ຂ່າວຫຼ້າສຸດ

OCA ກຽມຕັດນັກກີລາໃຊ້ສານກະຕຸ້ນ ອອກຈາກເອຊຽນເກມສ໌

76 27 ສ.ຫ. 2018 ວົງຈອນກີລາ

    ທ່ານ ຊີກ ຮາ​ໝັດ ອັນ ຟາ​ອັດ ອັນ​ຊາ​ບາ ປະ​​​ທານ​ຄະ​​​ນະ​ກຳ​​​ມະ​​​ການ​ໂອ​ລິມ​ປິກ​ແຫ່ງ​ອາ​ຊີ ຫຼື OCA ເປີດ​​​ເຜີຍ​ວ່າ ສິ່ງ​ທີ່ ເອ​ຊຽນ​ເກມສ໌ ຕ້ອງ​ເລັ່ງ​ແກ້​ໄຂ​ໃນ​ຕອນ​ນີ້ ກໍ່​ຄື ເລື່ອງ​ການ​ໃຊ້​ສານ​ກະ​ຕຸ້ນ ເພື່ອ​ໃຫ້​​​ການ​ແຂ່ງ​​​ຂັນ​ເປັນ​ໄປ​ຢ່າງ​ຂາວ​ສະ​​​ອາດ.

    “ມີ 3 ຊະ​​​ນິດ​ກີ​ລາ​ທີ່​ມີ​ບັນ​​​ຫາ​ໃນ​ເລື່ອງ​ນີ້​ມາ​ຕະ​​​ຫຼອດ 12 ປີ​ທີ່​ຜ່ານ​ມາ ເມື່ອ​ເປັນ​ແບບ​ນີ້ ​ເຮົາ​ກຳ​​​ລັງ​ມີ​ການ​ພິ​ຈາ​ລະ​​​ນາ​ກັນ​ຢູ່​ວ່າ ​ອາດ​ຈະ​ມີ​ການ​ຫຼຸດ​ຈຳ​​​ນວນ​ການ​ແຂ່ງ​​​ຂັນ​ຂອງ​ກີ​ລາ​ດັ່ງ​​​ກ່າວ ລວມ​ເຖິງ​ອາດ​ພິ​ຈາລະ​​​ນາ​ເຖິງ​ການ​ຕັດ​ກີນ​ລາ​ຊະ​​​ນິດ​ນັ້ນໆ​ອອກ​ໄປ​ກໍ​ເປັນ​ ໄດ້​ຫາກ​ນັກ​​​ກີ​ລາ​ຍັງ​ປະ​​​ພຶດ​ຕົວ​ກັນ​ແບບ​ນີ້​ຕໍ່​ໄປ”.

    OCA ໄດ້​ຮັບ​ລາຍ​ງານ​ວ່າ​ມີ​ການ​ເສບ​ສານ​ກະ​ຕຸ້ນ​ເຖິງ 10 ຄັ້ງ​ໃນ​ການ​ແຂ່ງ​​​ຂັນ​ກີ​ລາ​ເອ​ຊຽນ​ອິນ​ດໍ ແລະ ມາ​ຊຽວ​ອາດສ໌​ເກມສ໌ ທີ່​ອາ​​ຊ​ກາ​ບັຕ ປະ​​​ເທດ​ຕວກ​ເມ​ນິ​​ສ​ຖານ ​ເມື່ອ​ປີ​ກ່ອນ ໂດຍ​ຈະ​ນຳ​ເລື່ອງ​ດັ່ງ​​​ກ່າວ​ນີ້​ ມາ​ໂອ້​ລົມ​ກັນ​ໃນ​ທ້າຍ​ອານ​ທິດ​ນີ້​ທີ່​ອິນ​ໂດ​ເນ​ເຊຍ.

    ທັງ​ນີ້​ທີມ​ກີ​ລາ​ຈາກ​ຈີນ​ກັບ​ກາ​ຊັກ​ສະ​​​ຖານ ຖືກ​ຫ້າມ​ແຂ່ງ​ໃນ​ການ​ແຂ່ງ​​​ຂັນ​ຍົກ​ນ້ຳ​​​ໜັກ ເອ​ຊຽນ​ເກມສ໌ ຄັ້ງ​ນີ້ ເນື່ອງ​ຈາກ​ມີ​ບັນ​​​ຫາ​ເລື່ອງ​ສານ​ກະ​ຕຸ້ນ.

ຂ່າວທີ່ກ່ຽວຂ້ອງ