ລົດຕູ້ດີ ມີສະມັດທະນະ ກຸ້ມຄ່າເໜືອລາຄາ ຕ້ອງ Nissan URVAN

181 27 ສ.ຫ. 2018 ຂ່າວໜ້າ​ໜຶ່ງ
ລົດຕູ້ດີ ມີສະມັດທະນະ ກຸ້ມຄ່າເໜືອລາຄາ ຕ້ອງ Nissan URVAN

   ເມື່ອ​ເວ­ລາ​ທີ່​ທ່ານ​ພິ­ຈາ­ລະ­ນາ​ທີ່​ຈະ​ຊື້​ລົດ​ຕູ້​ຄັນ​ໃໝ່ ປັດ​ໄຈ​ທີ່​ມີ​ຄວາມ​ສຳ­ຄັນ​ທີ່​ສຸດ ແມ່ນ​ຄວາມ​ໜ້າ​ເຊື່ອ​ຖື ເພາະ​ທ່ານ​ຈະສູນ​ເສຍ​ໂອ­ກາດ​ທາງ​ທຸ­ລະ​ກິດ​ຂອງ​ທ່ານ ຖ້າ​ຫາ​ກວ່າ​ລົດ​ຕູ້​ຂອງ​ທ່ານ​ເກີດ​ການ​ເປ່​ເພ​ເສຍ​ຫາຍ. ດັ່ງ­ນັ້ນ, ເມື່ອ​ທ່ານ​ຄິດ​ຈະ​ຊື້​ລົດ​ຕູ້ ໃຫ້ທ່ານ​ຄິດ​ເຖີງ​ລົດ​ຕູ້ Nissan URVAN ຊຶ່ງ​ເປັນ​ລົດ​ຕູ້​ທີ່​ເປັນ​ທີ່​ຮູ້­ຈັກ​ກັນ​ດີ​ໃນ​ຕະ­ຫຼາດ​ສຳ­ລັບ​ຄວາມ​ໜ້າ​ເຊື່ອ​ຖື. ດ້ວຍ​ຂະ­ໜາດ ຄວາມ​ຍາວ​ທັງ​ໝົດ 5,230 ແມັດ, ຄວາມ​ກວ້າງ 1,880 ແມັດ ແລະ ຄວາມ​ສູງ​ເຖີງ 2,285 ແມັດ, ປະ­ຕູ​ບານ​ເລື່ອນ​ດ້ານ​ຂ້າງຂະ­ໜາດ​ໃຫຍ່ ເພີ່ມ​ຄວາມ​ສະ­ດວກ​ໃນ​ການ​ເປີດ​ອອກ​ທີ່​ກວ້າງ​ກວ່າ ທີ່​ຊ່ວຍ​ໃຫ້​ຜູ້­ໂດຍ­ສານ​ເຂົ້າ ແລະ ອອກ​ລົດ​ໄດ້​ງ່າຍ​ຂຶ້ນ.

   ການ​ນຳ​ໃຊ້​ລົດ​ຕູ້​ໃໝ່​ຄັນ​ໜຶ່ງ​ໃນ​ຊີ­ວິດ​ປະ­ຈຳ​ວັນ ບໍ່​ແມ່ນ​ພຽງ​ແຕ່​ຊ່ວຍ​ປະ­ຢັດ​ນ້ຳ­ມັນ​ເຊື້ອ​ໄຟ ກິ­ໂລ­ແມັດ​ຕໍ່​ລິດ (ກມ/ລ) ເທົ່າ​ນັ້ນ ແຕ່​ວ່າ​ຍັງ​ແມ່ນ​ຄ່າ​ໃຊ້​ຈ່າຍ​ໃນ​ການ​ບຳ­ລຸງ​ຮັກ­ສາ ເນື່ອງ​ຈາກ ບໍ­ລິ­ສັດ ຕັນ​ຈົງ​ມໍ​ເຕີ ໄດ້​ສະ­ໜອງ​ການ​ບຳ­ລຸງ​ຮັກ​ແບບ​ບໍ່​ເສຍຄ່າ​ໃຊ້​ຈ່າຍ (FMS) ແລະ ການ​ຮັບ­ປະ­ກັນ​ໃຫ້​ແກ່​ບັນ­ດາ​ລູກ​ຄ້າ​ທີ່​ຊື້​ລົດ​ຕູ້ Nissan URVAN ລາຍ​ໃໝ່​ທັງ​ໝົດ. 

   ເມື່ອ​ທ່ານ​ຊື້​ລົດ​ຕູ້​ຄັນ​ໃໝ່ ທ່ານ​ຕ້ອງ­ການ​ທີ່​ຈະ​ຮັບ­ປະ­ກັນ​ວ່າ ຍານ­ພາ­ຫະ­ນະ​ທີ່​ທ່ານ​ຊື້​ຈະ​ມີ​ປະ­ສິດ­ທິ­ພາບ​ການ​ດຳ­ເນີນ​ງານທີ່​ດີ​ໃນ​ໄລ­ຍະ​ຍາວ ແລະ ມີ​ຄວາມ​ສາ­ມາດ​ໃນ​ການ​ບັນ­ທຸກ​ທີ່​ແຕກ​ຕ່າງ ເປັນ​ລົດ​ທີ່​ນຳ​ເຂົ້າ​ແບບ​ຄົບ​ຊຸດ​ເຕັມ​ຮູບ​ແບບ​ຈາກ​ປະ­ເທດ​ຍີ່­ປຸ່ນ Nissan URVAN ແມ່ນ​ເປັນ “ພາ­ຫະ­ນະ​ຂົນ­ສົ່ງ​ຜູ້­ໂດຍ­ສານ” ຈຳ­ນວນ 15 ບ່ອນ​ນັ່ງ ທີ່​ມີ​ຊື່​ສຽງ ທີ່​ຈະ​ຊ່ວຍ​ໃຫ້​ວຽກ​ງານ​ຂອງທ່ານ​ສຳ­ເລັດ​ລຸ​ລ່ວງ​ໄປ​ດ້ວຍ​ດີ. 

   ເມື່ອ​ທ່ານ​ຊື້​ລົດ​ຕູ້​ຄັນ​ໃໝ່ ຂໍ​ໃຫ້​ທ່ານ​ກວດ​ສອບ​ມາດ­ຖານ​ທາງ​ດ້ານ​ເຕັກ­ນິກ ເຊັ່ນ​ວ່າ: ແຮງ​ມ້າ (HP) ແລະ ແຮງ​ບິດ​ສູງສຸດ ເນື່ອງ​ຈາ​ກວ່າ​ເຄື່ອງ​ຈັກ​ລົດ​ຂະ­ໜາດ​ໃຫຍ່ ບໍ່​ໄດ້​ໝາຍ​ຄວາມ​ວ່າ​ຈະ​ມີ​ພະ­ລັງ​ຂັບ​ເຄື່ອນ​ທີ່​ດີ​ກວ່າ.

   ແຮງ​ມ້າ - ມາດ­ຕາ​ວັດ​ເພື່ອ​ກຳ­ນົດ​ພະ­ລັງ ແລະ ອັດ­ຕາ​ຊຶ່ງ​ເຄື່ອງ​ຈັກ​ສາ­ມາດ​ທຳ​ງານ ເຊັ່ນ​ວ່າ ຖ້າ​ຫາ​ກວ່າ​ທ່ານ​ຕ້ອງ­ການທີ່​ຈະ​ແຊງ​ລົດ​ຄັນ​ອື່ນ ຍິ່ງ​ແຮງ​ມ້າ​ລົດ​ຂອງ​ທ່ານ​ມີ​ຫຼາຍ​ຂຶ້ນ ລົດ​ຂອງ​ທ່ານ​ກໍ່​ຈະ​ຕອບ​ສະ­ໜອງ​ໄດ້​ຢ່າງ​ທັນ​ການ ແລະ ວ່ອງ­ໄວ​ຍິ່ງ​ຂຶ້ນ.

   ແຮງ​ບິດ - ແມ່ນ​ເປັນ​ສິ່ງ​ທີ່​ຊ່ວຍ​ເຮັດ​ໃຫ້​ລົດ​ຕູ້​ເຄື່ອນ​ທີ່ ໂດຍ​ສະ­ເພາະ​ຢ່າງ​ຍິ່ງ​ຢູ່​ໃນ​ເຂດ​ເນີນ​ພູ­ເຂົາ​ສູງ​ຊັນ. ລົດ​ຕູ້​ທີ່​ມີ­ແຮງ​ບິດສູງ ຈະ​ມີ​ປະ­ສິດ­ທິ­ພາບ​ທີ່​ສະ​ໝ່ຳ​ສະ­ເໝີ​ຍິ່ງ​ຂຶ້ນ ບໍ່​ວ່າ​ລົດ​ຕູ້​ຈະ​ບັນ­ທຸກ​ໜັກ ຫຼື​ບໍ່​ກໍ່​ຕາມ.

   ຜູ້​ຂັບ​ລົດ​ຕູ້ Nissan URVAN ສາ­ມາດ​ເພີ່ງ​ພາ​ເຄື່ອງ​ຈັກ​ເທີ​ໂບ VGS ດີ​ເຊວ ຂະ­ໜາດ 2.5 ລິດ ທີ່​ມີ​ປະ­ສິດ­ທິ­ພາບ ແລະ ປະ­ຢັດ​ພະ­ລັງ­ງານ ມາ​ພ້ອມ​ດ້ວຍ​ເຄື່ອງ​ຈັກ​ແບບ​ອິນ​ເຕີ​ຄູ​ລ​ເລີ ທີ່​ຊ່ວຍ​ໃຫ້​ສາ­ມາດ​ບັນ­ທຸກ​ສິ່ງ​ຂອງ ແລະ ຜູ້­ໂດຍ­ສານ​ໄປ​ຕາມເນີນ​ພູ­ເຂົາ​ສູງ​ຊັນ ແລະ ຂຶ້ນ​ພູ​ໄດ້​ຢ່າງ​ສະ­ບາຍ.

   ທຸ­ລະ​ກິດ​ຂອງ​ທ່ານ​ແມ່ນ​ມີ​ຄວາມ​ສຳ­ຄັນ​ຕໍ່​ທ່ານ ແລະ ເປັນ​ສິ່ງ​ທຳ​ອິດ​ທີ່​ລູກ​ຄ້າ​ຂອງ​ທ່ານ​ເຫັນ ເມື່ອ​ທ່ານ​ມາ​ເຖີງ​ບ່ອນ​ເຮັດວຽກ. ລົດ​ຕູ້​ທີ່​ໃໝ່ ສະ­ອາດ ແລະ ມີ​ຍີ່­ຫໍ້​ທີ່​ດີ ຈະ​ຊ່ວຍ​ໃຫ້­ການ​ຮັບ​ຮູ້​ຂອງ​ບໍ­ລິ­ສັດ​ມີ​ຄວາມ​ພາກ­ພູມ​ໃຈ​ໃນ​ລັກ­ສະ­ນະ​ຂອງ​ມັນ ການສ້າງ​ຍີ່­ຫໍ້​ສິນ­ຄ້າ​ທີ່​ມີ​ຄຸ­ນະ­ພາບ​ຂອງ​ລົດ​ຕູ້ ແມ່ນ​ສະ­ທ້ອນ​ໃຫ້​ເຫັນ​ເຖີງ​ທຸ­ລະ​ກິດ​ຂອງ​ທ່ານ ​ໃນ​ການ​ສ້າງ​ຄວາມ​ປະ​ທັບ​ໃຈ​ທີ່​ໂດດ​ເດັ່ນ ​ໃຫ້ກັບ​ຜູ້​ທີ່​ມີ​ໂອ­ກາດ​ເປັນ​ລູກ​ຄ້າ​ຂອງ​ທ່ານ.

   ດ້ວຍ​ການ​ແນະ­ນຳ​ຄັ້ງ​ທຳ​ອິດ​ໃນ​ປີ 1973 ປະ­ຫວັດ​ຄວາມ​ເປັນ​ມາ​ອັນ​ຍາວ​ນານ​ຂອງ Nissan URVAN ໄດ້​ປະ­ສົບຄວາມ​ສຳ­ເລັດ​ໃນ​ການ­ຈຳ­ໜ່າຍ​ໃນ​ຫຼາຍ​ກວ່າ 140 ປະ­ເທດ​ທົ່ວ​ໂລກ.

   ລົດ​ຕູ້​ລຸ້ນ​ລ້າ​ສຸດ ມີ​ຊ່ອງ​ລະ­ບາຍ​ອາ­ກາດ​ດ້ານ​ໜ້າ­ທີ່​ເປັນ​ເອ­ກະ­ລັກ V-motion ໃໝ່​ຂອງ​ນິ​ສ​ສັນ ແລະ ຫຼອດ​ໄຟ​ໜ້າ​ແບບ ມັລ​ຕີ​ຣີ​ເຟຣັກ​ເຕີ​ຮາ​ໂລ​ເຈນ​ແບບ​ຫຼາຍ​ໂຕ ທີ່​ຊ່ວຍ​ເພີ່ມ​ສະ­ມັດ​ທະ­ນະ​ການ​ເບີ່ງ​ເຫັນ​ທີ່​ດີ​ຂຶ້ນ​ໃນ​ເວ­ລາ​ຂັບ​ຕອນ​ກາງ­ຄືນ ມີ​ຊ່ອງ​ແອ​ສຳລັບ​ຜູ້­ໂດຍ­ສານ​ແຕ່​ລະ​ບ່ອນ ແລະ ມີ​ຊ່ອງ​ຫວ່າງ​ສຳ­ລັບ​ສ່ວນ​ດ້ານ​ເທິງ ຊ່ວຍ​ເພີ່ມ​ຄວາມ​ສະ­ດວກ​ສະ­ບາຍ​ສຳ­ລັບ​ຜູ້­ໂດຍ­ສານ​ຂອງທ່ານ.

ຂ່າວທີ່ກ່ຽວຂ້ອງ