ຂ່າວຫຼ້າສຸດ

ແມນຢູ ລັອກຊື່ຜູ້ຈັດການສຽບແທນມູຣິນໂຢ່ແລ້ວ

191 27 ສ.ຫ. 2018 ວົງຈອນກີລາ
ແມນຢູ ລັອກຊື່ຜູ້ຈັດການສຽບແທນມູຣິນໂຢ່ແລ້ວ

          ສື່ອດັງຂອງອັງກິດ ເປີດເຜີຍວ່າ ເຈົ້າຂອງທີມ ແມນຯ ຢູໄນເຕັດ ມີຊື່ຜູ້ຈັດການໃໝ່ໄວ້ໃນໃຈແລ້ວ ຫາກເຖິງວັນທີ່ຕ້ອງແຍກທາງກັບ ໂຈເຊ່ ມູຣິນໂຢ່.

          ແມນເຊສເຕີ ຢູໄນເຕັດ ເລືອກແລ້ວໃຫ້ ຊີເນດີນ ຊີດານ ເປັນເປົ້າໝາຍເບີ 1 ໃນຕຳແໜ່ງຜູ້ຈັດການທີມແມນຢູຄົນຕໍ່ໄປ ເຖິງແມ່ນຕອນນີ້ຍັງບໍ່ມີແຜນການປົດ ໂຈເຊ່ ມູຣິນໂຢ່ ກໍຕາມ ຈາກລາຍງານຂອງ "ເດິະ ມິເຣີ" ສື່ອັງກິດ ເມື່ອວັນອາທິດທີ 26 ສິງຫາທີ່ຜ່ານມາ.

          ໃນເວລານີ້ ຕໍາແໜ່ງຂອງ ມູຣິນໂຢ່ ກຳລັງສັ່ນຄອນ ຫຼັງມີຂ່າວຜິດໃຈກັບອົງການບໍລິຫານສະໂມສອນທີ່ບໍ່ສະໜັບສະໜູນການເສີມທັບຂອງຕົວເອງໃນໄລຍະເປິດຕະຫຼາດພັກຮ້ອນທີ່ຜ່ານມາ ເນື່ອງຈາກຕ້ອງການໄດ້ກອງຫຼັງຄົນໃໝ່ ແຕ່ສຸດທ້າຍກໍພາດໄປໝົດ ເຮັດໃຫ້ຕອນນີ້ຄວາມສໍາພັນກັບ ທ່ານ ເອັດ ວູດເວິດ ຮອງປະທານບໍລິຫານຂອງທີມຢູ່ໃນຂັ້ນຕົກຕໍ່າຫຼາຍ.

          ຢ່າງໃດກໍຕາມ ຈາກກາຣທີ່ຕະຫຼາດນັກເຕະປິດໄປແລ້ວ ເຮັດໃຫ້ ແມນຯ ຢູໄນເຕັດ ຍັງບໍ່ມີແຜນການທີ່ຈະປົດ ມູຣິນໂຢ່ ໃນເວລານີ້ ແລະ ຕ້ອງການໃຫ້ຜູ້ຈັດການຊາວປອກຕຸຍການ ເຮັດວຽກກັບນັກເຕະຂອງຕົວເອງໄປກ່ອນ ແຕ່ຖ້າສະຖານະການຕົກຕໍ່າ ກໍຄົງຈະມີການປ່ຽນແປງ ແລະ ລັອກເປົ້າ ຊີດານ ໃຫ້ເປັນເປົ້າໝາຍທໍາອິດ.

          ຂະນະທີ່ ຊີດານ ໃນຂະນະນີ້ ກຳລັງວ່າງງານຫຼັງປະກາດລາອອກຈາກຕຳແໜ່ງຜູ້ຈັດການທີມ ຣິວ ມາດຣິດ ໃຫ້ຫຼັງພຽງແຄ່ 5 ວັນຫຼັງຈາກພາທີມເອົາຊະນະ ລິເວີພູນ 3-1 ໃນເຕະບານ ຢູຟ່າ ແຊັມປຽນ ລີກ ນັດຊິງຊະນະເລີດ ສ່ົງຜົນໃຫ້ຄອງເຈົ້າເອີຣົບ 3 ສະໄໝຕິດຕໍ່ກັນ ນັບຕັ້ງແຕ່ມາຮັບໜ້າທີ່ຕໍ່ຈາກ ຣາຟາເອວ ເບນິເຕຊ ເມື່ອເດືອນມັງກອນ ປີ 2016D

ຂ່າວທີ່ກ່ຽວຂ້ອງ