ຂ່າວຫຼ້າສຸດ

Goldman Sachs ຂາຍ​ອາຄານສຳນັກງານ​ໃໝ່​ຢູ່​ໃນ​ເອີຣົບ

232 27 ສ.ຫ. 2018 ຂ່າວຕ່າງປະເທດ
Goldman Sachs ຂາຍ​ອາຄານສຳນັກງານ​ໃໝ່​ຢູ່​ໃນ​ເອີຣົບ

    ໂກລມານ ​ແຊັດ (Goldman Sachs) ຊຶ່ງ​ເປັນ​ທະນາຄານ​ການ​ລົງ​ທຶນ​ຂອງ ສ ອາ​ເມຣິກາ ​ໄດ້​ຂາຍ​ອາຄານສຳນັກງານ​ໃໝ່​ຢູ່​ໃນ​ເອີຣົບ ທີ່​ຄາດ​ວ່າ​ຈະ​ເປີດ​ຕົວ​ໃນ​ປີໜ້າຢູ່​ໃນ​ນະຄອນຫຼວງ​ລອນ​ດອນ ຂອງ​ອັງກິດ ​ນັ້ນ​ໃຫ້​ແກ່ກອງ​ທຶນ​ບຳນານ​ແຫ່ງ​ຊາດ​ຂອງ ສ ​ເກົາຫຼີ ​ໃນ​ລາຄາ 1,5 ຕື້​ໂດ​ລາ​ສະຫະລັດ.

    ໃນ​ແຈ້ງ​ການ​ສະບັບ​ໜຶ່ງ ທີ່​ມີ​ອອກ​ມາ​ເມື່ອ​ວັນ​ທີ 23 ສິງຫາ​ທີ່​ຜ່ານ​ມາ Goldman Sachs ​ໃຫ້​ຮູ້​ວ່າ​ທະນາຄານ​ນີ້​ ໄດ້​ບັນລຸ​ຂໍ້​ຕົກລົງ​ຢ່າງ​ມີ​ການ​ຜູກ​ມັດ ກັບ​ກອງ​ທຶນ​ບຳນານ​ແຫ່ງ​ຊາດ​ຂອງ ສ ​ເກົາຫຼີ ຊຶ່ງ​ຕາມ​ຂໍ້​ຕົກລົງ​ນີ້​ກໍ​ແມ່ນ​ຂາຍ ​ແລະ​ເຊົ່າຄືນ​ສຳລັບ​ອາຄານ Plumtree Court ຢູ່​ໃນ​ລອນ​ດອນ.

    ດັ່ງ​ນັ້ນ ອາຄານ Plumtree Court ທີ່​ມີ​ຄວາມ​ສູງ 10 ຊັ້ນ ​ແລະ​ມີ​ສະຖານ​ທີ່​ພຽງພໍ ​ໃຫ້​ແກ່​ພະນັກງານ​ປະມານ 8.000 ຄົນ ຈະ​ກາຍ​ເປັນ​ສຳນັກງານ​ແຫ່ງ​ໃໝ່​ຂອງ Goldman Sachs ຢູ່​ໃນ​ເອີຣົບ ນັບ​ແຕ່​ກາງ​ປີ 2019 ​ເປັນ​ຕົ້ນ​ໄປ. ສັນຍາ​ການ​ເຊົ່າ​ຄືນ​ອາຄານ ທີ່​ມີ​ມູນ​ຄ່າ​ເກືອບ  1,3 ຕື້​ເອີ​ໂຣ (​ເທົ່າ​ກັບ​ປະມານ 1,5 ຕື້​ໂດ​ລາ​ສະຫະລັດ) ດັ່ງກ່າວ​ຈາກ​ກອງ​ທຶນ​ບຳນານ​ແຫ່ງ​ຊາດ​ຂອງ ສ ​ເກົາຫຼີ ມີ​ກຳນົດ​ເວລາ 25 ປີ.

    Goldman Sachs ຕົກລົງ​ຕັ້ງ​ສຳນັກງານ​ຂອງ​ຕົນປະຈຳ​ໃນ​ເອີຣົບ ຢູ່​ໃນ​ນະຄອນ​ນຫຼວງ​ລອນ​ດອນ ​ເພື່ອ​ຊຸກຍູ້​ແຫຼ່ງການ​ລົງທຶນເຂົ້າ​ໄປ​ໃນ​ອັງກິດ ​ໃນ​ໄລຍະ​ຫຼັງ​ຈາກ​ທີ່​ອັງກິດ ຖອນ​ຕົວ​ອອກ​ຈາກ​ສະຫະພາບ​ເອີຣົບ (EU). ປັດຈຸບັນ​ນີ້ Goldman Sachs ມີ​ພະນັກງານ​ເຮັດ​ວຽກ​ຢູ່​ໃນ​ລອນ​ດອນ​ ປະມານ 6.000 ຄົນ.

 

ຂ່າວທີ່ກ່ຽວຂ້ອງ