ຂ່າວຫຼ້າສຸດ

ໂຄງການ​ບຳບັດ​ຂີ້​ເຫຍື້ອ​ໃຫ້​ເປັນ​ພະລັງງານ​ແຫ່ງ​ທຳ​ອິດ​ໃນ​ອາ​ຟະ​ຣິກ​ກາ

128 27 ສ.ຫ. 2018 ຂ່າວຕ່າງປະເທດ
ໂຄງການ​ບຳບັດ​ຂີ້​ເຫຍື້ອ​ໃຫ້​ເປັນ​ພະລັງງານ​ແຫ່ງ​ທຳ​ອິດ​ໃນ​ອາ​ຟະ​ຣິກ​ກາ

    ເຣບ​ປີ (Reppie) ຊຶ່ງ​ເປັນ​ພື້ນຖານ​ການ​ບຳບັດ ເພື່ອ​ນຳ​ເອົາ​ຂີ້​ເຫຍື້ອ​ໃຫ້​ກາຍເປັນ​ພະລັງງານ​ແຫ່ງ​ທຳ​ອິດ​ຢູ່​ໃນ​ທະວີບ​ອາ​ຟະ​ຣິກ​ກາ ໄດ້​ເຂົ້າ​ສູ່​ການເຄື່ອນໄຫວ ເມື່ອ​ວັນ​ທີ 19 ສິງຫາ​ນີ້  ທີ່​ນະຄອນຫຼວງ ອັດ​ດິ​​ສ ອາ​ເບ​ບາ ຂອງ​ປະເທດ​ເອ​ທີ​ໂອ​ປີ.

    ພື້ນຖານ​ການ​ບຳບັດ​ຂີ້​ເຫຍື້ອ Reppie ໄດ້​ຮັບ​ການ​ລົງທຶນ​ກໍ່ສ້າງ​ດ້ວຍ​ແຫຼ່ງ​ທຶນ​ຂອງ​ລັດຖະບານ​ເອ​ທີ​ໂອ​ປີ​ລ້ວນໆ ນັ້ນ​ຄາດ​ວ່າ​ມີ​ກຳລັງ​ການ​ຜະລິດ​ດ້ວຍ​ຂີ້​ເຫຍື້ອ​ປະເພດ​ແຂງ ປະມານ 1.400 ໂຕນ/ວັນ. ເຈົ້າ​ຂອງ​ຜູ້​ຮັບ​ເໝົາ​ກໍ່ສ້າງ​ໂຄງການ​ດັ່ງກ່າວ ກໍ​ແມ່ນ​ບໍລິສັດ​ເຕັກນິກ​ໄຟຟ້າ​ແຫ່ງ​ຊາດ​ຈີນ (CNEEC).

    ປະທານາທິບໍດີ​ເອ​ທີ​ໂອ​ປີ ມູ​ລາ​ຕູ ເທ​ຊອມ ກ່າວ​ຢູ່​ໃນ​ພິທີ​ເປີດ​ຕົວ​ໂຄງການ​ດັ່ງກ່າວ​ວ່າ ການ​ລົງທຶນ​ເຂົ້າ​ໃນ​ບັນດາ​ໂຄງການ​ດ້ານ​ພະລັງງານ ແມ່ນ​ມີ​ຄວາມ​ສຳຄັນ ແລະ ຈຳເປັນ​ເປັນ​ຢ່າງ​ຍິ່ງ ເພື່ອ​ໃຫ້​ປະເທດ​ນີ້​ສຳເລັດ​ຄາດໝາຍ​ການ​ກາຍເປັນ​ປະເທດ​ທີ່​ມີ​ລາ​ຮັບ​ປານ​ກາງ ແລະ ມີ​ພື້ນຖານ​ອຸດສາຫະກຳ​ທີ່​ເປັນ​ມິດ​ກັບ​ສິ່ງແວດລ້ອມ ພາຍ​ໃນ​ປີ 2025. ການ​ສະໜອງ​ໄຟຟ້າ​ຢູ່​ໃນ​ເອ​ທີ​ໂອ​ປີ ເປັນ​ບັນຫາ​ສຳຄັນ​ເປັນ​ພິເສດ ໃນ​ເມື່ອ​ວ່າ​ພື້ນຖານ​ເສດຖະກິດ ພວມ​ມີ​ບາດກ້າວ​ຫັນ​ຈາກ ກະສິກຳ​ສູ່​ອຸດສາຫະກຳ ແລະ ກໍ​ເປັນ​ເງື່ອນໄຂ​ເພື່ອ​ດຶງ​ດູດ​ບັນດາ​ນັກ​ລົງທຶນ​ພາຍ​ໃນ ແລະ ຕ່າງປະເທດ.

 

ຂ່າວທີ່ກ່ຽວຂ້ອງ