ຂ່າວຫຼ້າສຸດ

ເຈາະຂ່າວໃຫຍ່ສະທ້ານເກາະອັງກິດ ເມື່ອ "ອະບຣາໂມວິຊ" ກຽມຂາຍເຊວຊີ

243 27 ສ.ຫ. 2018 ວົງຈອນກີລາ
ເຈາະຂ່າວໃຫຍ່ສະທ້ານເກາະອັງກິດ ເມື່ອ "ອະບຣາໂມວິຊ" ກຽມຂາຍເຊວຊີ

          ຂ່າວໃຫຍ່ໃນອັງກິດເມື່ອຕອນເຊົ້າວັນອາທິດທີ 26 ສິງຫາ 2018 ບໍ່ແມ່ນເລື່ອງ ໂຈເຊ່ ມູຣິນໂຢ່ ຈະຢູ່ຫຼືໄປ ບໍ່ແມ່ນເລື່ອງ ລິເວີພູນຂຶ້ນຄອງອັນດັບ 1 ຫາກແຕ່ເປັນຂ່າວທ່ານ ໂຣມັນ ອະບຣາໂມວິຊ ກຽມຂາຍສະໂມສອນເຕະບານ ເຊວຊີ!

          ນີ້ຄືລາຍລະອຽດ 5 ຂໍ້ ຕໍ່ສະຖານະການບໍ່ແນ່ນອນຂອງທີມເຊວຊີ ຈາກການລາຍງານຂອງໜັງສືພິມຄຸນະພາລ "ຊັນເດ ທາມສ໌" ຂອງອັງກິດ.

          1. ກ່ອນໜ້ານີ້ ເຄີຍມີຂ່າວທຳນອງນີ້ມາກ່ອນ ໂດຍເຫດຜົນຫຼັກມາຈາກການມີຄວາມຂັດແຍ່ງທາງການເມືອງລະຫວ່າງອັງກິດກັບຣັດເຊຍ ຕໍ່ມາເຈົ້າຂອງ ເຊວຊີ ກໍຖືກປະດິເສດວີຊ່າເຂົ້າອັງກິດ ນັ້ນເປັນຈຸດເລີ່ມຕົ້ນຂອງຄວາມຄິດ.

            2. ຕອນນີ້ ໄດ້ມີການວ່າຈ້າງ "ທີມງານພິເສດ" ກ່ຽວກັບດ້ານການລົງທຶນມາຄອຍໃຫ້ຄຳປຶກສາ ແລະ ກວດສອບຂໍ້ດີ ກັບ ຂໍ້ເສຍ ຂອງການຂາຍທີມເປັນທີ່ຮຽບຮ້ອຍແລ້ວ.

          3.  ຕົ້ນປີທີ່ຜ່ານມາ ທ່ານ ອະບຣາໂມວິຊ ໄດ້ປະຕິເສດຂໍ້ສະເໜີ 2 ຕື້ປອນຈາກບິວນ່ຽນແນຣ໌ ທີ່ຊື່ ເຊີ ຈິມ ແຣດຄລິຟໄປ ເນື່ອງຈາກເລັງເຫັນວ່າທີມຢ່າງ ເຊວຊີ ຄວນມີມູນຄ່າຫຼາຍກວ່ານັ້ນ.

          4. ທ່ານ ອະບຣາໂມວິຊ ເອງ ປາຖະໜາທີ່ຈະຫາຜູ້ລົງທຶນລາຍໃໝ່ ທີ່ຈະພັດທະນາໃຫ້ສະໂມສອນທີ່ເຂົາຄວບຄຸມກິດຈະການມາຕັ້ງແຕ່ປີ 2003 ເຕິບໂຕກວ່າເດີມ ເໝືອນຢ່າງທີ່ ປາຣີສ ແຊງແຊກແມງ ຢູ່ພາຍໃຕ້ກຸ່ມທຶນກາຕາ ແລະ ແມນຯຊິຕີ ມີງົບສະໜັບສະໜູນຈາກກຸ່ມອາບູດາບີ.

          5. ຜູ້ຊ່ຽວຊານເລື່ອງທຸລະກິດຢືນຢັນວ່າ "ເຊວຊີຈະເກີດຄວາມປ່ຽນແປງ" ແນ່ນອນ ຕອນນີ້ ລໍຖ້າແຄ່ເວລາ ແລະ ລໍຖ້າໃຫ້ມີຄົນກ້າທຸ່ມເງິນມາຮັບກິດຈະການຕໍ່ ເຖິງຕອນນັ້ນ ແຜນການສ້າງສະໜາມໃໝ່ກໍອາເໄດ້ຮັບການປັດຝຸ່ນມາລຸຍກັນຕໍ່.

ຂ່າວທີ່ກ່ຽວຂ້ອງ