ຂ່າວຫຼ້າສຸດ

ການ​ເຈລະຈາ​ຮອບ​ໃໝ່​ກ່ຽວ​ກັບ Brexit ບໍ່​ມີ​ບາດກ້າວ​ບຸກ​ທະລຸ

88 24 ສ.ຫ. 2018 ຂ່າວຕ່າງປະເທດ
ການ​ເຈລະຈາ​ຮອບ​ໃໝ່​ກ່ຽວ​ກັບ Brexit ບໍ່​ມີ​ບາດກ້າວ​ບຸກ​ທະລຸ

       ຮອບ​ເຈລະຈາ​ໃໝ່​ກ່ຽວ​ກັບ​ການ​ທີ່​ອັງກິດ ຖອນ​ອອກ​ໄປ​ຈາກ​ສະຫະພາບ​ເອີ​ຣົບ (EU) ຫຼື​ທີ່ ເອີ້ນ​ວ່າ  Brexit ນັ້ນ​ໄດ້​ສິ້ນ​ສຸດ​ລົງ​ເມື່ອ​ວັນ​ທີ 21 ສິງຫາ​ນີ້ ໂດຍ​ທີ່​ບໍ່​ບັນລຸ​ບາດກ້າວ​ບຸກ​ທະລຸ​ໃດໆ.

    ເຖິງ​ຢ່າງໃດ​ກໍ​ຕາມ ທັງ​ອັງກິດ ແລະ EU ຕ່າງ​ກໍ​ເຫັນ​ດີ​ເປັນ​ເອກະສັນ​ກັນ ທີ່​ຈະ​ສືບຕໍ່​ການ ເຈລະຈາ​ໃນ​ອາທິດ​ໜ້າ ເພື່ອ​ຮັດ​ແຄບ​ຄວາມ​ບໍ່​ລົງ​ລອຍ​ກັນ ກ່ຽວ​ກັບ​ບັນດາ​ບັນຫາ​ທີ່​ສຳຄັນ ເຊັ່ນ​ບັນຫາ​ຊາຍ​ແດນ​ອຽກ​ລັງ ແລະ​ການ​ພົວພັນ​ທາງ​ດ້ານ​ເສດຖະກິດ​ລະຫວ່າງ​ສອງ​ຝ່າຍ ຫຼັງ Brexit.

    ຄາດ​ວ່າ ໃນ​ວັນ​ທີ 23 ສິງຫາ​ນີ້ ບັນດາ​ລັດຖະມົນຕີ​ຂອງ​ອັງກິດ ຈະ​ນຳ​ປະກາດ​ແຈ້ງ​ການ ປະມານ 20 ສະບັບ ຊຶ່ງ​ພົວພັນ​ເຖິງ​ສາກ​ທີ່ “ບໍ່​ບັນລຸ​ຂໍ້​ຕົກລົງ” ໄດ້​ໃນ​ຂົງເຂດ​ການ​ຊ່ວຍເຫຼືອ​ຂອງ​ລັດ ເງິນ​ທີ່​ຈ່າຍ​ໃຫ້​ແກ່​ກະສິກອນ ການ​ແລກປ່ຽນ​ດ້ານ​ການ​ສຶກ​ສາ ການ​ຄົ້ນຄວ້າ​ກ່ຽວ​ກັບ​ນີວ​ເຄລຍ ວິທະຍາສາດ​ການ​ດຳລົງ​ຊີວິດ ແລະ​ ການ​ແພດ. ໃນ​ຂະນະ​ດຽວ​ກັນ ແຈ້ງ​ການ​ອີກ 60 ສະບັບ ຈະ​ສືບຕໍ່​ນຳ​ອອກ​ມາ​ປະກາດ​ໃນ​ຊຸມ​ອາທິດ​ຖັດ​ໄປ.

 

ຂ່າວທີ່ກ່ຽວຂ້ອງ