັງ​ໄດ້​ແທດ­ເໝາະ​ກັບ​ເວ­ລາ ແລະ​ສະ­ຖານ­ທີ່​ຈັດ​ງານ​ທີ່​ເຕັມ​ໄປ​ດ້ວຍ​ຄວາມ​ສະ­ດວກ​ສະ­ບາຍ ເຊິ່ງ​ບໍ່​ພຽງ​ແຕ່​ຕັ້ງ​ຢູ່​ໃຈ­ກາງ​ເມືອງ​ຂອງ​ຮົງ​ກົງ​ແລ້ວ, ຍັງ​ມີ​ວິ­ທີ​ທາງ​ໃນ​ການ​ນຳ​ສະ­ເໜີ​ກ່ຽວ​ກັບ​ຜະ­ລິດ​ຕະ​ພັນ​ຢ່າງ​ກວ້າງ­ຂວາງ, ມີ​ຄວາມ​ຄິດ​ສ້າງ­ສັນ ແລະ​ນະ​ວັດ­ຕະ​ກຳ​ດ້ານ​ການ​ອອກ​ແບບ​ທັງ​ໝົດ​ທີ່​ຈະ​ຊ່ວຍ​ຢືນ­ຢັນ​ໃຫ້​ເຫັນ​ເຖິງ​ຄວາມ​ຍິ່ງ​ໃຫຍ່​ອະ­ລັງ­ການ ໃນ​ຖາ­ນະ​ເວ­ທີ​ຊັ້ນ​ນຳ ສຳ­ລັບ​ການ​ຈັດ​ຫາ​ສິນ­ຄ້າ​ໃນ​ອາ​ຊຽນ.

   ສຳ­ລັບ​ງານ​ວາງ­ສະ­ແດງ​ສິນ­ຄ້າ​ປະ­ຈຳ​ປີ 2018 ແມ່ນ​ຈະ​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 20-23 ແລະ ວັນ​ທີ 27-29 ຕຸ­ລາ, 2018 ຢູ່​ທີ່​ສູນ​ປະ­ຊຸມ ແລະ​ຫໍ​ວາງ­ສະ­ແດງ​ສິນ­ຄ້າ​ຮົງ​ກົງ ໂດຍ​ຈະ​ມີ​ການ​ຈັດ​ແບ່ງ​ຜະ­ລິດ​ຕະ​ພັນ​ທີ່​ກ່ຽວ­ຂ້ອງ ອອກ​ເປັນ 7 ປະ­ເພດ​ຫຼັກ.

   ງານ​ວາງ­ສະ­ແດງ​ສິນ­ຄ້າ 4  ລາຍ­ການ​ທຳ​ອິດ ຈະ​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 20-23 ຕຸ­ລາ, 2018 ໄດ້­ແກ່ ງານ​ວາງ­ສະ­ແດງ ແລະ​ຂາຍ​ສິນ­ຄ້າ​ປະ­ເພດ​ເຄື່ອງ​ລະ­ນຶກ ແລະ​ຂອງ­ຂວັນ​ແຫ່ງ​ອາ​ຊຽນ, ງານ​ວາງ­ສະ­ແດງ​ສິນ­ຄ້າ​ປະ­ເພດ​ເຄື່ອງ­ໃຊ້​ພາຍ​ໃນ​ເຮືອນ ແລະ​ເຮືອນ­ຄົວ​ອາ​ຊຽນ,  ງານ​ວາງ­ສະ­ແດງ​ເຄື່ອງ​ຫຼິ້ນ ແລະ​ເກມ​ແຫ່ງ​ອາ​ຊຽນ ແລະ​ງານ​ບຸນ­ມະ­ໂຫ­ລານ​ອາ​ຊຽນ, ງານ​ວາງ­ສະ­ແດງ​ເທ​ສະ­ການ​ຄຣິ​ສ​ມາດ ແລະ​ລະ­ດູ​ຮ້ອນ. ສ່ວນ​ໃນ​ລະ­ຫວ່າງ​ວັນ​ທີ 27-29 ຕຸ­ລາ 2018 ຈະ​ມີ​ການ​ຈັດ​ງານ​ວາງ­ສະ­ແດງ​ສິນ­ຄ້າ​ອີກ 3 ປະ­ເພດ​ໄດ້­ແກ່ ງານ​ວາງ­ສະ­ແດງ​ສິນ­ຄ້າ​ປະ­ເພດ​ເຄື່ອງ​ທີ່​ລະ­ນຶກ ແລະ​ຜະ­ລິດ​ຕະ​ພັນ​ທ່ອງ​ທ່ຽວ​ອາ​ຊຽນ, ງານ​ວາງ­ສະ­ແດງ​ເຄື່ອງ​ຂຽນ​ອາ​ຊຽນ ແລະ​ງານ​ວາງ­ສະ­ແດງ​ສຸ​ຂະ​ພັນ ແລະ​ອຸ­ປະ­ກອນ​ຫ້ອງ​ນ້ຳ​ອາ​ຊຽນ.

   ດ້ວຍ​ການ​ຈັດ​ແບ່ງ​ບັນ­ດາ​ຜະ­ລິດ​ຕ່າງໆ​ທີ່​ກຳ­ນົດ​ໄວ້​ຢ່າງ​ຊັດ​ເຈນ ຈິ່ງ​ໄດ້​ນຳ​ສະ­ເໜີ​ຫ້ອງ​ໂຖງ​ທີ່​ກວ້າງ​ໃຫຍ່ ແລະ​ສະ­ດວກ​ສະ­ບາຍ, ເພື່ອ​ອຳ­ນວຍ​ຄວາມ​ສະ­ດວກ​ໃຫ້​ແກ່​ຜູ້​ຊື້​ພົບ​ຜູ້​ຂາຍ​ທີ່​ເປັນ​ເປົ້າ​ໝາຍ ແລະ​ສາ­ມາດ​ຄົ້ນ​ຫາ​ສິນ­ຄ້າ​ທີ່​ຕົນ​ຕ້ອງ­ການ​ໄດ້​ງ່າຍ​ຂຶ້ນ. ຢູ່​ທີ່​ນັ້ນ​ຍັງ​ສາ­ມາດ​ຕອບ​ສະ­ໜອງ​ຄຸນ­ຄ່າ​ອັນ​ຍິ່ງ​ໃຫຍ່ ແລະ​ເກັບ​ກ່ຽວ​ຜົນ​ປະ­ໂຫຍດ​ທີ່​ໜ້າ​ຈົດ​ຈຳ​ຈາກ​ປະ­ສົບ​ການ​ຈັດ​ຫາ​ແຫຼ່ງ​ຜະ­ລິດ​ສິນ­ຄ້າ​ຂະ­ໜາດ​ໃຫຍ່​ນຳ​ອີກ.

   ເປີດ​ລົງ­ທະ­ບຽນ​ທາງ​ອອນ​ລາຍ​ໄດ້​ແບບ​ບໍ່​ເສຍ​ຄ່າ​ນັບ​ແຕ່​ມື້­ນີ້​ເປັນ­ຕົ້ນ​ໄປ ທີ່​ບັນ­ດາ​ເວັບ​ໄຊ​ຕ່າງໆ​ລຸ່ມ​ນີ້:

www.asiangnp.com

www.asianhnk.com

www.asiantng.com

www.asianchristmas.com

www.asianstationeryshow.com

www.asiansnb.com

www.asiangnt.com

   ສຳ­ລັບ​ຜູ້​ຊື້​ທີ່​ອາ­ໄສ​ຢູ່​ຕ່າງ­ປະ­ເທດ​ທີ່​ໄດ້​ລົງ­ທະ­ບຽນ​ກ່ອນ​ລ່ວງ​ໜ້າ ສາ­ມາດ​ສະ­ໝັກ​ໄດ້ ເພື່ອ​ຮັບ​ການ​ສະ­ໜັບ­ສະ­ໜູນ​ຈາກ​ຜູ້​ຊື່​ລາຍ​ສຳ­ຄັນ ໄດ້​ສູງ​ສຸດ​ເຖິງ 4.600 ຫຼຽນ​ຮົງ​ກົງ ໃນ​ລະ­ຫວ່າງ​ເຂົ້າ​ຮ່ວມ​ງານ​ວາງ­ສະ­ແດງ ແລະ​ຍັງ​ສາ­ມາດ​ມ່ວນ­ຊື່ນ​ກັບ​ການ​ເດີນ­ທາງ​ທ່ອງ​ທ່ຽວ​ຮົງ​ກົງ​ໃນ​ເດືອນ​ຕຸ­ລາ​ທີ່​ຈະ​ມາ​ເຖິງ​ນີ້​ໄດ້​ຢ່າງ​ຄຸ້ມ​ຄ່າ.

 

ເຫດຜົນ​ໃນ​ການ​ຈັດ​ຫາ​ແຫຼ່ງ​ສິນຄ້າ​ທີ່​ຮົງ​ກົງ​ໃນ​ເດືອນ​ຕຸລາ​ທີ່​ຈະ​ມາ​ເຖິງ​ນີ້

1. ເປັນ​ງານ​ຍິ່ງ​ໃຫຍ່ ແລະ​ສຳ­ຄັນ​ທີ່​ສຸດ​ໃນ​ຮົງ​ກົງ​ຂອງ​ທຸກ​ເດືອນ​ຕຸ­ລາ​ທຸກໆ​ປີ.

   ງານ​ວາງ­ສະ­ແດງ​ສິນ­ຄ້າ​ເຈັດ​ງານ​ພ້ອມ​ກັນ​ນີ້ ເປັນ​ການ​ຈັດ​ງານ​ອັນ​ຍິ່ງ​ໃຫຍ່ ແລະ​ສຳ­ຄັນ​ທີ່​ສຸດ​ໃນ​ທຸກ​ເດືອນ​ຕຸ­ລາ ໂດຍ​ສະ­ເພາະ​ກໍ​ແມ່ນ ປະ­ເພດ​ເຄື່ອງ​ທີ່​ລະ­ນຶກ, ຂອງ­ຂວັນ, ເຄື່ອງ­ໃຊ້​ພາຍ​ໃນ​ເຮືອນ, ເຮືອນ­ຄົວ ແລະ​ຫ້ອງ​ອາ­ຫານ, ເຄື່ອງ​ຫຼິ້ນ ແລະ​ເກມ,ຜະ­ລິດ​ຕະ​ພັນ​ຕາມ​ລະ­ດູ​ການ, ອຸ­ປະ­ກອນ​ເຄື່ອງ​ຂຽນ, ອຸ­ປະ­ກອນ​ຊ່ວຍ​ໃນ​ການ​ເດີນ­ທາງ ແລະ​ອຸ­ປະ­ກອນ​ເສີມ​ສຳ­ລັບ​ຫ້ອງ​ນ້ຳ ຈາກ​ບັນ­ດາ​ຜູ້​ປະ­ກອບ​ການ​ຫຼາຍ​ກວ່າ 4.100 ຫົວ­ໜ່ວຍ.

2. ງານ​ວາງ­ສະ­ແດງ​ສິນ­ຄ້າ​ຍອດ​ຢ້ຽມ​ອາ​ຊຽນ

   ຜະ­ລິດ​ຕະ​ພັນ​ທີ່​ເຮັດ​ອາ​ຊຽນ​ກາຍ­ເປັນ​ທາງ​ເລືອກ​ທີ່​ດີ​ທີ່​ສຸດ​ໃນ​ການ​ຈັດ​ຫາ​ແຫຼ່ງ​ສິນ­ຄ້າ​ຈາກ​ຜູ້​ຊື້​ທົ່ວ​ໂລກ ສຳ­ລັບ​ການ​ອອກ​ແບບ​ທີ່​ທັນ​ສະ­ໄໝ, ພ້ອມ​ມີ​ຄຸ­ນະ­ພາບ​ເໝາະ​ສົມ​ກັບ​ລາ­ຄາ​ໃນ​ຍຸກ​ການ​ແຂ່ງ­ຂັນ.  ງານ​ວາງ­ສະ­ແດງ​ສິນ­ຄ້າ 2 ສ່ວນ​ທີ່​ຈະ​ໄດ້​ນຳ​ສະ­ເໜີ​ທີ່​ນອນ​ໃນ 7 ກຸ່ມ​ຜະ­ລິດ​ຕະ​ພັນ ເປັນ​ການ​ນຳ​ສະ­ເໜີ​ສິນ­ຄ້າ​ທີ່​ດີ​ຢ້ຽມ ຂອງ​ບັນ­ດາ​ຜູ້​ປະ­ກອບ​ການ​ດ້ານ​ການ​ຜະ­ລິດ​ສິນ­ຄ້າ​ຊັ້ນ​ນຳ​ທີ່​ດີ​ທີ່​ສຸດ​ໃນ​ອາ​ຊຽນ.

3. ໄລ­ຍະ​ເວ­ລາ​ທີ່​ເໝາະ​ສົມ

   ວັນ​ທີ່​ຈັດ​ງານ​ວາງ­ສະ­ແດງ​ສິນ­ຄ້າ​ໄດ້​ກົງ​ກັບ​ຕາ­ຕະ­ລາງ​ເວ­ລາ​ແຫ່ງ​ການ​ຜະ­ລິດ​ສູງ​ສຸດ​ໃນ​ເດືອນ​ຕຸ­ລາ ເຊິ່ງ​ເປັນ​ແນວ­ທາງ​ທີ່​ດີ​ສຳ­ລັບ​ຜູ້​ຊື້​ທົ່ວ​ໂລກ ໃນ​ຊ່ວງ​ລະ­ດູ​ໃບ​ໄວ້​ລົ່ນ ທາງ​ພາກ​ໃຕ້​ຂອງ ສປ ຈີນ.

4. ຈັດ​ຫາ​ແບບ​ຄົບ​ວົງ​ຈອນ​ພາຍ​ໃຕ້​ສູນ​ລວມ​ດຽວ​ກັນ

   ຫາກ​ທ່ານ​ກຳ­ລັງ​ຊອກ​ຫາ​ສິນ­ຄ້າ​ໃໝ່ໆ ທີ່​ສາ­ມາດ​ສ້າງ​ກຳ­ໄລ​ໃໝ່ ເພື່ອ​ຂະ­ຫຍາຍ​ທຸ­ລະ​ກິດ​ຂອງ​ທ່ານ ແລະ​ກ້າວ​ໄປ​ສູ່​ການ​ແຂ່ງ­ຂັນ​ທາງ​ການ​ຕະ­ຫຼາດ, ຢູ່​ທີ່​ນີ້​ສາ­ມາດ​ໃຫ້​ຄຳ​ຕອບ​ແກ່​ທ່ານ​ໄດ້ ໂດຍ​ສະ­ເພາະ​ໃນ​ຊ່ວງ 7 ວັນ​ຂອງ​ງານ​ວາງ­ສະ­ແດງ​ສິນ­ຄ້າ​ຄັ້ງ​ນີ້.

5. ສາ­ມາດ​ພົບ​ກັບ​ຜູ້​ປະ­ກອບ​ການ​ທີ່​ເປັນ​ເປົ້າ​ໝາຍ​ຫຼາຍ​ລາຍ​ໃນ​ແຫ່ງ​ດຽວ

   ຜູ້​ຈັດ​ຈຳ­ໜ່າຍ​ທີ່​ມີ​ຄຸ­ນະ­ພາບ​ຫຼາຍ​ກວ່າ 4.100 ລາຍ ຈາກ 30 ປະ­ເທດ​ທັງ​ພູ­ມີ­ພາກ ແລະ​ທົ່ວ​ໂລກ ຈະ​ມີ​ການ​ຈັດ​ວາງ­ສະ­ແດງ​ສິນ­ຄ້າ​ໃນ​ຫ້ອງ​ວາງ­ສະ­ແດງ ແລະ​ຂາຍ​ສິນ­ຄ້າ​ຫຼາຍ​ກວ່າ 5.300 ບູດ ໃນ​ຊ່ວງ 7 ວັນ​ຂອງ​ງານ​ສຳ­ລັບ​ປີ​ນີ້. ເຊິ່ງ​ຖື​ເປັນ​ໂອ­ກາດ​ອັນ​ດີ​ທີ່​ທ່ານ​ຈະ​ໄດ້​ພົບ​ປະ ແລະ​ສຳ­ຜັດ​ກັບ​ບັນ­ດາ​ຜູ້​ປະ­ກອບ​ການ​ທຸ­ລະ​ກິດ​ທີ່​ເປັນ​ເປົ້າ​ໝາຍ​ຈຳ­ນວນ​ຫຼາຍ ທີ່​ມີ​ປະ­ສົບ​ການ​ສູງ ເຊິ່ງ​ເປັນ​ໂອ­ກາດ​ດີ​ສຳ­ລັບ​ຜູ້​ມີ​ແນວ​ຄິດ​ລິ​ເລີ່ມ​ທາງ​ທຸ­ລະ​ກິດ ແລະ​ຜູ້​ເລີ່ມ​ຕົ້ນ​ໃໝ່​ໃນ​ການ​ພົບ​ປະ­ກັນ​ໃນ​ຂອບ​ເຂດ​ງານ​ວາງ­ສະ­ແດງ​ສິນ­ຄ້າ​ຄັ້ງ​ນີ້.

6.ໄດ້​ຮັບ​ຜົນ​ປະ­ໂຫຍດ​ຈາກ​ໂຄງ­ການ​ສະ­ໜັບ­ສະ­ໜູນ​ຜູ້​ຊື້​ຍອດ​ຢ້ຽມ

   ມ່ວນ­ຊື່ນ​ໄປ​ກັບ​ການ​ຈັດ​ຫາ​ແຫຼ່ງ​ທ່ອງ​ທ່ຽວ ທີ່​ເປັນ​ການ​ປະ­ຢັດ​ຄ່າ​ໃຊ້​ຈ່າຍ ໂດຍ​ການ​ຍື່ນ​ຂໍ້​ສະ­ເໜີ​ພິ­ເສດ ສຳ­ລັບ​ຜູ້​ໃຫ້­ການ​ສະ­ໜັບ­ສະ­ໜູນ​ແກ່​ຜູ້​ຊື້​ທີ່​ມີ​ຄຸນ­ສົມ­ບັດ​ທີ່​ເໝາະ​ສົມ​ທັງ​ໝົດ. ທ່ານ​ສາ­ມາດ​ໄດ້​ຮັບ​ການ​ສະ­ໜັບ­ສະ­ໜູນ​ເງິນ­ສົດ​ທັງ​ໝົດ​ສູງ​ເຖິງ 4.600 ຫຼຽນ​ຮົງ​ກົງ ໂດຍ​ການ​ເຂົ້າ​ຮ່ວມ​ງານ​ວາງ­ສະ­ແດງ​ໃນ​ຊ່ວງ​ວັນ​ທີ 20-23 ແລະ 27-29 ຕຸ­ລາ 2018.

ຂ່າວທີ່ກ່ຽວຂ້ອງ