ຂ່າວຫຼ້າສຸດ

ສ ອາ​ເມ​ຣິ​ກາ ມີ​ທະຫານ 28.500 ຄົນ ຢູ່​ໃນ​ແຫຼມ​ເກົາຫຼີ

218 24 ສ.ຫ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ມີ​ທະຫານ 28.500 ຄົນ ຢູ່​ໃນ​ແຫຼມ​ເກົາຫຼີ

    ຂ່າວສານ Yonhap ລາຍ​ງານ​ວ່າ ສ ເກົາຫຼີ ແລະ ສ ອາ​ເມ​ຣິ​ກາ ໄດ້​ເລີ່ມ​ການ​ເຈລະຈາ ຮອບ​ໃໝ່ ໃນ​ວັນ​ທີ 22 ສິງຫາ​ນີ້ ກ່ຽວ​ກັບ​ການ​ແບ່ງປັນ​ລາຍ​ຈ່າຍ​ດ້ານ​ການ​ທະຫານ ໃຫ້​ແກ່​ພົນທະຫານ​ຂອງ ສ ອາ​ເມ​ຣິ​ກາ ທີ່​ປະຈຳການ​ຢູ່​ໃນ​ແຫຼມ​ເກົາຫຼີ ຊຶ່ງ​ມີ​ຂຶ້ນ​ທ່າມກາງ​ທີ່ ທັງ​ສອງ​ຝ່າຍ​ຍັງ​ມີ​ຄວາມ​ບໍ່​ລົງ​ລອຍ​ກັນ ກ່ຽວ​ກັບ​ບ້ວງ​ໃຊ້​ຈ່າຍ​ຊຶ່ງ​ຝ່າຍ ສ ເກົາຫຼີ ຄວນ​ປະກອບສ່ວນ.

    ບັນດາ​ເຈົ້າ​ໜ້າທີ່​ລະດັບ​ສູງ​ຂອງ​ສອງ​ປະເທດ​ດັ່ງກ່າວ ມີ​ກຳນົດ​ເຈລະຈາ​ກັນ​ເປັນ​ເວລາ 2 ວັນ ໂດຍ​ຈັດ​ຂຶ້ນ​ທີ່​ສະ​ຖາ​ບັນ​ການ​ວິໄຈ​ດ້ານ​ປ້ອງ​ກັນ​ຊາດ​ຂອງ ສ ເກົາຫຼີ ຢູ່​ໃນ​ນະຄອນຫຼວງ​ເຊ​ອູນ.

    ນີ້​ເປັນ​ການ​ເຈລະຈາ​ຮອບ​ທີ 6 ພາຍ​ໃນ​ປີ​ນີ້ ເພື່ອ​ຕົກລົງ​ບັນດາ​ຂໍ້ຄວາມ​ໃໝ່ ທີ່​ພົວພັນ​ເຖິງ ແບກ​ຫາບ​ອັນ​ໜັກໜ່ວງ​ດ້ານ​ການ​ເງິນ​ຂອງ ສ ເກົາຫຼີ ທີ່​ມີ​ຕໍ່​ກອງ​ກຳລັງ​ຂອງ ສ ອາ​ເມ​ຣິ​ກາ ຢູ່​ໃນ ສ ເກົາຫຼີ (USFK) ຊຶ່ງ​ປະກອບ​ມີ​ພົນທະຫານ 28.500 ຄົນ​ນັ້ນ.

 

ຂ່າວທີ່ກ່ຽວຂ້ອງ