EC ຮັບຮອງ​ການ​ຊ່ວຍ​ເຫຼືອ​ດ້ານ​ການ​ເງິນ​ໃຫ້​ແກ່​ອີຣານ

112 27 ສ.ຫ. 2018 ຂ່າວຕ່າງປະເທດ
EC ຮັບຮອງ​ການ​ຊ່ວຍ​ເຫຼືອ​ດ້ານ​ການ​ເງິນ​ໃຫ້​ແກ່​ອີຣານ

   ເມື່ອ​ວັນ​ທີ 23 ສິງຫາ​ທີ່​ຜ່ານ​ມາ ຄະນະ​ກຳມະການ​ເອີຣົບ (EC) ​ໄດ້​ຮັບຮອງ​ບ້ວງ​ເງິນ​ຊ່ວຍ​ເຫຼືອ 18 ລ້າ​ານ​ເອີ​ໂຣ ​ໃຫ້​ແກ່​ບັນດາ​ໂຄງການ​ພັດະ​ນາ​ເສດຖະກິດ ​ແລະ ​ສັງຄົມ ​ແບບ​ຍືນ​ຍົງຢູ່​ໃນ​ອີຣານ ​ໃນ​ນັ້ນ ຈັດ​ສັນ​ໃຫ້​ແກ່​ພາກ​ເອກະ​ຊົນ 8 ລ້ານ​ເອີ​ໂຣ.

    ຂ່າວ​ແຈ້ງວ່າ ​ໂຄງການ​ເຫຼົ່າ​ນັ້ນ ​ເປັນ​ສ່ວນ​ໜຶ່ງ​ຂອງ​ຂອບ​ຄວາມ​ຊ່ວຍ​ເຫຼືອ​ເປັນ​ມູນ​ຄ່າ 50 ລ້ານ​ເອີ​ໂຣ ​ໃຫ້​ແກ່​ອີຣານ ​ເພື່ອ​ຊ່ວຍ​ເຫຼືອ​ປະ​ເທດ​ນີ້ ຮັບ​ມື​ກັບ​ຄວາມ​ທ້າ​ທາຍ​ໃນ​ດ້ານ​ເສດຖະກິດ ​ແລະ​ສັງຄົມ.

    ທ່ານ​ນາງ ​ເຟ​ເດຣີກາ ​ໂມ​ເກ​ດີ​ນີ ຜູ້​ແທນ​ຂັ້ນ​ສູງ​ຂອງ​ສະຫະພາບ​ເອີຣົບ (EU) ຮັບຜິດຊອບ​ນະ​ໂຍບາຍ​ດ້ານ​ຄວາມ​ສະຫງົບ ​ແລະ ​ພົວພັນ​ຕໍ່​ຕ່າງປະ​ເທດ ຖະ​ແຫຼ​ງວ່າການ​ຮ່ວມ​ມື​ໄດ້​ຮັບ​ການ​ພັດທະນາ​ຢູ່​ໃນ​ຫຼາຍ​ຂົງ​ເຂດ ນັບ​ແຕ່​​ເວລາ​ທີ່ການ​ພົວພັນ​ລະຫວ່າງອີຣານ ກັບ EU ກັບ​ສູ່​ການ​ເຄື່ອນ​ໄຫວ ຫຼັງ​ຈາກບັນລຸ​ຂໍ້​ຕົກລົງ​ກ່ຽວ​ກັບນີວ​ເຄລຍຂອງ​ອີຣານ ຫຼື​ທີ່​ເອີ້ນ​ວ່າ​ແຜນການ​ດຳ​ເນີນ​ງານ​ຮ່ວມ​ຮອບດ້ານ (JCPOA). EU ​ໃຫ້​ສັນຍາ​ຮັກສາ​ຂໍ້​ຕົກລົງ​ດັ່ງກ່າວ​ເອົາ​ໄວ້ ​ແລະ ​ບັນດາ​ມາດ​ຕະການ​ໃໝ່​ນີ້ ​ແມ່ນ​ເພື່ອ​ເຮັດ​ໃຫ້ການ​ພົວພັນ​ທາງ​ດ້ານ​ເສດຖະກິດ ມີ​ຄວາມ​ເລິກ​ເຊິ່ງຕື່ມ​ອີກ.

 

ຂ່າວທີ່ກ່ຽວຂ້ອງ