ຂ່າວຫຼ້າສຸດ

ຄ່າ​ຂອງ​ເງິນ​ຣຸບ ຕົກຕ່ຳ​ຢ່າງ​ແຮງ

148 27 ສ.ຫ. 2018 ຂ່າວຕ່າງປະເທດ
ຄ່າ​ຂອງ​ເງິນ​ຣຸບ ຕົກຕ່ຳ​ຢ່າງ​ແຮງ

     ຄ່າ​ຂອງ​ເງິນ​ຣຸບ (ສະກຸນ​ເງິນ​ພາຍ​ໃນ​ຂອງ​ຣັດ​ເຊຍ) ໃນ​ວັນ​ທີ 23 ສິງຫາ​ທີ່​ຜ່ານ​ມາ ໄດ້​ຫຼຸດ​ລົງ​ສູ່​ລະດັບ​ຕ່ຳ​ສຸດ ເມື່ອ​ທຽບ​ໃສ​ຄ່າ​ເງິນ​ໂດ​ລາ​ສະຫະລັດ   ໃນ​ຮອບ​ກວ່າ​ສອງ​ປີ​ທີ່​ຜ່ານ​ມາ ຊຶ່ງ​ມີ​ຂຶ້ນ​ພຽງ 1 ວັນ ຫຼັງ​ຈາກ​ທີ່​ການ​ປິດ​ລ້ອມ​ຮອບ​ໃໝ່​ຫຼ້າ​ສຸດ​ຂອງ ສ ອາ​ເມ​ຣິ​ກາ ຕໍ່​ຣັດ​ເຊຍ ມີ​ຜົນ​ບັງຄັບ​ໃຊ້ ເຮັດ​ໃຫ້​ທະນາຄານ​ກາງຂອງ​ຣັດ​ເຊຍ ຕ້ອງ​ໄດ້​ມີ​ມາດ​ຕະການ​ແຊກ​ແຊງ.

    ໄລ່​ມາ​ຮອດ​ຕອນ​ແລງ​ຂອງ​ວັນ​ທີ 23 ສິງຫາ ອັດຕາ​ແລກປ່ຽນ​ຂອງ​ເງິນ​ຣຸບ ໄດ້​ຫຼຸດ​ລົງ​ໄປ​ທີ່ 69 ຣຸບ/1 ໂດ​ລາ​ສະຫະລັດ ເປັນ​ເທື່ອ​ທຳ​ອິດ ນັບ​ແຕ່​ເດືອນ​ເມສາ ປີ 2016 ເປັນຕົ້ນ​ມາ ຊຶ່ງ​ໃນ​ເວລາ​ນັ້ນ ຣັດ​ເຊຍ​ພວມ​ປະ​ເຊີນ​ກັບ​ຜົນ​ກະທົບ​ຈາກ​ມາດ​ຕະການ​ປິດ​ລ້ອມ​ທຳ​ອິດ ຈາກ​ຝ່າຍ​ຕາເວັນຕົກ ທີ່​ພົວພັນ​ເຖິງ​ວິ​ກິດ​ການ​ໃນ​ອູ​ແກຣນ.

    ທະນາຄານ​ກາງ​ຣັດ​ເຊຍ ຖະແຫຼງ​ຢູ່​ໃນ​ແຈ້ງ​ການ​ສະບັບ​ໜຶ່ງ ວ່າ​ທະນາຄານ​ນີ້​ຈະ​ບໍ່​ຈັດ​ຊື້​ເງິນຕາ​ຕ່າງປະເທດ ນັບ​ແຕ່​ວັນ​ທີ 23 ສິງຫາ ໄປ​ຮອດ​ທ້າຍ​ເດືອນ​ໜ້າ. ການ​ດຳເນີນ​ການ​ຂອງ​ທະນາຄານ​ກາງ​ຣັດ​ເຊຍ ແມ່ນ​ເພື່ອ​ຊ່ວຍ​ເພີ່ມ​ຄວາມ​ເປັນ​ເຈົ້າ​ການ​ຂອງ​ຕົນ ທີ່​ເປັນ​ອົງການ​ຕຸ້ມ​ຄອງ​ເງິນຕາ ພ້ອມ​ກັນ​ນັ້ນ​ກໍ​ຫຼຸດ​ການ​ຜັນ​ຜວນ​ຂອງ​ຕະຫຼາດ​ການ​ເງິນ.

    ການ​ຕົກລົງ​ດັ່ງກ່າວ ໄດ້​ເຮັດ​ໃຫ້​ຄ່າ​ຂອງ​ເງິນ​ຣຸບ​ກັບ​ມາ​ເພີ່ມ​ຂຶ້ນ​ຢ່າງ​ໄວວາ  ແລະ ປັດຈຸບັນ​ນີ້ ມີ​ອັດຕາ​ແລກປ່ຽນ​ຢູ່​ທີ່​ລະດັບ 67,92 ຣຸບ/1 ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ